ئەرزان باھالىق HTC M4 يانفۇنى ئاشكارىلاندى

ئەرزان باھالىق HTC M4 يانفۇنى ئاشكارىلاندى

 
       ئاقيول تورى باھار 2-كۈنى خەۋىرى :چەتئەل ئاخبارات ۋاستىلىرىنىڭ خەۋىرىگە قارىغاندا ، HTC ھازىر ئۆزىنىڭ يېڭى بىر ئەۋلاد يانفۇنى HTC One ئاساسىدا يەنە بىر ئەرزان باھالىق ئەقلىيفۇن HTC M4 نى ياساۋىتىپتۇ . بۇ يانفۇنغا قوش يادرولۇق مەركىزى بىر تەرەپ قىلغۇچ شۇنداقلا 4.3 سۇڭلۇق ئېكران سەپلەنگەن بولۇپ ، بۇ يىل ئىككىنچى پەسىلنىڭ ئاخىرىدا بازارغا سېلىنىشى مۇمكىن ئىكەن .
       HTC M4 يانفۇنى HTC One بىلەن سىرىتقى لايىھە جەھەتتە ئاساسەن ئوخشاش بولۇپ  ، خۇددى Galaxy S3 Mini ۋەGalaxy S3 غا ئوخشاش ، بۇ يانفۇنمۇ HTC نىڭOne تۈرىدىكى يانفۇنىنىڭ ئۆزگەرتىلىشى ۋە داۋاملاشتۇرۇلۇشى بولۇپ ھىسابلىنىدۇ .
       گەرچە ، سىرىتقى لاھىيە جەھەتتىن ئانچە پەرقلىنىپ كەتمىسىمۇ ، بىراق HTC M4 ئاساسلىقى ئوتتۇرا قاتلامدىكى بازارلارغا نىسبەتەن ئوتتۇرىغا چىقىرىلغان بولۇپ ، سەپلىمە جەھەتتىمۇ HTC One دىن كۆپ پەرقلىنىدىكەن ، يەنى بۇ يانفۇنغا 4.3 سۇڭلۇق ئېكران ، قوش يادرولۇق مەركىزى بىرتەرەپ قىلغۇچ ، 2GB RAM ئىچكى ساقلىغۇچ سەپلەنگەن بولۇپ ، يانفۇن سىغىمى پەقەت 16GB ئىكەن . باتارېيىگە مۇقىملاشتۇرۇۋېتىلگەن 1700mAh لىق باتارېيە ئىشلىتىلىدىكەن . 
       بۇنىڭدىن باشقا يەنە HTC M4 يانفۇنىغا Android 4.2 مەشغۇلات سىستېمىسى ئىشلىتىلگەن بولۇپ ،LTE 4G ئۆلچىمىنى قوللايدىكەن .    

( تەھرىر : ئاقيول تورى )