ئەسسالامۇ ئەلەيكۇم. 80خالتا تورىدىكى ئۇستاملار.
مەن تاماكا چىكىۋاتقىلى 4 يىلچە بۇلۇپ قالدى ، ئۇچاغلاردا ئېغىزىم ئۇنداق سېسىق پۇرىمايتى ، مۇشۇ يېقىندا
مەن ئېغىزىمنىڭ كۈندە ئۈچ ۋاق چوتكىلاپ تۇرساممۇ ، يەنە ناھايتى سېسىق پۇرايدىغان بۇلۇپ قالدى ، چوڭلاردىن ئاڭلىسام ئېغىز پۇراش بىر كېسەلنىڭ ئالامىتى دەيدۇ ، بۇ راسمۇ ؟ ئۇلارنىڭ دىيىشچە بۆرەك بىلەن مۇناسىۋەتلىكمىش ، مۇشۇ ئېغىز پۇراشنى داۋالىغىلى بولامدۇ ؟ بۇنداق بۇلۇپ قالغىلى 5 ئايچە بۇلۇپ قالدى ،
ئەتىگەن ئورنىمدىن تۇرسام ئاشۇنداق سېسق پۇرايدۇ ، ھەرخىل چىش پاستىسى ئېلىپ ئىشىلتىپ باقتىم يەنە ئوخشاش ، قانداق قىلسام بولار ، بىر مەسلەھەت كۆرسەتكەن بولساڭلار ، جاپا چىكىدىغان بولدىڭلار.
ۋەئەلەيكۇم ئەسسالام
جاۋاب: ئېغىز بوشلۇقى تازلىقىنى ياخشى قىلىپ تۇرۇپمۇ ئېغىز پۇراش، بولۇپمۇ ئەتتىگىنى سېسىق پۇراش ئاشقازان, ئۈچەي خىزمىتى بىلەن مۇناسىۋەتلىك بولۇپ ئاشقازان ئاجىزلاپ ھەزىم خىزمىتى توسالغۇغا ئۇچىراش سەۋەبىدىن ئاشقازاندىكى بۇزۇلغان خىلىت-گازلارنىڭ يۇقۇرىغا ئۆرلىشىدىن، ياكى قەۋزىيەت سەۋەبىدىن ئەتتىگەندە ئورنىدىن تۇرغاندا ئېغىز سېسىق پۇراش ئەھۋالى كىلىپ چىققان بولىشى مومكىن.
بۇنىڭغا قارىتا :
ئەرقى پۇدىنە ( يالپۇزنى قاينىتىپ پارلاندۇرۇپ چىقىرىلغان سۈيى) ياكى يالپۇزنىڭ ئۆزىنى يالغۇز قاينىتىپ ئىچىپ بەرسىمۇ بولىدۇ.
پىننە گۈلقەنتى، جاۋارىش كۇمۇنى قاتارلىقلارنى ئىچىپ بەرسە ئاشقازان-ئۈچەينىڭ ھەزىم خىزمىتىنى ياخشىلاپ بۇزۇق يەللەرنى تارقىتىدۇ.
ئۇندىن باشقا ئېغىز پۇراشقا تۆۋەندىكى دورا چايلىقىنىڭمۇ ئۈنۈمى ياخشى بولىشى مومكىن :
لاچىندانە، يالپۇز، پىننە، سانا، بەدىيان قاتارلىقلاردىن مۇۋاپىق مىقداردا ئىلىپ سوقۇپ چاي ئورنىدا دەملەپ ئىچىپ بىرىلىدۇ.
_______ مۇھەممەتتۇرسۇن زۇنۇن