ئەڭ مۇستەھكەم Cat B15 ئەقلىيفۇنى ئېلان قىلىندى

ئەڭ مۇستەھكەم Cat B15 ئەقلىيفۇنى ئېلان قىلىندى

 
         ئاقيول تورى ئۈمىد 18-كۈنى خەۋىرى :Caterpillar شىركىتى بولسا پۈتۈن دۇنيادىكى قۇرۇلۇش ماشىنا ئۈسكۈنىلىرى ۋە كان ئېچىش ماشىنا ئۈسكۈنىلىرىنى ياسايدىغان ئەڭ چوڭ شىركەت . يىقىندا بۇ شىركەت ئەڭ مۇستەھكەم ۋە چىداملىق بولغان ئەقلىيفۇن Cat B15 نى ئېلان قىلدى ، بۇ يانفۇننىڭ باھاسى 350 ئامېرىكا دوللىرى يەنى تەخمىنەن 2160 يۈەن بولىدىكەن .
        Cat B15 يانفۇنىغا ئاندىرويىد 4.1 مەشغۇلات سىستېمىسى ئىشلىتىلگەن . ئېكرانغا 4 سۇڭلۇق 480*800ئېنىقلىقتى ئېكران ، ئېكران ئەينىكىگە ئالاھىدە چىداملىق بولغان ئەينەك سەپلەنگەن بولۇپ ، بارمىقىمىز ھۆل بولىسمۇ نورمال مەشغۇلات قىلغىلى بولىدىكەن . باشقا سەپلىمىلىرى جەھەتتە قوش يادرولۇق 1GHz لىق مەركىزى بىر تەرەپ قىلغۇچ ، 512MB لىق RAM ئىچكى ساقلىغۇچ ، 5مىليۇن پىكسىللىق كامېرا ، mAh 2000 لىق باتارېيە سەپلەنگەن بولۇپ ، ئۇدا سۆزلىشىش ۋاقتى 16 سائەتكە يېتىدىكەن ، يەنە بۇ يانفۇننىڭ سىغىمى   4GB ئىكەن . 
      بۇيانفۇن سەپلىمە جەھەتتە ئادەتتىكىچە بولسىمۇ ، بىراق چىدامچانلىق جەھەتتە باشقا ئەقلىيفۇنلارغا سىلىشتۇرغاندا ناھايىتى يۇقىرى ئىكەن . يانفۇننىڭ سىرىتقى قېپىغا قاتتىقلىق دەرىجىسى ناھايىتى يۇقىرى قاپ ئىشلىتىلگەن بولۇپ ، 1.8 مېتىر ئېگىزلىكتىن قاتتىق يەرگە ۋە سۇغا تاشلىغاندىمۇ ھېچقانداق بولمىغان . يەنە بۇ يانفۇننى بىر مېتىر چوڭقۇرلۇقتىكى سۇ ئاستىدا 30 مىنۇت ئىشلەتكىلى بولىدىكەن .

( تەھرىر : ئاقيول تورى )