450يۈەنلىك نوكىيا Asha 210 يانفۇنى

450يۈەنلىك نوكىيا Asha 210 يانفۇنى

       ئاقيول تورى ئۈمىد 25-كۈنى خەۋىرى :يىقىندا نوكىيانىڭ Asha يانفۇن تۈرىگە يېڭىدىن بىر ئەزا نوكىيا Asha 210 قوشۇلماقچى بولىۋاتىدۇ . بۇ كۇنۇپكا تاختىسى بار ئەقلىفۇن بولۇپ ، بىرلا ۋاقىتتا تاق كارتىلىق ۋە قوش كارتىلىق ئىككى خىل نۇسخىسى تارقىتىلىدىكەن ، بۇ يانفۇن كۇنۇپكا تاختىسى بار ئەقلىيفۇنلار ئىچىدە قىزغىن ئالقىشقا ئېرىشىشى مۇمكىن .
Asha210 يانفۇنىغا بولسا 2.4 سۇڭلۇق QVGA ئېكران ۋە تولۇق كونۇپكا تاختىسى ئىشلىتىلگەن بولۇپ ، ئاساسلىقى ياشلارغا ماسلاشتۇرۇلۇپ لايىھىلەنگەن ئىكەن . باشقا سەپلىمىلىرى جەھەتتەAsha210 يانفۇنىغا 2مىليۇن پىكسىللىق كامېرا ، 64MB لىق ئىچكى ساقلىغۇچ سەپلەنگەن بولۇپ ، SD كارتا ئارقىلىق يانفۇن سىغىمىنى 32GB غا يۇقىرى كۆتۈرگىلى  بولىدىكەن ، ئۇنىڭدىن باشقا بۇ يانفۇن يەنە Wi-Fi تورىغا ئۇلىنىشنى قوللايدىكەن ،Asha210 يانفۇنىنىڭ قوش كارتا نۇسخىسىغا يەنە كارتىنى تېز سۈرئەتتە ئالماشتۇرۇش ئىقتىدارى قوشۇلغان بولۇپ ، يانفۇننى ئېتىۋەتمەي تۇرۇپلا ناھايىتى تېز سۈرئەتتە كارتىنى ئالماشتۇرۇپ ئىشلەتكىلى بولىدىكەن .
بۇ يانفۇننىڭ يەنە ئاق ، قارا ، سىرىق ، يىشىل ، ھال رەڭ قاتارلىق كۆپ خىل رەڭلىرى بار بولۇپ ، بۇ پەسىل ئىچىدە بازارغا سېلىنىشى مۇمكىن ئىكەن . ھازىر بۇ يانفۇننىڭ باھاسى تەخمىنەن 75 ئامېرىكا دوللىرى يەنى 450 يۈەن ئەتىراپىدا بولۇشى مۇمكىن دەپ پەرەز قىلىنىۋاتىدۇ ، ئەگەر راستلا مۇشۇنداق بولۇپ قالسا بۇ ئەقلىيفۇن ياخشى بولغان ئىقتىدارى ۋە ئەرزان باھاسى ئارقىلىق نۇرغۇن كىشىلەرنى ئۆزىگە جەلپ قىلالايدۇ .   

( تەھرىر : ئاقيول تورى )