سامسۇڭ يانفۇنىغا ئاليۇمىن بىرىكمىلىك قاپ ئىشلىتىلىدىكەن

سامسۇڭنىڭ كىيىنكى ئەۋلاد يانفۇنلىرىغا ئاليۇمىن بىرىكمىلىك سىرىتقى قاپ ئىشلىتىلىدىكەن

        ئاقيول تورى ئۈمىد 16-كۈنى خەۋىرى :چەتئەل ئاخبارات ۋاستىلىرىنىڭ خەۋىرىگە قارىغاندا ، سەنشىڭ ھازىر كىيىنكى ئەۋلاد يانفۇنىنىڭ سۈپىتىنى يېڭىلاش توغرىسىدا لايىھە پىلانى تۈزۈۋىتىپتۇ .
       HTC One نىڭ بازاردا ئىگىلىگەن نىسبىتى ئۈزلۈكسىز يۇقىرى كۆتۈرۈلىشى ، سەنشىڭغا بەلگىلىك دەرىجىدە بىسىم ئېلىپ كەلدى . HTC One نىڭ سىرىتقى قېپىغا ئاليۇمىن بىرىكمىلىك ماتېرىيال ئىشلىتىلگەن بولۇپ ، بۇ خىل سىرىتقى لايىھە ئىشلەتكۈچىلەرگە ئالمىنىڭ iPhone 5دىن مۇ سۈپەتلىك ياخشى تۇيغۇ بېرىۋاتىدۇ .
       ھازىر بازاردىكى سېتىلىۋاتقان سەنشىڭ يانفۇنلىرىنىڭ سىرىتقى قېپىغا سۇلىياۋ قاپ ئىشلىتىلگەن بولۇپ ، بەزى ۋاقىتتا ئادەمگە ئەرزان باھالىق يانفۇندەك تۇيغۇ بېرىپ قويىدۇ ، نۇرغۇن كىشىلەرمۇ سەنشىڭنىڭ سىرىتقى كۆرۈنۈش لايىھەسى ۋە ئۇسلۇبى ئۆزگەرتىلىشكە موھتاج دەپ قاراۋاتىدۇ .
       سەنشىڭنىڭ كىيىنكى ئەۋلاد يانفۇنى Galaxy Note III غا ئاليۇمىن بىرىكمىلىك سىرىتقى قاپ ئىشلىتىلىش ئېھتىماللىقى يۇقىرى ئىكەن . بىراق سەنشىڭنىڭ S4 يانفۇنى ئېلان قىلىنمىغان ۋاقىتتا ، بەزى خەۋەرلەردە بۇ يانفۇنغا بەلكىم تېخىمۇ ياخشى ماتېرىيال ئىشلىتىلىشى مۇمكىن دىيىلگەن ئىدى ، بىراق بۇ يانفۇن رەسمىي تارقىتىلغان ۋاقىتتا ئەھۋال ئۇنداق بولماي چىقتى . گەرچە سەنشىڭ يانفۇنلىرىغا تېخىمۇ ياخشى ماتېرىيال ئىشلىتىش توغرىسىدا لايىھە پىلانى تۈزىۋاتقان بولسىمۇ  ،بەزى مۇناسىۋەتلىك ئانالىزچىلارنىڭ تەھلىل قىلىشىچە ، ھازىرقى ئەھۋال بويىچە بولغاندا  ، سەنشىڭنىڭ كىينكى ئەۋلاد يانفۇنىنى ئېچىش خىزمىتى ئاللىقاچان ئاخىرقى باسقۇچقا بېرىپ قالغان بولۇپ ، بەلكىم سەنشىڭ سىرىتقى قاپنى قايتا لايىھىلەپ ئالماشتۇرۇشقا ئۈلگۈرەلمەسلىكى مۇمكىن ئىكەن . بىراق ئىستىمالچىلارنىڭ بۇ توغرىلىق ئىنكاسلىرى پەيدا بولغىلى خىلى بولغان بولۇپ ، سەنشىڭنىڭ بۇقېتىم يېڭى ئەۋلاد يانفۇنىغا ئۆزگەرتىش كىرگۈزۈش ئېھتىماللىقى يۇقىرى سالماقنى ئىگەللەيدۇ .
       ئىگىلىنىشچە ، Galaxy Note III يانفۇنىغا 6سۇڭلۇق ئېكران سەپلىنىدىغان بولۇپ ، بۇ يىل 8-، 9-ئايلاردا ئېلان قىلىنىشى مۆلچەرلىنىۋىتىپتۇ . 

( تەھرىر : ئاقيول تورى )