Galaxy S4 ئامېرىكىنىڭ بىخەتەرلىك تەكشۈرۈشىدىن ئۆتتى

سامسۇڭ Galaxy S4 ئامېرىكا دۆلەت مۇداپىئە مىنىستىرلىكىنىڭ بىخەتەرلىك تەكشۈرۈشىدىن ئۆتتى

       ئاقيول تورى باھار 4-كۈنى خەۋىرى :چەتئەل ئاخبارات ۋاستىلىرىنىڭ خەۋىرىگە قارىغاندا ، تۈنۈگۈن ئامېرىكا دۆلەت مۇداپىئە مىنىستىرلىكىنىڭ سامسۇڭ ۋە ئالمىنىڭ كۆچمە ئۈسكۈنىلىرىگە بولغان بىخەتەرلىك تەكشۈرۈپ باھالىشى ئاخىرلاشقان . سامسۇڭنىڭ Galaxy S4 يانفۇنى ئالمىنىڭ iPhone دىن بۇرۇن تەكشۈرۈشتىن ئۆتۈپ ، قارا بۆلجۈرگەن Z10 ۋە Q10 دىن كىيىنلا تەكشۈرۈشتىن ئۆتۈپ تەستىققا ئېرىشكەن يانفۇن ، شۇنداقلا تۇنجى تەكشۈرۈشتىن ئۆتكەن ئاندىرويىد يانفۇنى بولۇپ قالغان .
       ئىگىلىنىشچە ، بۇ قىتىملىق بىخەتەرلىك تەكشۈرۈشىدە سامسۇڭنىڭ Knox بىخەتەرلىك سىستېمىسى ناھايىتى مۇھىم رول ئوينىغان ، بۇ سىستېما نەچچە ئاي بۇرۇن دۇنيا كۆچمە ئالاقىلىشىش چوڭ يىغىنىدا ئوتتۇرىغا قويۇلغان بولۇپ ، Knox ئاساسلىقى خىزمەت پوچتا يوللانمىسى قاتارلىق ماتىرىياللارغا ئالاھىدە بەلگىلەنگەن سانلىق مەلۇماتلار ئارقىلىق مەخپىي نومۇر ئورنىتىپ بىر تەرەپ قىلىدىكەن .
       گەرچە بۇ قېتىم سامسۇڭنىڭ پەقەت Galaxy S4 يانفۇنى تەستىققا ئېرىشكەن بولسىمۇ ، سامسۇڭ باشقا تىپتىكى يانفۇنلىرىمۇ ئۇزاق بولمىغان كەلگۈسىدە تەكشۈرۈپ تەستىقلاشقا سۇنىدىكەن . ھازىر ئالمىنىڭ iPhone بىخەتەرلىك تەكشۈرۈش نەتىجىسىنى كۈتىۋىتىپتۇ .  

( تەھرىر : ئاقيول تورى )