Pantech (فەنتەي)يېڭى Vega يانفۇنىنى ئېلان قىلدى

Pantech (فەنتەي)يېڭى Vega يانفۇنىنى ئېلان قىلدى

 

       ئاقيول تورى ئۈمىد 22-كۈنى خەۋىرى :Pantech (فەنتەي) بولسا كورىيىدە سامسۇڭ ۋە LGدىن قالسىلا 3-چوڭ يانفون ئىشلەپچىقىرىش شىركىتى بولۇپ ھىسابلىنىدۇ . يىقىندا بۇ شىركەت ئۆزىنىڭ يېڭى تىپتىكى يانفونى Vega Iron نى ئېلان قىلدى . بۇ يانفون سامسۇڭنىڭ GALAXY S4 يانفۇنىغا رىقابەت ئېلىپ كەلدى ،بۇ يانفۇنغا مېتال بىرىكمىلىك سىرىتقى قاپ ئىشلىتىلگەن بولۇپ ، بۇ تەرەپتە سامسۇڭنىڭ يانفۇنلىرىدىن يۇقىرى ئورۇندا تۇرىدۇ .
 سامسۇڭنىڭ GALAXY S4 يانفۇنغا Super AMOLED قاتارلىق يېڭى يۇقىرى تېخنىكىلىق قاتتىق دېتاللار ،كۆز قارىچۇقىنى پەرىقلەندۈرۈش قاتارلىق يېڭى ئىقتىدارلار قوشۇلغان بولسىمۇ ، بىراق سىرىتقى كۆرۈنۈش ۋە لايىھىلىنىش جەھەتتەS3 بىلەن كۆپ پەرىقلەنمەيدۇ . سۇلىياۋ سىرىتقى قاپ كىشىگە بىر خىل ئەرزان باھالىق ، تۆۋەن قاتلامدىكى يانفۇندەك تۇيغۇ بېرىپ قويىدۇ ، شۇڭا IPHONE 5 ۋە HTC ONE قاتارلىقلار يانفۇنلارنىڭ سىرىتقى قېپىغا مېتال بىرىكمىلىك ماتېرىيال ۋە ئەينەك ماتىرىياللار ئىشلىتىلىپ ناھايىتى ياخشى باھالارغا ئىرىشتى .
 Pantech (فەنتەي) مۇ بۇجەھەتتە تەپسىلىي ئويلىشىپ ، يانفون سىرىتقى قېپىغا پۈتۈنلەي مېتال بىرىكمىلىك ماتېرىيال ئىشلىتىپ ، بۇ يانفۇننىڭ كىشىلەرگە يۇقىرى دەرىجىدىكى يانفۇندەك تۇيغۇ بېرىشىگە كۆڭۈل بۆلدى . Pantech (فەنتەي) تەرەپنىڭ چۈشەندۈرۈشىچە ، بۇ يانفۇننىڭ سىرىتقى مېتال رامكىسى ئانتىنانىڭ رولىنى ئوينايدىغان بولۇپ ، بۇنداق قىلىش ئارقىلىق سىگنالنىڭ كۈچلۈكلۈك دەرىجىسىنى تېخىمۇ ئاشۇرۇپ ، يانفۇننىڭ ھەرقايسى قىسىملىرىدىن يولۇق پايدىلىنىلغان . بۇ يانفۇنغا يەنە Pantech (فەنتەي)نىڭ 20 نەچچە يىللىق پەن-تىخنىكىسى بىرلەشتۈرۈلۈپ ئىشلىتىلگەن ئىكەن .
سەپلىمە جەھەتتە ، بۇ يانفۇنغا 5سۇڭلۇق يۇقىرى ئېنىقلىقتىكى ئېكران ، گاۋتوڭنىڭ تۆت يادرولۇق 1.7GHz مەركىزى بىر تەرەپ قىلغۇچى، 2GB  RAM ئىچكى ساقلىغۇچ ، 13مىليۇن پىكسىللىق كامېرا ۋە 2150mAh باتارېيە سەپلەنگەن بولۇپ ، ئاندىرويىد 4.1.2 مەشغۇلات سىستېمىسى ئىشلىتىلگەن ئىكەن .  
ئىگىلىنشىچە ، بۇ يانفون 4-ئاينىڭ ئاخىرىدا رەسمىي بازارغا سېلىنىدىكەن ، سېتىلىش باھاسى تېخى ئېنىق ئاشكارىلانمىدى .    

( تەھرىر : ئاقيول تورى )