[img=left]http://pe.images22.51img1.com/6000/birzat12345/e3e0ec86174780a3132ad394ce50d71a.jpg[/img]
مۇھەممەت تۇرسۇن (بىرزات)

ﺑﯩﺮ ﻗﺎﻧﭽﻪ ﻛﯜﻥ ﺋﺎﯞﯞﺍﻝ ﺋﺎﻣﺮﯨﻜﯩﻠﯩﻖ ﺋﯩﻜﻜﻰ ﺋﺎﻳﺎﻝ ﺩﯗﻛﻜﺎﻧﻐﺎ ﻛﯩﺮﯨﭗ ﻛﻪﭘﺘﯘ. ﺋﯘﻻﺭ ﺩﯗﻛﻜﺎﻧﻐﺎ ﺑﯩﺮﻩﺭ ﻗﯘﺭ ﮬﻪﻳﺮﺍﻧﻠﯩﻖ ﻧﻪﺯﯨﺮﻯ ﺑﯩﻠﻪﻥ ﻗﺎﺭﯨﯟﻩﺗﻜﻪﻧﺪﯨﻦ ﻛﯩﻴﯩﻦ ﻣﺎﯕﺎ ﻗﺎﺭﺍﭖ ﺑﯩﺮ ﻧﯧﻤﻪ ﺩﯦﮕﯜﺳﻰ ﺑﺎﺭ ﻟﯩﻜﯩﻦ ﻣﯧﻨﻰ ﺋﯧﻨﮕﯩﻠﯩﺰﭼﻪ ﺑﯩﻠﻤﻪﻳﺪﯗ ﺩﻩﭖ ﻗﺎﻟﺪﯨﻤﯘ ، ﺋﻪﻳﺘﺎﯞﯗﺭ ﻣﺎﯕﺎ ﻗﺎﺭﺍﭖ ﺑﯩﺮ ﻗﺎﻧﭽﻪ ﺩﻩﻗﯩﻘﻪ ﺳﯚﺯﺳﯩﺰ ﺗﯘﺭﯗﭖ ﻗﺎﻟﺪﻯ. ﭼﯩﺮﺍﻱ ﺋﯩﭙﺎﺩﯨﺴﯩﺪﯨﻦ ﻣﻪﻧﺪﯨﻦ ﺑﯩﺮ ﻧﻪﺭﺳﻪ ﺳﻮﺭﯨﻤﺎﻗﭽﻰ ﺋﯩﻜﻪﻧﻠﯩﻜﻰ ﺑﯩﻠﯩﻨﯩﭙﻼ ﺗﯘﺭﺍﺗﺘﻰ. ﻣﻪﻥ ﺗﻪﺷﻪﺑﺒﯘﺳﻜﺎﺭﻟﯩﻖ ﺑﯩﻠﻪﻥ ﺳﯚﺯ ﺋﺎﭼﺘﯩﻢ. ﺋﯘﻻﺭ ﻛﯧﻜﻪﭼﻠﻪﭖ ﺗﯘﺭﯗﭖ ﻗﯩﻠﻐﺎﻥ ﺋﯧﻨﮕﯩﻠﯩﺰﭼﻪ ﺳﯚﺯﻟﯩﺮﯨﻤﻨﻰ ﺋﺎﯕﻼﭖ ﮬﻪﺭ ﮬﺎﻟﺪﺍ ﺧﯘﺵ ﺑﻮﻟﯘﭖ ﺋﯚﺯﻟﯩﺮﯨﻨﯩﯔ ﻣﻪﺩﻩﻧﯩﻴﻪﺕ ، ﺳﻪﻧﺌﻪﺗﻜﻪ ﺋﺎﻻﮬﯩﺪﻩ ﻗﯩﺰﻗﯩﺪﯨﻐﺎﻧﻠﯩﻘﯩﻨﻰ، ﺑﯘ ﻗﯧﺘﯩﻤﻘﻰ ﺷﯩﻨﺠﺎﯕﻐﺎ ﺑﻮﻟﻐﺎﻥ ﺳﺎﻳﺎﮬﯩﺘﯩﺪﻩ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ، ﮬﻪﻣﺪﻩ ﺋﯚﺯﮔﯩﭽﻪ ﺧﺎﺳﻠﯩﻘﻘﺎ ﺋﯩﮕﻪ ﺋﯘﻳﻐﯘﺭ ﺗﯩﺒﺎﺑﯩﺘﯩﮕﻪ ﺋﺎﻻﮬﯩﺪﻩ ﻗﯩﺰﯨﻘﯩﭗ ﻗﺎﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﻮﻣﻜﯩﻦ ﺑﻮﻟﺴﺎ ﺑﯘ ﮬﻪﻗﺘﻪ ﻣﻪﻥ ﺑﯩﻠﻪﻥ ﻛﯚﭘﺮﻩﻙ ﭘﺎﺭﺍﯕﻼﺷﻘﯘﺳﻰ ﺑﺎﺭﻟﯩﻘﯩﻨﻰ ﺋﯧﻴﺘﺘﻰ. ﻣﻪﻥ ﺋﯘﻻﺭﻏﺎ ﺋﯚﺯﺭﻩ ﺋﯧﻴﺘﯩﭗ ﺋﯧﻨﮕﯩﻠﯩﺰﭼﻪ ﺳﻪﯞﻳﻪﻣﻨﯩﯔ ﺗﯩﺒﺎﺑﻪﺕ ﮬﻪﻗﻘﯩﺪﻩ ﭘﺎﺭﺍﯕﻠﯩﺸﯩﺸﻘﺎ ﻳﺎﺭﯨﻤﺎﻳﺪﯨﻐﺎﻧﻠﯩﻘﯩﻨﻰ، ﺳﻪﯞﻩﺑﻰ ﺋﯘﻳﻐﯘﺭ ﺗﯩﺒﺎﺑﻪﺕ ﻧﻪﺯﯨﺮﻳﯧﺴﯩﻨﯩﯔ ﭘﻪﻟﺴﻪﭘﻪ ﺑﯩﻠﻪﻥ ﺯﯦﭻ ﻣﯘﻧﺎﺳﯩﯟﻩﺗﻠﯩﻜﻰ، ﺗﺎﺭﯨﺨﻰ ﺗﻪﺭﻩﻗﻘﯩﻴﺎﺗﯩﻨﯩﯔ ﻣﯘﺭﻩﻛﻜﻪﭖ ﺑﻮﻟﯘﭖ ﺑﯩﺮ ﻗﺎﻧﭽﻪ ﺋﯧﻐﯩﺰ ﺋﺎﺩﺩﯨﻲ ﺗﯩﻞ ﺑﯩﻠﻪﻥ ﺋﯩﭙﺎﺩﯨﻠﮕﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻗﯩﻴﻨﯩﻠﯩﭗ ﺗﯘﺭﯗﭖ ﺑﯩﻠﺪﯛﺭﺩﯛﻡ. ﺷﯘﻧﺪﺍﻗﺘﯩﻤﯘ ﺋﯘﻻﺭ ﺗﯩﻞ ﺋﺎﺩﯨﺘﻰ ﺑﻮﻳﭽﻪ ﺭﻩﮬﻤﻪﺗﻨﻰ ﺗﻮﻻ ﺋﯧﻴﺘﯩﭗ ﺑﺎﺷﻘﺎ ﺑﯩﺮ ﻛﯜﻧﻰ ﻛﯩﻠﯩﭗ ﻣﻪﻧﺪﯨﻦ ﺗﯩﺒﺎﺑﻪﺕ ﮬﻪﻗﻘﯩﺪﻩ ﺑﻪﺯﻯ ﺳﯘﺋﺎﻟﻼﺭﻧﻰ ﺳﻮﺭﯨﺴﺎ ﺑﻮﻟﯩﺪﯨﻐﺎﻥ – ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﻣﯧﻨﯩﯔ ﺋﺎﻳﺎﻟﻼﺭﻧﯩﯔ ﺗﻮﻣﯘﺭﯨﻨﻰ ﺗﯘﺗﯩﺪﯨﻐﺎﻥ -ﺗﯘﺗﻤﺎﻳﺪﯨﻐﺎﻧﻠﯩﻘﯩﻤﻨﻰ ﺳﻮﺭﯨﺪﻯ. ﻣﻪﻥ ﻛﯜﻟﯜﭖ ﺗﯘﺭﯗﭖ ﻗﺎﺭﺷﻰ ﺋﺎﻟﯩﺪﯨﻐﺎﻧﻠﯩﻘﯩﻤﻨﻰ ﺑﯩﻠﺪﯛﺭﯛﭖ ﺋﯘﺯﯗﺗﯘﭖ ﻗﻮﻳﺪﯗﻡ.
ﺑﯩﺮ ﻗﺎﻧﭽﻪ ﻛﯜﻧﺪﯨﻦ ﻛﯩﻴﯩﻦ ﺋﯘﻻﺭ ﻳﺎﺭﯨﺸﯩﻤﻠﯩﻖ ﻛﯧﻴﯩﻨﮕﻪﻥ ﺑﯩﺮ ﺋﯘﻳﻐﯘﺭ ﻗﯩﺰﯨﻨﯩﯔ ﮬﻪﻣﺮﺍﻟﯩﻘﯩﺪﺍ ﻳﻪﻧﻪ ﻛﯩﺮﯨﭗ ﻛﻪﻟﺪﻯ. ﺑﯘ ﻗﯧﺘﯩﻢ ﮬﯩﻠﯩﻘﻰ ﻗﯩﺰ ﺗﻪﺭﺟﯩﻤﺎﻥ ﺑﻮﻟﺪﻯ.
ﺋﯘﻻﺭﺩﯨﻦ ﻧﯧﻤﻪ ﺳﻪﯞﻩﺏ ﻣﻪﻥ ﺑﯩﻠﻪﻥ ﭘﺎﺭﺍﯕﻼﺷﻘﯘﺳﻰ ﻛﯩﻠﯩﭗ ﻗﺎﻟﻐﺎﻧﻠﯩﻘﯩﻨﻰ ﺳﻮﺭﯨﺴﺎﻡ ﻳﯧﺸﻰ ﭼﻮﯕﺮﺍﻕ ﺑﯩﺮ ﺋﺎﻳﺎﻝ ﺟﺎﯞﺍﺏ ﺑﯧﺮﯨﭗ ﺋﯚﺯﯨﻨﯩﯔ ﺋﯩﻜﻜﻰ ﻳﯩﻞ ﺋﺎﯞﯞﺍﻝ ﺩﯗﻧﻴﺎﺩﺍ ﺋﯘﻳﻐﯘﺭ ﺩﻩﻳﺪﯨﻐﺎﻥ ﻣﯩﻠﻠﻪﺗﻨﯩﯔ ﺑﺎﺭﻟﯩﻘﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﻰ، ﺗﻮﺭﺩﺍ ﺋﯚﺯﯨﻨﯩﯔ ﻗﯧﺰﻗﯩﺸﻰ ﺑﻮﻳﭽﻪ ﻗﻪﺩﯨﻤﻜﻰ ﻣﻪﺩﻩﻧﯩﻴﻪﺕ ﺋﻪﻧﺌﻪﻧﯩﻠﻪﺭ ﮬﻪﻗﻘﯩﺪﻩ ﻣﺎﺗﯧﺮﻳﺎﻝ ﺋﯧﺰﺩﻩﯞﺍﺗﻘﺎﻧﺪﺍ ﺋﯘﻳﻐﯘﺭ ﺗﯩﺒﺎﺑﯩﺘﻰ ﮬﻪﻗﻘﯩﺪﻩ ﺋﺎﺯ – ﺗﻮﻻ ﭼﯜﺷﻪﻧﭽﻪ ﺑﯧﺮﯨﻠﮕﻪﻥ ﻣﻪﺯﻣﯘﻧﻼﺭﻧﻰ ﺋﯘﭼﺮﯨﺘﯩﭗ ﻗﺎﭘﺘﯘ، ﻣﺎﺗﯧﺮﻳﺎﻟﺪﯨﻦ ﺑﯘ ﺗﯩﺒﺎﺑﻪﺗﻨﯩﯔ ﮬﺎﺯﯨﺮ ﺩﯗﻧﻴﺎﻏﺎ ﻛﻪﯓ ﺋﻮﻣﻮﻣﻼﺷﻘﺎﻥ ﻏﻪﺭﯨﺐ ﺗﯩﺒﺎﺑﯩﺘﻰ ﺑﯩﻠﻪﻥ ﺋﺎﺯ ﺑﻮﻟﻤﯩﻐﺎﻥ ﭘﻪﺭﯨﻘﻠﻪﺭﮔﻪ ﺋﯩﮕﻪ ﺑﻮﻟﯘﭖ ، ﻛﯩﺸﯩﻨﻰ ﺟﻪﻟﯩﭗ ﻗﯩﻠﯩﺪﯨﻐﺎﻥ ﺋﯚﺯﮔﯩﭽﻪ ﺧﺎﺳﻠﯩﻘﻘﺎ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﻛﯚﺭﯛﭖ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ ﺟﯜﻣﻠﯩﺪﯨﻦ ﺋﯘﻳﻐﯘﺭ ﺗﯩﺒﺎﺑﯩﺘﯩﮕﻪ ﻗﯩﺰﯨﻘﯩﭗ ﻗﺎﭘﺘﯘ.
ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺋﯘﻻﺭ ﻣﻪﻧﺪﯨﻦ ﺳﻮﺭﺍﻳﺪﯨﻐﺎﻧﻠﯩﺮﯨﻨﻰ ﺑﺎﺷﻼﭖ ﺋﯘﻳﻐﯘﺭ ﺗﯩﺒﺎﺑﯩﺘﻰ ﻧﻪﺯﯨﺮﻳﯧﺴﯩﺪﯨﻜﻰ ﺋﺎﻟﻪﻣﻨﯩﯔ ﺗﯜﺯﯛﻟﯩﺸﯩﻨﯩﯔ ﺗﯚﺕ ﺧﯩﻞ ﻣﺎﺩﺩﯨﺪﯨﻦ ﺗﻪﺭﻛﯩﭗ ﺗﺎﭘﻘﺎﻧﻠﯩﻘﯩﺪﯨﻦ ﺗﺎﺭﺗﯩﭗ ﺗﻮﻣﯘﺭ ﺗﯘﺗﯘﺷﻘﯩﭽﻪ، ﺗﺎﺭﯨﺨﻰ ﺗﺎﺭﯨﺨﻰ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﻰ، ﺑﺎﺷﻘﺎ ﻣﯩﻠﻠﻪﺕ ﺗﯩﺒﺎﺑﻪﺗﻠﯩﺮﻯ ﺑﯩﻠﻪﻥ ﺋﯘﭼﺮﯨﺸﯩﺶ، ﺗﻪﺳﯩﺮ ﻛﯚﺭﺳﯧﺘﯩﺶ ﺟﻪﺭﻳﺎﻧﻠﯩﺮﻯ ﮬﻪﻗﻘﯩﺪﻩ ﻛﯚﭘﻠﯩﮕﻪﻥ ﺳﯘﺋﺎﻟﻼﺭﻧﻰ ﺳﻮﺭﯨﻐﺎﻥ ﺑﻮﻟﺪﻯ.
ﻣﻪﻥ ﺳﯘﺋﺎﻟﻼﺭﻏﺎ ﺑﯩﺮ – ﺑﯩﺮﻟﻪﭖ ﺟﺎﯞﺍﺏ ﺑﻪﺭﺩﯨﻢ. ﮬﻪﺭ ﺑﯩﺮ ﺳﯘﺋﺎﻟﯩﻐﺎ ﺑﯩﺮﯨﻠﮕﻪﻥ ﺟﺎﯞﺍﺑﯩﻢ ﺋﺎﺧﯩﺮﻻﺷﻘﺎﻥ ﭼﺎﻏﺪﺍ ﺋﯘﻻﺭ ﮬﻪﻳﺮﺍﻧﻠﯩﻖ ﺋﯩﭽﯩﺪﻩ: ﮬﻪﻗﯩﻘﻪﺗﻪﻥ ﻗﺎﻟﺘﯩﺲ! ﮬﻪﻗﯩﻘﻪﺗﻪﻥ ﻗﯩﺰﺯﯨﻘﺎﺭﻟﯩﻖ ﺋﯩﻜﻪﻥ ﺩﯦﻴﯩﺸﯩﭗ ﻛﯧﺘﯩﺸﺘﻰ. ﺋﯘﻻﺭ ﻳﻪﻧﻪ ﺋﯘﻳﻐﯘﺭ ﺗﯩﺒﺎﺑﯩﺘﻰ ﻧﻪﺯﯨﺮﻳﻪﺳﯩﮕﻪ ﺟﻪﻣﯩﻴﻪﺕ ﺟﯜﻣﻠﯩﺪﯨﻦ ﻳﺎﺷﻼﺭﻧﯩﯔ ﺋﯩﺸﯩﻨﯩﺪﯨﻐﺎﻥ ﺋﯩﺸﻪﻧﻤﻪﻳﺪﯨﻐﺎﻧﻠﯩﻘﻰ، ﮬﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯔ ﻗﺎﻧﺪﺍﻕ ﭘﻮﺯﺗﺴﯩﻴﻪﺩﻩ ﺑﻮﻟﯩﯟﺍﺗﻘﺎﻧﻠﯩﻘﻰ ﮬﻪﻗﻘﯩﺪﻩ ﺳﻮﺭﯨﻐﺎﻥ ﺳﯘﺋﺎﻟﻠﯩﺮﯨﻐﺎ : ﻛﯩﺸﯩﻠﻪﺭﻧﯩﯔ ﺋﯘﻳﻐﯘﺭ ﺗﯩﺒﺎﺑﯩﺘﯩﮕﻪ ﺑﻮﻟﻐﺎﻥ ﻳﯜﺯﻟﯩﻨﯩﺸﯩﻨﯩﯔ ﻳﯘﻗﯘﺭﻯ ﺑﻮﻟﯩﯟﺍﺗﻘﺎﻧﻠﯩﻘﻰ، ﮬﯚﻛﯜﻣﻪﺕ ﺋﻮﺭﯗﻧﻠﯩﺮﯨﻤﯘ ﺋﯘﻳﻐﯘﺭ ﺗﯩﺒﺎﺑﯩﺘﯩﻨﯩﯔ ﻛﯚﭘﻠﯩﮕﻪﻥ ﺋﺎﻻﮬﯩﺪﯨﻠﯩﻜﻠﯩﺮﯨﻨﻰ ﺑﺎﻳﻘﯩﻐﺎﻧﺪﯨﻦ ﻛﯩﻴﯩﻦ ﺋﺎﻻﮬﯩﺪﻩ ﻛﯚﯕﯜﻝ ﺑﯚﻟﯜﭖ ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺟﻪﮬﻪﺗﺘﯩﻦ ﻗﻮﻟﻼﭖ ﻗﯘﯞﯞﻩﺗﻠﻪﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﮔﻪﺭ ﺑﯘ ﮬﻪﻗﺘﻪ ﺗﯧﺨﯩﻤﯘ ﻛﯚﭖ ﺋﯘﭼﯘﺭﻏﺎ ﺋﯩﺮﯨﺸﯩﺸﻨﻰ ﺧﺎﻟﯩﺴﺎ << ﺋﯘﻳﻐﯘﺭ ﺗﯩﺒﺎﺑﻪﺕ ﺋﺎﻣﺒﯘﻻﺗﻮﺭﻳﯩﺴﻰ>> ﮔﻪ ﺑﯩﺮﯨﭗ ﭘﯩﺸﻘﻪﺩﻩﻡ ﺗﯧﯟﯨﭙﻼﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﭗ ﺑﯧﻘﯩﺸﻨﻰ ﺗﻪﯞﺳﯩﻴﻪ ﻗﯩﻠﺪﯨﻢ.
ﺋﯘﻻﺭ ﺋﯚﺯﻟﯩﺮﯨﻨﯩﯔ ﺋﯩﻜﻜﻰ ﻛﯜﻥ ﺋﺎﯞﯞﺍﻝ ﺋﯘ ﻳﻪﺭﮔﻪ ﺑﺎﺭﻏﺎﻧﻠﯩﻘﻰ ﺗﯧﯟﯨﭙﻼﺭ ﺑﯩﻠﻪﻥ ﺧﯩﻠﻰ ﺋﯘﺯﯗﻥ ﭘﺎﺭﺍﯕﻼﺷﻘﺎﻧﻠﯩﻘﻰ، ﺗﻮﻣﯘﺭ ﺗﯘﺗﻘﯘﺯﯗﭖ ﺩﻭﺭﺍ ﺋﺎﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ، ﺩﻭﺭﯨﻨﻰ ﻳﯧﮕﻪﻧﺪﯨﻦ ﻛﯩﻴﯩﻦ ﺧﯩﻠﻰ ﻛﯚﺭﻧﻪﺭﻟﯩﻚ ﻳﺎﺧﺸﯩﻠﯩﻨﯩﭗ ﻗﺎﻟﻐﺎﻧﻠﯩﻘﯩﻨﻰ ( ﺋﯘﻧﯩﯔ ﺋﯧﻴﺘﯩﺸﯩﭽﻪ ﺳﻪﭘﻪﺭ ﺟﻪﺭﻳﺎﻧﯩﺪﺍ ﺋﺎﻧﭽﻪ-ﻣﯘﻧﭽﻪ ﺳﺎﻗﺴﯩﺰ ﺑﻮﻟﯘﭖ ﻗﺎﭘﺘﯩﻜﻪﻥ)، ﺋﻪﮔﻪﺭ ﻣﻮﻣﻜﯩﻦ ﺑﻮﻟﺴﺎ ﻣﯧﻨﯩﯖﻤﯘ ﺗﻮﻣﯘﺭ ﺗﯘﺗﯘﭖ ﻛﯚﺭﯛﭖ ﺑﯧﻘﯩﺸﯩﻤﻨﻰ ﺋﯧﻴﺘﺘﻰ. ﻗﺎﺭﯨﻐﺎﻧﺪﺍ ﺋﯘ ﺋﯩﻜﻜﻰ ﺗﯧﯟﯨﭙﻨﯩﯔ ﺗﻮﻣﯘﺭ ﺗﯘﺗﻘﺎﻧﺪﯨﻦ ﻛﯩﻴﯩﻨﻜﻰ ﻛﯧﺴﻪﻟﮕﻪ ﺩﯨﺌﺎﮔﻨﻮﺱ ﻗﻮﻳﯘﺵ ﺋﯘﺳﯘﻟﯩﻨﻰ ﺋﯚﺯ ﺋﺎﺭﺍ ﺳﯧﻠﯩﺸﺘﯘﺭﻣﺎﻗﭽﻰ، ﺗﻮﻣﯘﺭ ﺗﯘﺗﯘﭖ ﻛﯧﺴﻪﻟﻨﻰ ﺑﯩﻠﯩﺸﻜﻪ ﻧﯩﺴﺒﻪﺗﻪﻥ ﻗﻮﺯﻏﺎﻟﻐﺎﻥ ﮔﯘﻣﺎﻧﻨﻰ ﻳﻪﺷﻤﻪﻛﭽﻰ ﺋﯩﺪﻯ. ﺋﯘ ﺑﯘ ﮬﻪﻗﺘﻪ ﺑﻪﻙ ﺋﻪﺳﺘﺎﻳﺪﯨﻞ ﻛﯚﺭﯨﻨﻪﺗﺘﻰ. ﺋﯘﻧﯩﯔ ﺑﯘ ﺋﻪﺳﺘﺎﻳﺪﯨﻠﻠﯩﻘﯩﻐﺎ ﻧﯩﺴﺒﻪﺗﻪﻥ ﮬﯩﻠﯩﻘﻰ ﺗﻪﺭﺟﯩﻤﺎﻥ ﻗﯩﺰ ﺑﯘ ﺳﯚﮬﺒﻪﺗﻨﻰ ﺳﻪﻝ ﺋﻪﮬﻤﯩﻴﻪﺗﺴﯩﺰ ﮬﯧﺲ ﻗﯩﻠﯩﯟﺍﺗﺎﺗﺘﻰ. ﺑﯘ ﻗﯩﺘﺌﻪ ﺋﺎﺗﻼﭖ ﻛﯩﻠﯩﭗ ﺋﯚﺯﯨﮕﻪ ﻳﺎﺕ ﺑﻮﻟﻐﺎﻥ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ ، ﺗﯩﺒﺎﺑﯩﺘﻰ ﮬﻪﻗﻘﯩﺪﻩ ﮬﻪﻣﻤﯩﻨﻰ ﺑﯩﻠﯩﯟﯨﻠﯩﺸﻘﺎ ﻗﯩﺰﻏﯩﻨﻠﯩﻖ ﮬﺎﻳﺎﺟﺎﻥ ﺑﯩﻠﻪﻥ ﺗﯧﺮﺷﯩﯟﺍﺗﻘﺎﻥ ﺑﯩﺮ ﺋﺎﻣﯩﺮﻛﯩﻠﯩﻖ ﺑﯩﻠﻪﻥ ﺋﯘﻳﻐﯘﺭ ﻣﻮﮬﺘﯩﺪﺍ ﺋﯚﺳﯜﭖ ﻳﯧﺘﯩﻠﮕﻪﻥ، ﻳﻪﻧﻪ ﻛﯩﻠﯩﭗ ﺧﯩﻠﻰ ﻳﯘﻗﯘﺭﻯ ﻣﻪﺩﻩﻧﯩﻴﻪﺕ ﺳﻪﯞﻳﯩﺴﯩﮕﻪ ﺋﯩﮕﻪ ﺗﻪﺭﺟﯩﻤﺎﻥ ﻗﯩﺰﻧﯩﯔ ﺋﯘﻳﻐﯘﺭ ﺗﯩﺒﺎﺑﯩﺘﯩﮕﻪ ﺑﻮﻟﻐﺎﻥ ﺳﻮﻏﯘﻕ ﭘﻮﺯﺗﺴﯩﻴﻪﺳﻰ ( ﺑﯘ ﻣﯧﻨﯩﯔ ﺗﯘﻳﻐﯘﻡ ﺧﺎﻻﺱ، ﺑﻪﻟﻜﯩﻢ ﺋﯘ ﻗﯩﺰ ﮬﻪﻗﺴﯩﺰ ﺗﻪﺭﺟﯩﻤﺎﻧﻠﯩﻖ ﻗﯩﻠﯩﯟﺍﺗﻘﺎﻥ ﺑﻮﻟﻐﺎﭼﻘﺎ ﺳﻪﻝ ﭼﺎﺭﭼﺎﭖ ﻗﺎﻟﻐﺎﻥ ﺑﻮﻟﺴﺎ ﻛﯩﺮﻩﻙ)ﺋﺎﺭﺳﯩﺪﯨﻜﻰ ﺳﯩﻠﯩﺸﺘﯘﺭﻣﺎ ﺧﯩﻴﺎﻟﻠﯩﺮﯨﻢ ﻣﯧﻨﻰ ﺳﻪﻝ ﺋﻪﭘﺴﯘﺳﻼﻧﺪﯗﺭﯗﭖ ﻗﻮﻳﺪﻯ.
ﺗﻮﻣﯘﺭﻧﻰ ﺗﯘﺗﯘﭖ ﺋﯘ ﺋﺎﻳﺎﻟﻨﯩﯔ ﻣﯧﺠﻪﺯ ﺋﻪﮬﯟﺍﻟﻰ، ﺳﺎﻗﺴﯩﺰ ﺑﻮﻟﯘﺷﻨﯩﯔ ﺳﻪﯞﻩﺑﯩﻨﻰ ﺋﯧﻴﺘﯩﭗ ﺑﻪﺭﺩﯨﻢ. ﺋﯘ ﺋﯩﻜﻜﻰ ﺗﯧﯟﯨﺒﻨﯩﯔ ﺋﯧﻴﺘﻘﺎﻧﻠﯩﺮﯨﻨﯩﯔ ﺋﻮﺧﺸﺎﺵ ﭼﯩﻘﻘﺎﻧﻠﯩﻘﯩﺪﯨﻦ ﺭﺍﺳﺘﯩﻨﻼ ﮬﻪﻳﺮﺍﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯧﻴﺘﯩﭗ ﺋﺎﻣﺒﻮﻻﺗﻮﺭﻳﻪﺩﯨﻦ ﺑﻪﺭﮔﻪﻥ ﺩﻭﺭﯨﻼﺭﻧﻰ ﻛﯚﺭﺳﯩﺘﯩﭗ ﺑﯘ ﺩﻭﺭﯨﻼﺭﻧﯩﯔ ﻳﯧﺘﻪﺭﻟﯩﻚ ﺑﻮﻟﻐﺎﻥ ﺑﻮﻟﻤﯩﻐﺎﻧﻠﯩﻘﯩﻨﻰ ﺋﯧﻴﺘﺘﻰ، ﻣﻪﻥ ﻳﯧﺘﻪﺭﻟﯩﻚ ﺑﻮﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺋﯘﻳﻐﯘﺭ ﺗﺎﺋﺎﻣﻠﯩﺮﯨﺪﯨﻦ ﺋﯘﻧﯩﯔ ﻣﯧﺠﻪﺯﯨﮕﻪ ﻳﺎﻗﯩﺪﯨﻐﺎﻧﻠﯩﺮﻯ ﮬﻪﻡ ﻳﺎﻗﻤﺎﻳﺪﯨﻐﺎﻧﻠﯩﺮﯨﻨﻰ ﺋﯧﻴﺘﯩﭗ ﺑﯧﺮﯨﭗ ﺳﯚﺯﯛﻣﻨﻰ ﺋﺎﺧﯩﺮﻻﺷﺘﯘﺭﺩﯗﻡ. ﺋﯘ ﺋﻪﺳﺘﺎﻳﺪﯨﻠﻠﯩﻖ ﺑﯩﻠﻪﻥ ﮬﻪﻣﻤﯩﻨﻰ ﺧﺎﺗﯧﺮﻟﯩﺪﻯ. ﮔﯜﻟﻘﻪﻧﺖ، ﻣﯩﺠﻪﺯﻧﻰ ﺗﻪﯕﺸﻪﻳﺪﯨﻐﺎﻥ ﭼﺎﻱ ﺋﺎﻟﺪﻯ. ﺋﯘ ﺋﺎﺧﯩﺮﯨﺪﺍ ﺧﻮﺗﻪﻧﺪﯨﻜﻰ ﺋﯘﺳﺘﺎ ﺗﯧﯟﯨﺒﻼﺭﻧﯩﯔ ﺋﺎﺩﺭﯨﺴﯩﻨﻰ ﺳﻮﺭﺍﭖ ﺑﻮﻟﻐﺎﻧﺪﯨﻦ ﻛﯩﻴﯩﻦ ﺳﯚﮬﺒﯩﺘﯩﻤﯩﺰﻧﻰ ﺋﺎﺧﯩﺮﻻﺷﺘﯘﺭﺩﯗﻕ.
ﮬﻪ ﺭﺍﺳﺖ، ﻳﯧﺸﻰ ﻛﯩﭽﯩﻜﺮﻩﻙ ﻛﻪﻟﮕﻪﻥ ﺋﺎﻳﺎﻟﻨﯩﯔ ﻛﯧﺴﯩﻠﯩﻨﻰ ﻛﯚﺭﮔﯩﻨﯩﻤﻨﻰ ﺋﯘﻧﺘﯘﭖ ﻗﺎﭘﺘﯩﻤﻪﻥ. ﺋﯘ ﺋﺎﻳﺎﻟﺪﺍ ﺑﯘﺭﯗﻥ ﻳﺎﻟﻠﯘﻏﻰ، ﻛﺎﻧﺎﻱ ﻳﺎﻟﻠﯘﻏﻰ ﺑﺎﺭ ﺋﯩﻜﻪﻥ. ﺋﯘ ﺋﯚﺯﯨﮕﻪ ﺋﯘﻳﻐﯘﺭ ﺗﯩﺒﺎﺑﯩﺘﯩﺪﻩ ﻗﺎﻧﺪﺍﻕ ﺩﻭﺭﯨﻨﯩﯔ ﭘﺎﻳﺪﺍ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺳﻮﺭﯨﯟﯨﺪﻯ. ﭼﺎﺧﭽﺎﻕ ﮬﻪﻡ ﺳﻪﻣﯩﻴﻤﯩﻴﻠﯩﻚ ﺋﺎﺭﯨﻼﺷﻘﺎﻥ ﺗﻪﻟﻪﭘﭙﯘﺯﺩﺍ ﻛﯩﻠﻪ، ﻳﯩﻼﻥ ، ﻛﯩﺮﭘﻪ، ﻗﯩﺰﯨﻞ ﻗﻮﻟﺘﯘﻕ ﭘﺎﻗﺎ……. ﻗﺎﺗﺎﺭﻟﯩﻘﻼﺭﻧﻰ ﻛﯚﺭﺳﯩﺘﯩﭗ ﺑﯘﻻﺭﻧﻰ ﺑﯩﺮ ﻣﻪﺯﮔﯩﻞ ﺋﯩﺴﺘﯩﻤﺎﻝ ﻗﯩﻠﯩﭗ ﺑﻪﺭﮔﻪﻧﺪﻩ ﺋﯘﻧﯩﯖﺪﯨﻜﻰ ﻛﯧﺴﻪﻟﻠﯩﻜﻨﯩﯔ ﺋﯜﻧﯜﻣﻠﯜﻙ ﻧﻪﺗﯩﺠﯩﮕﻪ ﺋﯩﺮﯨﺸﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺴﺎﻡ ، ﺋﯘ ﻣﻪﻥ ﻛﯜﺗﻤﯩﮕﻪﻥ ﮬﻪﻳﺮﺍﻧﻠﯩﻖ ﺋﯩﭽﯩﺪﻩ : ﺑﯘﻻﺭﻧﻰ ﻳﯧﺴﻪﻙ ﺑﯘﻻﺭﻧﯩﯔ ﻧﻪﺳﻠﻰ ﻗﻮﺭﯗﭖ ﻛﻪﺗﻤﻪﻣﺪﯗ، ﺑﯩﺰ ﺋﺎﺩﻩﺗﺘﻪ ﮔﯚﺷﻨﯩﻤﯘ ﻛﯚﭖ ﻳﯧﻤﻪﻳﻤﯩﺰ، ﮬﻪﻗﯩﻘﻪﺗﻪﻥ ﺋﯩﭽﯩﻨﯩﺸﻠﯩﻖ!! ﺩﻩﯞﻩﺗﺘﻰ ﭼﯜﺷﯜﻧﯜﭖ ﺑﻮﻟﻤﺎﻳﺪﯨﻐﺎﻥ ﺑﯩﺮ ﺧﯩﻞ ﺟﯩﺪﺩﻳﻠﯩﻚ ﺋﯩﭽﯩﺪﻩ.
ﺧﯩﺮﯨﺴﺘﯩﺌﺎﻥ ﺩﯨﻨﯩﻨﯩﯔ ﺑﯩﺮﻩﺭ ﻣﻪﺯﮬﯩﭙﯩﺪﻩ ﮔﯚﺵ ﻳﯧﻴﯩﺸﻨﻰ ﭼﻪﻛﻠﻪﻳﺪﯨﻐﺎﻥ ﺑﻪﻟﮕﯩﻠﯩﻤﻪ ﺑﺎﺭ ﺑﻮﻟﻐﯩﻴﻤﯩﺘﻰ ﺩﯦﮕﻪﻧﻠﻪﺭﻧﯩﻤﯘ ﺋﻮﻳﻼﭖ ﺋﯜﻟﮕﯜﺭﺩﯛﻡ. ﻳﻪﻧﻪ ﺑﯩﺮ ﺗﯘﺭﯗﭖ ﺑﯘ ﮬﻪﻣﻤﯩﻨﻰ ﻳﻪﭖ ﺑﯧﻘﯩﺸﻘﺎ ﺋﯘﺭﻧﯩﺪﯨﻐﺎﻥ ﻧﻪﭘﺴﯩﻤﯩﺰﮔﻪ ﻧﯩﺴﺒﻪﺗﻪﻥ ﺋﻮﻳﻠﯩﻨﯩﺸﻘﺎ ﺗﯧﮕﯩﺸﻠﯩﻚ ﻣﻪﺳﯩﻠﻪ ﺋﯩﻜﻪﻥ ﺩﯦﮕﻪﻧﻠﻪﺭﻧﻰ ﺋﻮﻳﻠﯩﺪﯨﻢ.

ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﻣﺮﯨﻜﺎ ﻛﺎﻟﻔﻮﺭﻧﯩﻴﻪ ﺋﯘﻧﯟﯦﺮﺳﯩﺘﯩﺘﯩﻨﯩﯔ ﺋﻮﻗﯘﻏﯘﭼﯩﻠﯩﺮﯨﺪﯨﻦ 5-6 ﺑﺎﻟﻼ ﻳﺎﺯﻟﯩﻖ ﺩﻩﻡ ﺋﯩﻠﯩﺶ ﭘﯘﺭﺳﯩﺘﯩﺪﻩ ﺷﯩﻨﺠﺎﯕﻐﺎ ﺋﻮﻳﻨﯩﻐﯩﻠﻰ ﻛﻪﭘﺘﯩﻜﻪﻥ. ﺋﯘﻻﺭﻧﯩﯔ ﺋﯩﭽﯩﺪﻩ ﺑﯩﺮﺳﻰ ﺗﺎﺭﯨﺦ ﻓﺎﻛﻮﻟﺘﯧﺘﯩﻨﯩﯔ ، ﺋﯩﻜﻜﯩﺴﻰ ﺩﯨﻦ- ﻣﻪﺩﻩﻧﯩﻴﻪﺕ ﻓﺎﻛﻮﻟﺘﯧﺘﯩﻨﯩﯔ ﺋﻮﻗﯘﻏﯘﭼﯩﻠﯩﺮﻯ ﺋﯩﻜﻪﻥ. ﺋﯘﻻﺭﻧﯩﯔ ﺋﯧﻴﺘﯩﺸﯩﭽﻪ ﺑﯘ ﻗﯧﺘﯩﻤﻘﻰ ﺳﻪﭘﯩﺮﻯ ﺋﺎﺭﻗﯩﻠﯩﻖ ﻗﻪﺩﯨﻤﻜﻰ ﺋﺎﺳﯩﻴﺎ ﻣﻪﺩﯨﻨﯩﻴﯩﺘﻰ، ﺟﯜﻣﻠﯩﺪﯨﻦ ﺗﯧﭙﯩﻚ ﺧﺎﺳﻠﯩﻘﻘﺎ ﺋﯩﮕﻪ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ ﮬﻪﻗﻘﯩﺪﻩ ﻛﯚﭘﺮﻩﻙ ﺋﯘﭼﯘﺭﻏﺎ ﺋﯩﺮﯨﺸﯩﺸﻨﻰ ﺋﺎﺭﺯﯗ ﻗﯩﻠﯩﺪﯨﻜﻪﻥ.
ﺩﻩﻡ ﺋﯩﻠﯩﺸﻨﯩﯔ ﺋﺎﻟﺪﯨﺪﯨﻜﻰ ﺋﻮﻗﯘﺵ ﻣﻪﯞﺳﯘﻣﯩﺪﺍ ﺋﻮﺗﺘﯘﺭﺍ ﺋﺎﺳﯩﻴﺎ ﻣﯩﻠﻠﻪﺗﻠﯩﺮﻯ ﻗﺎﺗﺎﺭﯨﺪﺍ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ ، ﺗﺎﺭﯨﺨﻰ ﮬﻪﻗﻘﯩﺪﻩ ﺋﻮﻗﯩﻐﺎﻥ ﺑﻮﻟﯘﭖ ﺳﺎﻳﺎﮬﻪﺕ ﺑﯩﻠﻪﻥ ﺋﯜﮔﯜﻧﯜﺵ، ﺗﻪﺗﻘﯩﻘﺎﺗﻨﻰ ﺑﯩﺮﻟﻪﺷﺘﯜﺭﯨﯟﻩﺗﻜﻪﻥ ، ﺟﺎﻧﻠﯩﻖ ﺋﻮﻗﯘﺗﯘﺵ ﻣﯧﺘﻮﺩﯨﻐﺎ ﺋﯩﮕﻪ ﻏﻪﺭﯨﺐ ﻣﺎﺋﺎﺭﯨﭗ ﺗﻪﯞﻩﻟﯩﻜﯩﮕﻪ ﺋﯩﮕﻪ ﺑﯘ ﺑﺎﻟﻼﺭ ﺟﯘﯕﮕﯘﻧﯩﯔ ﻏﻪﺭﺑﯩﮕﻪ ﺟﺎﻳﻼﺷﻘﺎﻥ ﺑﯩﺰﻧﯩﯔ ﻳﯘﺭﺗﻼﺭﻏﺎ <<ﺋﻮﻳﻨﯩﻐﯩﻠﻰ>> ﻛﻪﭘﺘﯘ. ﺋﯘﻻﺭ ﺩﯗﻛﻜﺎﻧﻐﺎ ﻛﯩﺮﮔﻪﻧﺪﯨﻦ ﻛﯩﻴﯩﻦ ﻣﯧﻨﯩﯔ ﺋﯧﻨﮕﯩﻠﯩﺰﭼﻪ ﺳﯚﺯﻟﯩﻴﻪﻟﯩﮕﻪﻧﻠﯩﻜﯩﻤﺪﯨﻦ ﺑﻪﻙ ﯨﻮﺵ ﺑﻮﭖ ﻛﻪﺗﺘﻰ. ﺗﺎﺭﯨﺦ ﺋﻮﻗﯩﻐﺎﻥ ﺑﺎﻻ ﺋﯚﺯﯨﻨﯩﯔ ﺋﯘﻳﻐﯘﺭﻻﺭ ﮬﻪﻗﻘﯩﺪﻩ ﻛﯚﭖ ﻧﻪﺭﺳﯩﻠﻪﺭﻧﻰ ﺑﯩﻠﯩﺪﯨﻐﺎﻧﻠﯩﻘﯩﻨﻰ، ﺑﯘ ﺑﯩﺰﻧﯩﯔ ﺋﻮﺯﯗﻗﻠﯘﻕ، ﺳﺎﻏﻼﻣﻠﯩﻘﻘﺎ ﺋﺎﻻﮬﯩﺪﻩ ﻛﯚﯕﯜﻝ ﺑﯚﻟﯩﺪﯨﻐﺎﻥ، ﺋﻪﺗﺮﺍﭘﯩﺪﯨﻜﻰ ﺯﯨﻴﺎﻧﺴﯩﺰ ﺑﻮﻟﻐﺎﻥ ﺗﻪﺑﺌﯩﻲ ﻧﻪﺭﺳﯩﻠﻪﺭﺩﯨﻦ ﺳﺎﻏﻼﻣﻠﯩﻖ ﺋﯜﭼﯜﻥ ﺋﯜﻧﯜﻣﻠﯜﻙ ﭘﺎﻳﺪﯨﻠﯩﻨﯩﺪﯨﻐﺎﻥ ﺋﯩﺴﯩﻞ ﻣﻪﺩﻩﻧﯩﻴﻪﺕ ﺋﻪﻧﺌﻪﻧﯩﻤﯩﺰﻧﯩﯔ ﺋﻪﯞﻻﺗﺘﯩﻦ ﺋﻪﯞﻻﺗﻘﺎ ﺳﺎﻗﻠﯩﻨﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻐﺎ ﻗﺎﻳﯩﻞ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯧﺠﻪﺯﻧﻰ ﺗﻪﯕﺸﻪﻳﺪﯨﻐﺎﻥ ﺩﻭﺭﯨﻠﯩﻖ ﺋﻪﻧﺌﻪﻧﯩﯟﻯ ﭼﺎﻳﻠﯩﻘﻠﯩﺮﯨﻤﯩﺰ ﮬﻪﻗﻘﯩﺪﻩ ﺋﯧﻐﯩﺰ ﺋﯩﭽﯩﭗ ﻗﺎﻟﺪﻯ. ﻣﻪﻥ ﺋﯘﻧﯩﯖﻐﺎ ﮬﻪﻡ ﺧﯘﺵ ﭘﯘﺭﺍﻕ- ﻣﻪﺯﯨﻠﯩﻚ ، ﺋﯩﺴﺴﯩﻘﻘﺎ ﻣﺎﻳﯩﻞ ﺑﻮﻟﻐﺎﻥ ﭼﺎﻳﺪﯨﻦ ﺗﻪﻳﻴﺎﺭﻻﭖ ﺋﯘﻧﯩﯖﻐﺎ ﻛﺎﺭﺍﻣﯩﺘﯩﻤﻨﻰ ﻛﯚﺭﺳﯩﺘﯩﭗ ﻗﻮﻳﺪﯗﻡ. ﺋﯘﻧﯩﯔ ﺑﯩﻠﻪﻥ ﺑﯩﺮﮔﻪ ﻛﯩﺮﮔﻪﻥ ﺳﺎﯞﺍﻗﺪﺍﺷﻠﯩﺮﯨﻤﯘ ﺗﯧﺘﯩﭗ ﺑﯧﻘﯩﺶ ﻣﻪﻗﺴﯩﺘﯩﺪﻩ 200 ﮔﯩﺮﺍﻣﺪﯨﻦ ﭼﺎﻱ ﺗﻪﻳﻴﺎﺭﻻﺗﻘﯘﺯﯗﺷﺘﻰ. ﺋﻪﮬﻤﻪﺕ ﻧﯩﺠﺎﺗﻨﯩﯔ ﻣﻪﮬﻪﻟﻠﯩﺴﯩﺪﯨﻦ ﻛﻪﻟﮕﻪﻥ ﺩﻩﭖ ﺑﯩﺮ ﺋﺎﺯ ﺯﻩﭘﻪ ﺳﺎﺗﺘﯩﻢ. ﺋﯘﻻﺭ ﻣﻪﻧﺪﯨﻜﻰ ﺯﻩﭘﻪﻧﯩﯔ ﺋﯩﺴﯩﻠﻠﯩﻜﯩﻨﻰ، ﺑﺎﺷﻘﯩﻼﺭﺩﯨﻦ ﻛﯚﭖ ﺋﻪﺭﺯﺍﻥ ﺳﺎﺗﯩﺪﯨﻐﺎﻧﻠﯩﻘﯩﻤﻨﻰ ﻣﺎﺧﺘﺎﭖ ﺑﺎﺷﻘﯩﻼﺭ ﻧﯧﻤﻪ ﺋﯜﭼﯜﻥ ﺳﻪﻧﺪﯨﻦ 4-5 ﮬﻪﺳﺴﻪ ﺋﺎﺭﺗﯘﻕ ﻗﯩﻤﻤﻪﺕ ﺳﺎﺗﯩﺪﯗ ، ﺳﺎﻳﺎﮬﻪﺗﭽﯩﻠﻪﺭﮔﯩﻼ ﺷﯘﻧﺪﺍﻗﻤﯘ ﻳﺎﻛﻰ ﺑﺎﺷﻘﺎ ﺳﻪﯞﻩﺏ ﺑﺎﺭﻣﯘ ﺩﻩﭖ ﺳﯘﺋﺎﻝ ﻗﻮﻳﺪﻯ. ﻣﻪﻥ ﺑﯩﻠﻤﻪﻳﺪﯨﻐﺎﻧﻠﯩﻘﯩﻤﻨﻰ ﺋﯧﻴﺘﺘﯩﻢ. ﺋﯩﻠﮕﯩﺮﻯ ﺑﯩﺮ ﺩﻭﺳﺘﯘﻣﺪﯨﻦ ﺑﯩﺮ ﺩﻭﺭﯨﮕﻪﺭﻧﯩﯔ ﻓﯩﺮﺍﻧﺴﯩﻴﻪﻟﯩﻚ ﺑﯩﺮ ﺳﺎﻳﺎﮬﻪﺗﭽﯩﮕﻪ ﺯﺍﺭﺍﯕﺰﺍ ﭼﯧﭽﯩﻜﯩﻨﻰ ﺟﯘﯕﮕﯘ ﺯﻩﭘﻪﺳﻰ ﺩﻩﭖ ﺑﯩﺮ ﮔﯩﺮﺍﻣﯩﻨﻰ 80 ﻳﯘﺋﻪﻧﺪﯨﻦ ﺳﺎﺗﻘﺎﻧﻠﯩﻘﯩﻨﻰ ﺋﺎﯕﻼﭖ ﺑﻪﻙ ﺋﺎﭼﭽﯩﻘﯩﻢ ﻛﻪﻟﮕﻪﻥ ﺋﯩﺪﻯ.
ﺑﯘﻻﺭﻣﯘ ﺷﯘﻧﺪﺍﺭﺍﻕ ﺑﯩﺮ ﺋﯩﺸﻘﺎ ﺩﯗﭺ ﻛﻪﻟﮕﻪﻥ ﺑﻮﻟﺴﺎ ﻛﯩﺮﻩﻙ. ﻣﻪﻧﺪﯨﻦ ﺑﻪﻙ ﻣﻪﻣﻨﯘﻥ ﺑﻮﻟﯘﺷﺘﻰ.
ﺋﻪﺗﯩﺴﻰ ﮬﯩﻠﯩﻘﻰ ﺑﺎﻻ ﻗﯩﺰ-ﺋﻮﻏﯘﻝ ﺑﻮﻟﯘﭖ 5-6 ﺋﺎﻣﺮﯨﻜﺎﻧﻨﻰ ﺑﺎﺷﻼﭖ ﻛﻪﭘﺘﯘ ، ﺋﯘﻻﺭﻧﯩﯔ ﺋﯧﻴﺘﯩﺸﯩﭽﻪ ﻣﻪﻥ ﺗﻪﯕﺸﻪﭖ ﺑﻪﺭﮔﻪﻥ ﭼﺎﻱ ( uyghur traditional tea) ﺑﻪﻙ ﻳﺎﺭﺍﭖ ﻛﯧﺘﯩﭙﺘﯘ. ﺷﯘﻧﯩﯔ ﻣﯩﮭﻤﺎﻧﺨﺎﻧﯩﺪﯨﻜﻰ ﺑﺎﺷﻘﺎ ﺳﺎﯞﺍﻗﺪﺍﺷﻠﯩﺮﯨﻤﯘ ﻗﻮﺷﯘﻟﯘﭖ ﺑﯩﻠﻠﻪ ﻛﯩﻠﯩﺸﻜﻪﻥ ﺋﯩﻜﻪﻥ. ﻣﻪﻥ ﻗﯩﺰﻏﯩﻦ ﻛﻪﻳﭙﯩﻴﺎﺕ ﺋﯩﭽﯩﺪﻩ ﺋﯘﻻﺭﻏﺎ 2-3 ﺳﺎﺋﻪﺕ ﻣﯘﻻﺯﯨﻤﻪﺕ ﻗﯩﻠﺪﯨﻢ. ﻟﯧﭽﯩﻨﺪﺍﻧﻪ، ﺯﻩﭘﻪ، ﺩﻭﺭﺍ ﺩﻩﺭﻣﺎﻥ، ﮬﻪﺳﻪﻝ ﺳﺎﺗﺘﯩﻢ، ﺋﻪﯓ ﻣﻮﮬﯩﻤﻰ ﺑﺎﮬﺎﻧﯩﯔ ﺋﻪﺭﺯﺍﻧﻠﯩﻘﻰ ، ﻣﯧﻨﯩﯔ ﺩﻭﺳﺘﺎﻧﻪ ﻣﯘﺋﺎﻣﯩﻠﻪﻡ ﺋﯘﻻﺭﻧﻰ ﺑﻪﻙ ﺧﯘﺷﺎﻝ ﻗﯩﻠﯩﯟﻩﺗﻜﻪﻥ ﺋﯩﺪﻯ. ﺋﻪﻣﻪﻟﯩﻴﻪﺗﺘﻪ ﻣﻪﻥ ﻳﻪﺭﻟﯩﻜﻜﻪ ﺳﺎﺗﻘﺎﻧﺪﯨﻦ ﺑﯩﺮ ﻗﺎﻧﭽﻪ ﮬﻪﺳﺴﻪ ﺋﺎﺭﺗﯘﻗﺮﺍﻕ ﺳﺎﺗﻘﺎﻥ ﺑﻮﻟﺴﺎﻣﻤﯘ ﺋﯩﺶ ﺷﯘﻧﺪﺍﻕ ﺑﻮﻟﯩﯟﺍﺗﺎﺗﺘﻰ، ﺋﯘﻻﺭﻧﯩﯔ ﺋﻴﺘﯩﺸﯩﭽﻪ ﻟﯧﭽﯩﻨﺪﺍﻧﻪ ﺋﺎﻣﺮﯨﻜﯩﺪﺍ ﺑﻪﻙ ﻗﯩﻤﻤﻪﺗﻤﯩﺶ.

ﮬﻪ ﺩﻩﭖ ﺩﻭﺭﺍ-ﺩﻩﺭﻣﺎﻥ ﭼﺎﻳﻠﯩﻖ ﺗﻪﯕﺸﻪﯞﺍﺗﻘﺎﻧﺪﺍ ﺋﻪﺗﻠﻪﺳﺘﯩﻦ ﻛﯚﯕﻠﻪﻙ، ﭼﯩﻤﻪﻥ ﺩﻭﭘﭙﺎ ﻛﯧﻴﮕﻪﻥ ﺋﯩﻜﻜﻰ ﻗﯩﺰ ﻛﯩﺮﯨﭗ ﻛﻪﻟﺪﻯ، – ﻛﯧﻠﯩﺸﺴﯩﻠﻪ ، ﺩﻩﭖ ﺋﯘﻳﻐﯘﺭﭼﻪ ﺳﺎﻻﻡ ﻗﯩﻠﯩﭗ ﻛﯧﺘﯩﭙﺘﯩﻤﻪﻥ. ﻗﺎﺭﯨﺴﺎﻡ ﺑﺎﺷﺘﺎ ﻛﯩﺮﮔﻪﻧﻠﯩﺮﻯ ﺑﻮﻟﯘﭖ ﻛﯜﻟﯜﺷﯜﭖ ﻛﯧﺘﯩﺸﺘﻰ، ﺋﺎﺭﻗﯩﺪﯨﻦ ﺋﯘﻻﭘﻼ ﻣﻪﻧﻤﯘ ﻛﯜﻟﯜﭖ ﻛﻪﺗﺘﯩﻢ ، ﺋﺎﻧﺪﯨﻦ ﺑﯘ ﺋﯘﻳﻐﯘﺭﭼﻪ ﻛﯧﻴﯩﻤﻨﯩﯔ ﺋﯘﻻﺭﻏﺎ ﺑﻪﻛﻤﯘ ﻳﺎﺭﺍﺷﻘﺎﻧﻠﯩﻘﯩﻨﻰ ، ﺋﯘﻳﻐﯘﺭ ﻗﯩﺰﻟﯩﺮﯨﻐﺎ ﺋﻮﺧﺸﺎﭘﻼ ﻗﺎﻟﻐﺎﻧﻠﯩﻘﯩﻨﻰ ﺋﯧﻴﺘﺴﺎﻡ ﺋﯘﻻﺭ ﺑﻪﻙ ﺧﻮﺵ ﺑﻮﻟﯘﭖ ﺋﺎﻏﺰﯨﻠﯩﺮﯨﻨﻰ ﺗﺎﻣﺸﯩﺘﯩﭗ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﮔﯜﺯﻩﻟﻠﯩﻜﯩﮕﻪ ﮬﻪﺳﻪﺕ ﻗﯩﻠﯩﺸﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻧﯘﺭﻏﯘﻥ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻧﯧﻤﻪ ﺳﻪﯞﻩﺑﺘﯩﻦ ﺑﯘ ﺧﯩﻞ ﺋﯩﺴﯩﻞ ﻛﯧﻴﯩﻤﻠﻪﺭﻧﻰ ﻛﯧﻴﻤﻪﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﺪﻯ. ﻣﻪﻧﻤﯘ ﺩﻩﻣﺎﻟﻠﯩﻘﻘﺎ ﺑﯩﺮ ﻧﯧﻤﻪ ﺩﯦﻴﻪﻟﻤﻪﻱ ﺗﻮﻣﺘﺎﻗﻼ: ﺭﺍﺳﺘﯩﻨﻰ ﺋﯧﻴﺘﺴﺎﻡ ﺑﻪﺯﯨﻠﻪﺭ ﺑﯘ ﻛﯧﻴﯩﻤﻠﻪﺭﻧﻰ ﻳﺎﺭﺍﺗﻤﺎﻳﺪﯗ، ﺋﯘﻻﺭ ﺳﯧﻠﻪﺭﺩﻩﻙ ﻣﻪﺩﻩﻧﯩﻴﯩﺘﻰ ﺗﻪﺭﻩﻗﻘﻰ ﻗﯩﻠﻐﺎﻥ ﺋﯩﻠﻐﺎﺭ ﺋﻪﻟﻠﻪﺭﻧﯩﯔ ﮬﻪﻣﻤﻪ ﻧﯧﻤﯩﺴﯩﻨﻰ ﺩﻭﺭﺍﭖ ﺑﺎﻗﻘﯘﺳﻰ ﺑﺎﺭ، ﻣﯩﻠﻠﯩﻲ ﺧﺎﺳﻠﯩﻖ ﺋﯧﯖﻰ ﺗﯚﯞﻩﻥ، ﺋﻪﻣﻪﻟﯩﻴﻪﺗﺘﻪ ﺑﯘﻧﺪﺍﻗﻼﺭ ﺋﺎﺯ… ﺩﯦﺴﻪﻡ ﺋﯘﻻﺭ ﺳﯚﺯﻟﯩﺮﯨﻤﺪﯨﻦ ﺗﻪﺋﻪﺟﺠﯜﭘﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ، ﭘﯘﺭﺳﻪﺕ ﺑﻮﻟﺴﺎ ﻛﯩﻴﯩﻨﭽﻪ ﺑﯘ ﮬﻪﻗﺘﻪ ﻛﯚﭘﺮﻩﻙ ﭘﺎﺭﺍﯕﻼﺷﻘﯘﺳﻰ ﺑﺎﺭﻟﯩﻘﯩﻨﻰ ﺋﯧﻴﺘﯩﭗ ﺋﺎﻟﻐﺎﻥ ﻧﻪﺭﺳﯩﻠﯩﺮﯨﻨﯩﯔ ﮬﯧﺴﺎﯞﺍﺗﯩﻨﻰ ﻗﯩﻠﯩﺸﯩﭗ ﺧﻮﺷﻠﯩﺸﯩﭗ ﻗﺎﻳﺘﯩﭗ ﻛﯧﺘﯩﺸﺘﻰ.
ﻗﻪﺷﻘﻪﺭﺩﯨﻦ ﺋﺎﻳﺮﯨﻠﯩﺪﯨﻐﺎﻥ ﻛﯜﻧﻰ ﺋﺎﻟﺪﯨﻨﻘﻰ ﻛﯜﻧﻰ ﻣﯧﻨﻰ ﻛﯚﭖ ﺋﺎﯞﺍﺭﻩ ﻗﯩﻠﻐﺎﻧﻠﯩﻘﯩﻐﺎ ﺭﻩﮬﻤﻪﺕ ﺋﯧﻴﺘﻘﺎﭺ ﻳﻪﻧﻪ ﺧﯩﻠﻰ ﻛﯚﭖ ﻧﻪﺭﺳﻪ ﺋﯩﻠﯩﺸﺘﻰ. ﺋﺎﻧﺪﯨﻦ ﺳﻪﭘﯩﺮﯨﮕﻪ ﺋﺎﻕ ﻳﻮﻝ ﺗﯩﻠﻪﭖ ﺋﯘﺯﯗﺗﯘﭖ ﻗﻮﻳﺪﯗﻡ.

ﻣﻪﻥ ﻳﻪﻧﻪ ﺳﺎﻳﺎﮬﻪﺗﭽﯩﻠﻪﺭ ﺑﯩﻠﻪﻥ ﻗﯩﻠﯩﺸﻘﺎﻥ ﺳﯧﺘﯩﻤﻠﯩﺮﯨﻤﺪﺍ ﺑﯩﺮ ﻗﺎﻧﭽﻪ ﻣﯩﻠﻠﻪﺗﻨﯩﯔ ﺧﺎﺭﺍﻛﺘﯧﺮﯨﺪﯨﻦ ﮬﯧﺲ ﻗﯩﻠﻐﺎﻧﻠﯩﺮﯨﻤﻨﻰ ﻗﯩﺴﻘﯩﭽﻪ ﺑﺎﻳﺎﻥ ﻗﯩﻼﻱ.
ﺯﻩﭘﻪﻧﯩﯔ ﺧﯩﺮﯨﺪﺍﺭﻟﯩﺮﻯ- ﻓﯩﺮﺍﻧﺴﻮﺳﻼﺭ.
ﻳﺎﯞﺭﻭﭘﺎﺩﯨﻜﻰ ﺋﻪﺩﻩﺑﯩﻴﺎﺕ-ﺳﻪﻧﺌﻪﺕ ﺋﻮﻳﻐﯧﻨﯩﺸﯩﻨﯩﯔ ﻓﯩﺮﺍﻧﺴﯩﻴﻪﺩﻩ ﺑﺎﺭﻟﯩﻘﻘﺎ ﻛﻪﻟﮕﻪﻧﻠﯩﻜﻰ ﻛﯚﭘﭽﯩﻠﯩﻜﻜﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺑﯘ ﻣﯩﻠﻠﻪﺗﻨﯩﯔ ﺋﻮﻣﻮﻣﻰ ﺧﺎﺭﺍﻛﺘﯧﺮﯨﺪﯨﻦ ﺳﻪﻧﺌﻪﺗﻜﻪ، ﺧﯘﺵ ﭘﯘﺭﺍﻕ ﺑﻮﻳﯘﻣﻼﺭﻏﺎ ﺋﺎﻻﮬﯩﺪﻩ ﺋﯩﺘﯩﺒﺎﺭ ﺑﯩﻠﻪﻥ ﻗﺎﺭﺍﻳﺪﯨﻐﺎﻥ ﺋﺎﻻﻣﻪﺕ ﮔﻪﯞﺩﯨﻠﯩﻚ. ﺋﯩﻠﮕﯩﺮﯨﻤﯘ ﻓﯩﺮﺍﻧﺴﻮﺳﻼﺭﻧﻰ ﺑﻪﻙ << ﺭﻭﻣﺎﻧﺘﯩﻚ>> ﺩﻩﭖ ﺗﻮﻻ ﺋﺎﯕﻼﻳﺪﯨﻐﺎﻥ. ﺋﻪﺗﯩﺮﻟﯩﺮﯨﻤﯘ ﺑﻪﻙ ﺩﺍﯕﻠﯩﻘﻤﯩﺶ، ﻣﻪﻥ ﺋﯩﺸﻠﯩﺘﯩﭗ ﺑﺎﻗﻤﯩﻐﺎﻥ ﺑﯩﻠﻪﻥ .
ﺩﯗﻛﻜﺎﻥ ﺋﺎﭼﻘﺎﻥ ﺩﻩﺳﻠﻪﭘﻜﻰ ﺑﯩﺮ ﻗﺎﻧﭽﻪ ﺋﺎﻱ ﺋﯩﭽﯩﺪﻩ ﺩﯗﻛﻜﺎﻧﻐﺎ ﻓﯩﺮﺍﻧﺴﻮﺳﻼﺭ ﻛﯩﺮﯨﭗ ﻗﺎﻧﻐﯘﺩﻩﻙ ﺑﻮﻟﺴﺎ ﺋﯘﻻﺭﻧﯩﯔ ﺧﯘﺵ ﭘﯘﺭﺍﻕ، ﺳﻪﻧﺌﻪﺕ ﺋﺎﻻﮬﯩﺪﯨﻠﯩﻜﻰ ﺑﺎﺭ ﻧﻪﺭﺳﯩﻠﻪﺭﻧﻰ ﺋﺎﺗﺎﻳﯩﻦ ﺋﯩﺰﺩﻩﯞﺍﺗﻘﺎﻧﻠﯩﻘﯩﻨﻰ ﺑﺎﻳﻘﺎﭖ ﻗﺎﻟﺪﯨﻢ. ﺑﯩﺮ ﻛﯜﻧﻰ ﺷﯩﻴﺎﯕﮕﺎﯕﻠﯩﻖ ﺑﯩﺮ ﺋﺎﻳﺎﻝ ﺑﯩﺮ ﻗﺎﻧﭽﻪ ﻓﯩﺮﺍﻧﺴﻮﺳﻨﻰ ﺑﺎﺷﻼﭖ ﻛﯧﺮﯨﭙﺘﯩﻜﻪﻥ، ﺋﯘﻻﺭ ﺯﻩﭘﻪﻧﻰ ﭘﯘﺭﺍﭖ ﻛﯚﺭﯛﭖ ﺷﯘﻧﺪﺍﻕ ﮬﻮﺯﯗﺭﻟﯘﻧﯘﭖ ﻛﯧﺘﯩﺸﺘﻰ ﺋﺎﺩﻩﻣﻨﻰ ﮬﻪﻳﺮﺍﻥ ﻗﺎﻟﺪﯗﺭﯗﭖ. ﺋﺎﻧﺪﯨﻦ ﺋﻮﻧﻨﻪﭼﭽﻪ ﮔﯩﺮﺍﻣﺪﯨﻦ ﺋﯩﻠﯩﺸﺘﻰ، ﺩﻩﺳﻠﻪﭘﺘﺎ ﺯﻩﭘﻪﮔﻪ ﺗﺎﺯﺍ ﻗﯩﺰﯨﻘﻤﯩﻐﺎﻥ ﮬﯩﻠﯩﻘﻰ ﺷﯩﻴﺎﯕﮕﺎﯕﻠﯩﻖ ﮬﯩﻠﯩﻘﻰ ﺋﺎﻳﺎﻝ ﻓﯩﺮﺍﻧﺴﻮﺳﻼﺭﻧﯩﯔ ﺑﻪﺱ-ﺑﻪﺳﺘﻪ ﺳﯧﺘﯩﯟﯦﻠﯩﯟﺍﺗﻘﺎﻥ ﻗﯩﺰﻏﯩﻨﻠﯩﻘﯩﻨﻰ ﻛﯚﺭﯛﭖ ، ﺋﯘﻣﯘ ﺋﻮﻟﺘﯘﺭﺍﻟﻤﺎﻱ ﺋﺎﻟﺘﻪ ﮔﯩﺮﺍﻡ ﺋﯩﻠﯩﭗ ﺑﯘﻻﺭﻧﻰ ﻣﻪﻥ ﺑﺎﺷﻼﭖ ﻛﯩﺮﯨﭗ ﺳﺎﯕﺎ ﺳﻮﺩﺍ ﻗﯩﻠﯩﭗ ﻗﻮﻳﻐﺎﻧﺪﯨﻜﯩﻦ ﺩﻩﭖ ﺑﻪﺵ ﮔﯩﺮﺍﻣﻐﺎ ﭘﯘﻝ ﺗﯚﻟﻪﭖ ﻗﺎﻳﺘﯩﺸﺘﻰ.
ﺷﯘﻧﺪﯨﻦ ﺑﯩﺮﻯ ﺩﯗﻛﻜﺎﻧﻐﺎ ﻛﯩﺮﮔﻪﻥ ﭼﻪﺗﺌﻪﻟﻠﯩﻜﻨﯩﯔ ﻓﯩﺮﺍﻧﺴﻮﺱ ﺋﯩﻜﻪﻧﻠﯩﻜﯩﻨﻰ ﺑﺎﻳﻘﯩﺴﺎﻣﻼ ﺯﻩﭘﻪﻧﻰ ﭘﯘﺭﯨﺘﯩﭗ ﻗﻮﻳﯩﺪﯨﻐﺎﻥ ﺑﻮﻟﺪﯗﻡ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﺯﻩﭘﻪﻧﻰ ﺑﺎﺷﻘﺎ ﭼﻪﺗﺌﻪﻟﻠﯩﻜﻜﻪ ﻗﺎﺭﯨﻐﺎﻧﺪﺍ ﺋﯘﻻﺭﻏﺎ ﻛﯚﭘﺮﻩﻙ ﺳﺎﺗﺘﯩﻢ. ﮬﻪﻗﯩﻘﻪﺗﻪﻥ ﺋﻮﺑﺪﺍﻥ ﺳﺎﺗﺘﯩﻢ.
ﻛﯚﭘﭽﯩﻠﯩﻜﻜﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺯﻩﭘﻪ- ﺋﯘﻳﻐﯘﺭ ﺗﯩﺒﺎﺑﯩﺘﯩﺪﻩ ﺋﺎﻻﮬﯩﺪﻩ ﺩﻭﺭﯨﻠﯩﻖ ﻗﯩﻤﻤﯩﺘﯩﮕﻪ ﺋﯩﮕﻪ ﺑﻮﻟﯘﭖ ﮬﯧﺲ -ﺗﯘﻳﻐﯘﻻﺭﻧﻰ ﻛﯜﭼﻪﻳﺘﯩﭗ ﻛﻪﻳﭙﯩﻴﺎﺗﻰ ﺗﻪﯕﺸﻪﺵ، ﻗﺎﻥ ﺗﻮﻣﯘﺭﻻﺭﺩﯨﻜﻰ ﺗﻮﺳﺎﻟﻐﯘﻻﺭﻧﻰ ﺋﯩﭽﯩﺶ، ﻳﯜﺭﻩﻙ -ﻣﯧﯖﯩﻨﯩﯔ ﻗﯘﯞﯞﯨﺘﯩﻨﻰ ﻛﯜﭼﻪﻳﺘﯩﺶ ، ﺑﺎﺷﻘﺎ ﺩﻭﺭﯨﻼﺭﻧﯩﯔ ﺋﺎﻛﺘﯩﭙﻠﯩﻘﯩﻨﻰ ﺋﺎﺷﯘﺭﯗﺵ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯗ، ﻛﯜﻧﺪﯛﻟﯜﻙ ﺗﯘﺭﻣﯘﺷﺘﺎ ﺋﯘﻧﻰ ﻟﯧﭽﯩﻨﺪﺍﻧﻪ، ﻗﻪﻟﻪﻣﭙﯘﺭ، ﻧﺎﯞﺍﺗﻼﺭ ﺑﯩﻠﻪﻥ ﭼﺎﻱ ﺩﻩﻣﻠﻪﭖ ﺋﯩﭽﺴﯩﻤﯘ ﻣﯘﺷﯘ ﺗﻪﺳﯩﺮﻟﻪﺭﻧﻰ ﺑﯩﺮﯨﺪﯗ.

ﺋﻪﻣﻪﻟﯩﻴﻪﺗﻜﻪ ﺋﺎﻻﮬﯩﺪﻩ ﺋﻪﮬﻤﯩﻴﻪﺕ ﺑﯩﺮﯨﺪﯨﻐﺎﻥ – ﺋﺎﻣﺮﯨﻜﺎﻧﻼﺭ
ﺑﯘﻻﺭ ﻣﻪﺩﻩﻧﯩﻴﻪﺕ ، ﺳﻪﻧﺌﻪﺕ ﺑﻮﻳﯘﻣﻠﯩﺮﯨﻐﺎ ﻗﯩﺰﯨﻘﺴﯩﻤﯘ ﺋﯘﻻﺭﻧﯩﯔ ﺋﯩﭽﯩﺪﯨﻦ ﺋﻪﻣﻪﻟﯩﻲ ﺗﯘﺭﻣﯘﺷﺘﺎ ﺋﯩﺸﯩﻠﺘﯩﺸﭽﺎﻧﻠﯩﻘﻰ ﻳﯘﻗﯘﺭﻯ ﺑﻮﻟﻐﺎﻥ، ﭘﯘﻟﻰ ﺋﻪﺭﺯﺍﻥ ﻧﻪﺭﺳﯩﻠﻪﺭﻧﻰ ﺳﯧﺘﯩﯟﯨﻠﯩﺸﻘﺎ ﺋﺎﻣﺮﺍﻕ ﺋﯩﻜﻪﻥ.
ﻣﻪﺳﯩﻠﻪﻥ ﺋﯘﻻﺭ ﻣﻪﻧﺪﯨﻦ ﺋﯩﭽﻰ ﺳﯜﺭﯛﺵ ﻛﯧﺴﯩﻠﻰ ( ﺗﻮﻟﻐﺎﻕ)، ﺋﺎﺷﻘﺎﺯﺍﻥ ﺋﺎﺟﯩﺰﻟﯩﻖ، ﭘﯘﺕ-ﻗﻮﻟﻰ ﻳﯧﺮﯨﻠﯩﺶ ﻗﺎﺗﺎﺭﻟﯩﻖ ﻛﯧﺴﻪﻟﻠﯩﻜﻠﻪﺭﮔﻪ ﺩﻭﺭﺍ ﺋﯩﻠﯩﺸﺘﻰ، ﺋﯘﻧﺪﯨﻦ ﺑﺎﺷﻘﺎ ﻛﯜﻧﺪﯨﻠﯩﻚ ﺗﯘﺭﻣﯘﺷﺘﺎ ﺋﯩﺸﻠﯩﺘﯩﺪﯨﻐﺎﻥ ﭼﺎﻱ، ﮬﻪﺳﻪﻝ ﺳﯧﺘﯩﯟﯨﻠﯩﺸﺘﻰ. ﻳﻪﻧﻪ ﺑﯩﺮ ﺩﯨﻘﻘﻪﺕ ﻗﯩﻠﻐﯩﻨﯩﻢ ﮬﻪﻣﻤﯩﺴﻰ ﺋﯚﺯﯨﮕﻪ ﻛﯩﺮﻩﻛﻠﯩﻚ ﺑﻮﻟﻐﺎﻧﻠﯩﺮﯨﻨﻰ ﺳﯧﺘﯩﯟﺍﻟﯩﺪﯨﻜﻪﻥ، ﺑﯩﺮ – ﺑﯩﺮﯨﮕﻪ ﺋﻪﮔﯩﺸﯩﭗ ﻣﺎﻝ ﺳﯧﺘﯩﯟﺍﻟﯩﺪﯨﻐﺎﻥ ﺋﻪﮬﯟﺍﻟﻨﻰ ﭘﻪﻗﻪﺕ ﺋﯘﭼﺮﺍﺗﻤﯩﺪﯨﻢ.

ﺑﺎﺷﻘﯩﻼﺭﻏﺎ ﺋﻪﮔﯩﺸﯩﭗ ﺑﯩﺮ ﻧﯧﻤﻪ ﺋﺎﻟﯩﺪﯨﻐﺎﻥ – ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩﻛﻰ ﺳﺎﻳﺎﮬﻪﺗﭽﯩﻠﻪﺭ.
ﺋﯘﻻﺭﻧﯩﯔ ﻗﯩﺰﻏﯩﻨﻠﯩﻘﻰ ﺑﻪﻙ ﻳﯘﻗﯘﺭﻯ، ﻟﯩﻜﯩﻦ ﻣﺎﯕﺎ ﺑﯩﺮﺳﻰ ﺗﻪﺷﻪﺑﺒﯘﺳﻜﺎﺭﻟﯩﻚ ﺑﯩﻠﻪﻥ ﺑﯩﺮ ﻧﯩﻤﻪ ﺋﺎﻟﻤﯩﻐﯘﭼﻪ ﮬﯧﭽﻘﺎﻳﺴﯩﺴﻰ ﺑﯩﺮ ﻧﯩﻤﻪ ﺋﺎﻟﻤﺎﻳﺪﯨﻐﺎﻧﺪﻩﻛﻼ ﺗﻪﺳﯩﺮ ﺑﻪﺭﺩﻯ. ﺋﻮﻥ – ﻧﻪﭼﭽﻪ ﻳﻮﻟﺪﺍﺵ ﻏﯘﮊﮊﯨﺪﻩ ﺋﻮﻟﯩﺸﯩﭗ ﻛﯩﺮﯨﺪﯗ. ﺑﯩﺮﺳﻰ ﺋﯘﻳﻐﯘﺭ ﻛﺎﯞﯨﭙﯩﻐﺎ ﺳﯧﭙﯩﺪﯨﻐﺎﻥ ﺯﯨﺮﻩ ﺋﺎﻻﺗﺘﯩﻢ ﺩﯦﺴﻪ ﮬﻪﻣﻤﯩﺴﻰ ﻗﻮﭘﯘﭖ ﻣﻪﻧﻤﯘ ﺋﺎﻻﻱ، ﺑﯩﺮﺳﻰ 100 ﮔﯩﺮﺍﻡ ﺩﯦﺴﻪ ﻗﺎﻟﻐﺎﻧﻠﯩﺮﯨﻤﯘ 100 ﮔﯩﺮﺍﻡ ﺋﺎﻻﻱ ﺩﯦﻴﯩﺸﯩﭗ ﺋﺎﻟﺪﯨﺮﺗﯩﭗ ﻛﯧﺘﯩﺸﯩﺪﯗ. ﺋﯘﻧﯩﯔ ﺋﯜﺳﯩﺘﯩﮕﻪ ﺑﯩﺮ ﻧﻪﺭﺳﻪ ﺳﯧﺘﯩﯟﺍﻏﯩﻨﯩﻤﯘ ﺳﯧﺘﯩﯟﺍﻟﻐﺎﻥ ﻧﻪﺭﺳﯩﻨﻰ ﻣﺎﺧﺘﺎﭖ ﻳﯧﻨﯩﺪﯨﻜﻰ ﮬﻪﻣﺮﺍﻳﯩﻨﻰ ، ﺳﯩﺰﻣﯘ ﺳﯧﺘﯩﯟﯨﻠﯩﯔ ﺩﻩﭖ ﻗﯩﺰﯨﻘﺘﯘﺭﯨﺪﯨﻜﻪﻥ.

ﮔﯩﺮﻣﺎﻧﻼﺭﻧﻰ ﺗﺎﺯﺍ ﭼﯜﺷﯩﻨﻪﻟﻤﯩﺪﯨﻢ، ﺋﯘﻻﺭﻧﻰ ﺑﻪﻙ ﺋﯩﭻ ﻣﯧﺠﻪﺯﻣﯩﻜﯩﻦ ﺩﻩﭖ ﺋﻮﻳﻼﭖ ﻗﺎﻟﺪﯨﻢ.

ﮬﻪﺭ ﻗﺎﻳﺴﻰ ﻣﯩﻠﻠﻪﺕ، ﺋﻪﻝ ﺧﻪﻟﯩﻘﻠﯩﺮﯨﻨﯩﯔ ﺋﺎﺯﺩﯗﺭ -ﻛﯚﭘﺘﯘﺭ ﻣﯩﺠﻪﺯ- ﺧﺎﺭﺍﻛﺘﯧﺮﯨﻨﻰ ﭼﯜﺷﯜﻧﯩﯟﺍﻟﻐﺎﻧﺪﺍ ﺳﻮﺩﺍ-ﺳﯧﺘﯩﻤﻼﺭﻏﯩﻤﯘ ﭘﺎﻳﺪﯨﺴﻰ ﺑﻮﻟﯩﺪﯨﻜﻪﻥ.
ﺷﯘﻧﯩﯔ ﺑﯩﻠﻪﻥ ﺑﯘ ﺧﺎﺗﯩﺮﯨﻨﯩﯔ ﺳﺎﻳﺎﮬﻪﺗﭽﯩﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﺋﺎﻣﯩﻠﻪ ﻗﯩﺴﻤﻰ ﻣﯘﺷﯘ ﻳﻪﺭﺩﻩ ﺋﺎﺧﯩﺮﻻﺷﺘﻰ. ﻣﻪﻗﺴﯩﺘﯩﻢ : ﺗﯩﺠﺎﺭﻩﺗﭽﻰ، ﻛﻪﺳﯩﭙﺪﺍﺭﻻﺭﻧﯩﯔ ﺭﺍﻳﯘﻧﯩﻤﯩﺰﻧﯩﯔ ﺳﺎﻳﺎﮬﻪﺗﭽﯩﻠﯩﻚ ﺋﻪﯞﺯﻩﻟﻠﯩﻜﯩﺪﯨﻦ ، ﻣﻮﻝ ﻣﯩﻠﻠﻰ ﻣﻪﺩﻩﻧﯩﻴﻪﺕ ﻣﯩﺮﺍﺳﻠﯩﺮﯨﻤﯩﺰﺩﯨﻦ ﺋﯜﻧﯜﻣﻠﯜﻙ ﭘﺎﻳﺪﯨﻠﯩﻨﯩﭗ ﺋﯩﻘﺘﯩﺴﺎﺩﯨﻤﯩﺰﻧﻰ ﻳﯜﻛﺴﻪﻟﺪﯛﺭﯛﺵ ﺋﯜﭼﯜﻥ <<ﺗﯩﺮﯨﻖ>> ﺗﻪﻙ ﺑﻮﻟﺴﯩﻤﯘ ﻣﻪﻧﭙﻪﺗﻰ ﺗﯧﮕﻪﺭ ﺩﯦﮕﻪﻥ ﺋﯜﻣﯜﺗﺘﯩﻤﻪﻥ.

2007-يىل، كۈز. قەشقەر