ئابدۇرېھىم زۇنۇن: ئۇيغۇر قىزى

كاراپ · ۋاقتى: 2013-1-14 18:47:48


	تونۇش ئىدى ئۇ ئەزەلدىنلا (كاراپ) مۇئەللىم—ئۇ قېرىدى، شۇنچە ياش تۇرۇپمۇ لېكىن— تونۇمىدى، سالام بەرگەن ئىللىق تەبەسسۇمنى، ئەجبا ئوقۇغۇچىنى— ئۇنۇتتىمىكىن؟! ئوقۇغۇچى بولسىمۇ ياش ۋەياكى بوۋاي ، كۆرۇپ ئۇنى، تىزلا كىچىكلىدى، ئۇ ھەرقانچە بولسىمۇ، تونىيالايتتى ئوقۇتقۇچىسىنى ، چۇنكى ئۇ تونۇشقا قادىر بولغان ئىدى ھەممىنى. ئوقۇتقۇچى خۇددى ئەس ھۇشى يوق ئىنساندەك، تەماسىز بىغۇبار ئىدى، تونۇتقان ئىدى تۇمەنمىڭ سەبىگە ئۆزىنى ئەمەس دۇنيانى ئۇ شۇڭا تونۇمىدى ئوقۇغۇچىسىنى. ۋە لېكىن تونۇش ئىدى تۇيۇقسىز سالامغا، ئويلايىتتى دەپ ئوقۇغۇچۇم قەلبى تولۇپ ھاياجانغا ھەر قەدەمدە … ھەر قەدەم…

shaidayi · ۋاقتى: 2013-1-22 02:39:42


	بۇ تەخمىسنى ئوقۇپ ئاپتۇرنىڭ قولىنى سىققۇم كەلدى. ئاپىرىن ئاكا! ئىجادىەت بۇلاقلىرىڭىز مەڭگۈ ئوقچۇپ تۇرغاي !

ئابدۇرېھىم زۇنۇ · ۋاقتى: 2013-2-7 18:35:59


	shaidayi يوللىغان ۋاقتى 2013-1-22 02:39 بۇ تەخمىسنى ئوقۇپ ئاپتۇرنىڭ قولىنى سىققۇم كەلدى. ئاپى ... رەھمەت! سىزگە جاۋاب سۈپىتىدە بىر غەزەل يوللاپ قويدۇم.

ئابدۇرېھىم زۇنۇ · ۋاقتى: 2013-2-7 18:45:35


	خوتەن سەندە چۆمۈلگەچ بەختىيارلىققا، كۈلەرمەن شاد، خوتەن سەندە، سۆيەر مەڭزىمگە سەلكىن، زەر قۇياش ھەردەم ۋەتەن سەندە. خىجىل ئەيلەيدۇ جەننەتنى تۆكۈپ شەربەت ئېرەم باغلار، ئۇرار خەندە تىلىم، يايرار ھەمىشە جانۇ تەن سەندە. دىلىمدا ئىپتىخار، سۆيگۈ، تومۇرۇمدا ئاقار ئاتەش، سېنى سۆيدۈم يۈرەك-جاندىن، مۇراد تاپتىمكى مەن سەندە. توپاڭدەك باغرى يۇمشاقتۇر قېرى-ياش، ئەر- ئاياللارنىڭ، قايان بارسام پايانداز كۆك چىمەنلەر، يوق تىكەن سەندە. ئەزىزلەندىم، غۇرۇرلاندىم، چىناردەك ياشنىدى بۇ جان، بولۇپ قۇت، ئىزگۈلۈك ئابدۇرېھىمغا يار، خوتەن سەندە! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-2-7 18:51

tasadduk · ۋاقتى: 2013-2-7 18:59:20


	ئالامەت ،ئالامەت!~~ نوبېل ئەدەبىيات باھالاش كومتىتىدىكى نانقېپىقىلارغا پىكرىم بار! ئابدۇرېھىم زۇنۇنۇن نى نىمەدەپ نوبېل مۇكاپاتىغا تەۋسىيە قىلمايدۇ!!!!بۇ ئۇلارنىڭ پېرۇلتارېيىتات ئەدە بىياتىنى كۆزگە ئىلمىغىنى ئەمەسمۇ؟ يازغۇچىلار جەميىتىنى باشقۇردىغان ئورگانغا پىكرىم با!!!!

ئەرتېكىن · ۋاقتى: 2013-2-7 19:39:53


	ئۇستاز دېگەن بەرىبىر ئۇستاز-دە؟! بۇ ئىسىل نەزمىلەرنى ئوقۇپ ئۇيىلىپ قالدىم. ئىجادىيەتلىرىگە بەرىكەت، تەنلىرىگە سالامەتلىك ھەر ۋاقىت يار بولسۇن غايىۋى ئۇستازىم!

گ.م.ماھى · ۋاقتى: 2013-2-7 19:41:57


	مۇئەللىمنىڭ ھەر بىر قەدەملىرى تېخىمۇ بەرىكەتلىك بولغاي!

تۇرسۇنگۈل ئەمەت · ۋاقتى: 2013-3-3 00:31:50


	ئەسەرلىرىڭزنى ئوقۇپ شۇنداق زوقلاندىم .بەركەتلىك بولۇڭ ،مۇئەللىم.

ئابدۇرېھىم زۇنۇ · ۋاقتى: 2013-3-4 13:55:25


	tasadduk يوللىغان ۋاقتى 2013-2-7 18:59 ئالامەت ،ئالامەت!~~ نوبېل ئەدەبىيات باھالاش كومتىتىدىك ... بولسا، سىز تونۇشتۇرۇپ قويسىڭىز...

ئابدۇرېھىم زۇنۇ · ۋاقتى: 2013-3-8 12:07:42


	گ.م.ماھى يوللىغان ۋاقتى 2013-2-7 19:41 مۇئەللىمنىڭ ھەر بىر قەدەملىرى تېخىمۇ بەرىكەتلىك بولغا ... كۆپ رەھمەت!

ئابدۇرېھىم زۇنۇ · ۋاقتى: 2013-3-18 13:07:56


	ماۋزۇسىز ئەي بۇرادەر، سۆكسەڭ، سۆك مىللەتتىكى ئىللەتنى، دوقال قىلىپ ئىللەتنى، سۆكمە ئەمما مىللەتنى! بىر مىللەتنى چەش دېسەك،چار- چاتمىقى بار ئۇنىڭ ئارتما دوستۇم، مىللەتكە شەخستىكى ئىللەتنى. ئەخلەت-چاۋار بۇ مىللەت، ئالتۇن ئەمەس ئۇ مىللەت، كىمدە بولسانۇقسان، سۆك ـــ سۈپۈر ئاشۇ ئەخلەتنى. بولمىغاندەك ئالتۇن ساپ، مىللەتمۇ ساپ بولمايدۇ، ئوخشاش دېمە ھەممىدە ئىللەت بىلەن خىسلەتنى. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-3-18 13:09

ئابدۇرېھىم زۇنۇ · ۋاقتى: 2013-3-29 17:35:56


	ئىرادەمدىن سېپىل سوقتۇم قىلىپ ھۆرمەت خالايىقنى ئەبەدلىك ئېھتىرام تاپتىم، بولۇپ بۇلبۇل ناۋا ئەيلەپ سەھەر- كەچ، ئۇز كالام تاپتىم. بىلىمگە چىڭ چىگىپ رىشتە كىتاب ئوكيانىغا شۇڭغۇپ، پۇچۇلماس پەر- قانات، ئۆڭمەس گۆھەر، تاتلىق قىيام تاپتىم. بۈيۈك ئەجداد ئىزى بويلاپ كېچە - كۈندۈز بېسىپ ئالغا، ئۆگەندىم روھ، سۇباتىدىن يېڭىلمەس كۈچ، چىدام تاپتىم. قېزىپ چىن ئىجتىھات ئەيلەپ جاۋاھىر كانىنى تىنماي، ۋىسال شەربەتلىرى ئوتلاش ئۈچۈن قاشتېشى جام تاپتىم. ئۆتەركەن ئىلكىگە دۇنيا چېلىشقاننىڭ، ئېلىشقاننىڭ، يېڭىپ مۈشكۈل ـــ رەقىبىمنى ئۆمۈرلۈك چىن خۇرام تاپتىم. دىلىغا ياقسا كىم ئارمان ئوتى، دەپ شۇ مۇراد تاپقاي، ھايات جەڭگاھىدا جاننى تىكىپ شەربەت تارام تاپتىم. جاھاندا جانىدىن كەچمەي جانان ۋەسلىگە يەتكەن يوق، كۈرەشكە ئاتلىنىپ قان - تەر تۆكۈپ روزغار، تائام تاپتىم. تۇراتتى كۆز ئوڭۇمدا تىك قورام تاشتەك ئۇيۇل بىر تاغ، ئۇۋاپ قىلغاندا ئۇن- تالقان كۆڭۈل تىندى، ئارام تاپتىم. دېدى ئابدۇرېھىم: دوستلار، جاپا چەكمەي ھالاۋەت يوق، ئىرادەمدىن سېپىل سوقتۇم مودام ھاسىلكالام، تاپتىم. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-3-29 17:37

ئابدۇرېھىم زۇنۇ · ۋاقتى: 2013-4-5 17:58:38


	خوتەندە ياشىدىم ئاز كەم ئۈچ مۈچەل خوتەندە، يايرىدىم كۈلۈپ شاد گۈزەل خوتەندە. ئاق كۆڭۈل، مۇلايىم، مەرد، سېخىي ئېلى، قوينىغا ئالدى ھەر مەھەل خوتەندە. ئوخشىتىپ چۆلىنى ئەدنان، ئېرەمگە، ياڭراتتىم بۇلبۇلدەك غەزەل خوتەندە. ئويۇلدى قەلبىمگە گۈل نەقىش بولۇپ، ئاڭلىغان ھەر ھېكمەت - مەتەل، خوتەندە. يورۇدى دىل خانەم، ئېچىلدى كۆزۈم، چاچقاچ نۇر ئاي، قۇياش، زۇھەل خوتەندە. كۈچ تاپتىم، قۇلاقتىن سەمرىدىم چەكسىز، شام - سەھەر ئوتلاپ بال - ھەسەل خوتەندە. كارامەت ئىگىسى ــــ تېۋىپلىرى كۆپ، ياشاردىم، يولىماي كېسەل خوتەندە. قەلبىمنى رام قىلدى قوتۇر تېشىمۇ، كۆرۈنۈپ قاشتېشى، لەئەل خوتەندە. بۇ قەدىم يۇرتقا چىڭ چىگىلدى رىشتىم، شادلىقىم تاشتى دەر مەھەل خوتەندە. بەرگىنىم ئاز بولدى ئالغانلىرىمدىن، كۆكلىدىم تۆلىمەي بەدەل خوتەندە. ياشىدىم بۇ يۇرت ـــ ياغ، مەن بۆرەك بولۇپ، تارتماستىن دىلئازار تۈگەل خوتەندە. شادلىقى شادلىقىم، دىشۋارى دەردىم، قىلدىم ھەر لەۋزىمگە ئەمەل خوتەندە. ئىككنچى يۇرتۇم بۇ، دەر ئابدۇرېھىم: ياتاي مەن گەر يەتسە ئەجەل خوتەندە. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-4-5 17:59

ئابدۇرېھىم زۇنۇ · ۋاقتى: 2013-4-13 00:26:51


	چاندى تاپالماي سۆز ئانا تەرىپىگە، شائىرلىقىم چاندى، يۈرەتتىم «سۆزگە ماھىر مەن» دېبان، ماھىرلىقىم چاندى. قوياتتىم ئۆز - ئۆزۈمگە بەك تەمەننا «كۆپكە قادىر» دەپ، تۈزەلمەي بىر تۈزۈك مىسرا بۈگۈن قادىرلىقىم چاندى. ئۇ ــ زۆھرە، مەن بولۇپ تاھىر سۈيىدە دەم ئاقاي دەيتتىم، ئاقالماي چىن ۋاپا دەرياسىدا، تاھىرلىقىم چاندى. ئانا تەۋسىپىگە قۇردا قەلەم سۇدەك راۋان يۈرمەي، كېكەچلەپ ئولتۇرۇپ قالدىم، دېمەك، ھازىرلىقىم چاندى. ئىكەنمەن گەپكە نا ئۇستا، شۇڭا كۆيدۈم بۇ دەم ئوتتا، ئانا تەسۋىرىگە يەتمەي كۈچۈم، نادىرلىقىم چاندى. ئانا كۆكتە كۈلۈپ تۇرغان قۇياش، ئايدىن ئىكەن يۈكسەك، ئۇنىڭ ئالدىدا چاغلىقكەن پېقىر، زاھىرلىقىم چاندى. ئانا خىسلەتلىرىدىن بۇ جاھان بولغانىكەن گۈلزار، شۇ گۈلزارغا قويالماي سۇ، زەئىپ، قىڭغىرلىقىم چاندى. يارالغانكەن جىمى جەننەت ئانا جاننىڭ ئاياغىدا، ئۇنىڭدىن ئاپتۇ گۈل ئەندىز ، پۇچەك گازىرلىقىم چاندى. ئانا تەسۋىرسىز قايسى قەلەم ئۆتكەنىدى سورتقا؟ بولۇپ ئىقرار، دېدى ئابدۇرېھىم: شائىرلىقىم چاندى. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-4-13 00:28

ئابدۇرېھىم زۇنۇ · ۋاقتى: 2013-4-14 14:22:43


	ئاشىق كۆيدى شېئىر پىراقىدا بىر چىن ئەر، بىل، تەپەككۇر قۇشى ھامان قاقتى پەر. چىللاپ غەپلەت باسقانلارنى ئويغاتتى، مىسالى تاڭ خورىزىدەك ھەر سەھەر. ۋاز كەچمىدى موھتاجلىقتا سارغىيىپ ئۆتسىمۇ گەر تۇمشۇقىدا تىرەپ يەر... بەرجەس تۇردى ئۇ تىكلىگەچ ئېتىقاد، يېلىنمىدى بىرىگە دەپ: قېنى، بەر! ئېتىزىغا ئەمەس، تۆكتى قەغەزگە باش چۆكۈرۈپ قىش- ياز، كۈن- تۈن كۈمۈش تەر. ئۆكۈنمىدى، يالتايمىدى يولىدىن، جاپا - مۈشكۈل باسسىمۇ تاغ بولۇپ گەر. ئابدۇرېھىم، مىڭلاپ قىلىچ چاپساڭمۇ نىيىتىدىن يانماس ھەرگىز ئاشۇ ئەر. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-4-14 14:25