جوڭشىڭ يانفۇنىنىڭ سېتىلىش مىقدارى 500مىليۇن يۈرۈشكە يەتتى

جوڭشىڭ يانفۇنىنىڭ سېتىلىش مىقدارى 500مىليۇن يۈرۈشكە يەتتى

         ئاقيول تورى ئۈمىد 19-كۈنى خەۋىرى :تۈنۈگۈن جوڭشىڭ شىركىتىنىڭ قۇرۇلغانلىقىنىڭ 15يىل بولغان كۈندە ، جوڭشىڭ يانفۇنىنىڭ سېتىلىش مىقدارى 500مىليۇن يۈرۈشكە يېتىپ ، مال چىقىرىش مىقدارى جەھەتتە پۈتۈن دۇنيا بويىچە 4-ئورۇنغا ئۆتتى . ھازىر يانفۇن سېتىشتى قىلغان كىرىم بۇ شىركەتنىڭ ئومۇمىي كىرىمىنىڭ 40%نى ئىگەللىدى .جوڭشىڭنىڭ باش مۇدىرى خوۋۋېيگۈي تۈنۈگۈن مۇنۇلارنى بىلدۈردى ، گۇرۇھىمىز بۇنىڭدىن كېيىن يانفۇن كەسپىنىڭ تەرەققىياتىغا كۆڭۈل بۆلۈپ ، 2015-يىلىغا بارغاندا يانفۇن كەسپىدىن قىلغان كىرىمنىڭ ئومۇمىي كىرىمدە ئىگىلىگەن نىسبىتىنى 50%گە يەتكۈزۈشكە تىرىشىدۇ . جوڭشىڭنىڭ مۇئاۋىن باش مۇدىرى خې شې يوۋ مۇنۇلارنى بىلدۈردى ، جوڭشىڭ ھازىر تېخنىكا جەھەتتە خەلىقئارالىق ئالدىنقى سەۋىيىگە يەتتى ، بىراق ماركا قىممىت يەنىلا تۆۋەن ئورۇندا تۇرىدۇ . جوڭشىڭنىڭ بۇنىڭدىن كىيىنكى نىشانى يانفۇن مال چىقىرىش مىقدارى جەھەتتە پۈتۈن دۇنيادا ئالدىنقى 3-ئورۇندا تۇرۇش ، ماركا قىممىتى جەھەتتە 5-ئورۇنغا ئۆتۈش ، شۇنداقلا ئوتتۇرا قاتلامدىكى يانفۇن بازىرىدا باشلامچىلىق ئورۇننى ئىگىلەش ئىكەن . 

( تەھرىر : ئاقيول تورى )