شىنجاڭ ئۇيغۇر ئاپتونوم رايونلۇق ساقچى تەرەپ ئاشكارىلىغان ئۇچۇردا مۇنداق دېيىلدى : پىچان ناھىيەسىدىكى ئېغىر زوراۋانلىق ، تېررورلۇق ھۇجۇم قىلىش دېلوسى 30-ئىيۇن پاش قىلىنغان .B6Aئاقيول ئۇيغۇر تور بىكىتى

بۇ يىل 2-ئايدىن بۇيان ، ئەخمەتنىياز سىدىق نۇرغۇن ئادەم توپلاپ ، دىنىي ئەسەبىي پائالىيەتلەر بىلەن شوغۇللىنىپ ، زوراۋانلىق ، تېررورلۇققا قۇترىتىدىغان مەزمۇندىكى ئۈن-سىن ماتېرىياللىرىنى كۆرۈپ ، 17 كىشىلىك زوراۋانلىق گۇرۇھىنى شەكىللىگەن . 6-ئاينىڭ ئوتتۇرىلىرىدىن بۇيان ، بۇ گۇرۇھ مەبلەغ توپلاپ ، تىغلىق ئەسۋاب ، بېنزىن قاتارلىق دېلو سادىر قىلىش قوراللىرىنى سېتىۋېلىپ ، كۆپ قېتىم پۇرسەت ئىزدىگەن . 25-ئىيۇن ، جامائەت خەۋپسىزلىكى تارماقلىرى يىپ ئۇچىغا ئاساسەن ، مەزكۇر گۇرۇھنىڭ بىر نەپەر ئەزاسىنى تۇتقان . ئەخمەتنىياز سىدىق جىنايى قىلمىشىنىڭ ئاشكارىلىنىپ قېلىشىدىن قورقۇپ ، 26-ئىيۇن سەھەردە 15 نەپەر توپىلاڭچى بىلەن بىرلىكتە ئىلگىرى-كېيىن بولۇپ پىچان ناھىيە لۈكچۈن بازارلىق ساقچىخانا ، چارلاش ساقچى ئوتتۇرا ئەترىتى ، بازارلىق ھۆكۈمەت ، قۇرۇلۇش ئورۇنلىرى ، خۇسۇسىي دۇكانلار ۋە ھۆسن تۈزەش ئورۇنلىرىغا ھۇجۇم قىلىپ ، ئاپتوموبىللارنى كۆيدۈرۈپ ، پىچاق بىلەن جامائەت خەۋپسىزلىكى ساقچىلىرى ۋە بىگۇناھ ئاممىنى ئەسەبىيلەرچە چېپىپ ئۆلتۈرگەن . ۋەقەدە 24 كىشى ئۆلگەن بولۇپ ، بۇنىڭ ئىچىدە 16 سى ئۇيغۇر ، سەككىزى خەنزۇ ( ئۆلگەنلەرنىڭ ئىچىدە ئىككىسى ئايال) ، يەنە 21 كىشى يارىلانغان . دېلونى بىر تەرەپ قىلىش جەريانىدا ، نەق مەيداندا 11 نەپەر زوراۋان ئېتىپ ئۆلتۈرۈلگەن ، يارىلانغانلارنى قوشقاندا جەمئىي تۆت نەپەر زوراۋان تۇتۇلغان ، پىچاق ، بېنزىن باكى قاتارلىق دېلو سادىر قىلىش ئەسۋبلىرىدىن بىر نەچچىسى قولغا چۈشكەن . قېچىپ يۈرۈۋاتقان ئىبراھىم ئەلى ئىسىملىك بىر نەپەر زوراۋان ئاممىنىڭ پاش قىلىشى بىلەن 30-ئىيۇن تۇتۇلغان B6Aئاقيول ئۇيغۇر تور بىكىتى