ئابدۇرېھىم زۇنۇن: ئۇيغۇر قىزى

ئابدۇرېھىم زۇنۇ · ۋاقتى: 2013-6-2 16:45:47


	غەزەل مۇشەققەت دەشتىنى كەزدىم گۈزەل، ساھىبجامال ئىزدەپ، يېتەرمەنمۇ ۋىسالىغا تېپىپ بەرقى كامال، ئىزدەپ. پىراقى ھۆكمىدىن تەكرار يۈرەككە چۈشتى ئوت-ئاتەش، مېنىڭ ھالىم يامان بولدى قارا قاشى ھىلال ئىزدەپ. مېنى ئەپسانە ئەتمەڭ، ئەي بۇرادەر بولدى دەپ ئاشىق، تىلەيمەن قۇت-ۋىسال، يۈرمەي شەپەرەڭدەك زاۋال ئىزدەپ. جانانى ۋەسلىگە يەتكەن قاچان، كىم دەرد-پىراق كۆرمەي، جاپا چەكسەم بىلىنگەي ئۇ ماڭا راھەت، ۋىسال ئىزدەپ. ئىشق ئەھلى ئۈچۈن قىسمەت پۈتۈلگەن ئېھتىمال شۇنداق، مېنى باسقاندا تەشنالىق يانارمەنمۇ شامال ئىزدەپ. گۈزەل ئارمانلىرىم ئىشقا ئاشار دەپ چىن ئۈمىدۋارمەن، كېزەرمەن ئىشقى دەشتىنى گۈزەل قەددى-نىھال ئىزدەپ. 1991- يىلى ماي، ئۈرۈمچى بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-6-2 16:49

ئابدۇرېھىم زۇنۇ · ۋاقتى: 2013-6-2 17:21:49


	ئارام ئالايلى يىگىتلىك مەۋسۇمۇم كەتتى، يۈرەكتە قالدى ھەسرەت، داغ، تۇرار ئالدىمدا كۆككە لەۋ يېقىپ تاقىر - گىياھسىز تاغ. ياتار ئارقامغا باقسام كەڭ - پايانسىز چۆل، ئەمەس گۈلباغ، گېلىمنى سىقتى چىڭ ئەمدى پۇشايمان سىرتمىقى ھەر چاغ. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-6-2 17:23

ئابدۇرېھىم زۇنۇ · ۋاقتى: 2013-6-7 23:42:20


	چىقساڭ يۈرەك تېپىچەكلىدى سۈبھى قۇياشتەك يۈز ئېچىپ چىقساڭ، قېتىپ قالدى كۆزۈم قارىچۇقلىرى شولا چېچىپ چىقساڭ. سىياقىڭغا نەزەر تاشلاپ ئۆزۈمنى يىتتۈرۈپ قويدۇم، ئۆيۈڭدىن تاڭ ساباسىدەك تۇتۇق بەرمەي قېچىپ چىقساڭ. خىيالىڭ ساقچى ئالدى مېنى ئىلكىگە، بەندەڭمەن، چۈشەرمەن ئىزتىراپقا مىڭ ئويۇمنى ھەر كېزىپ چىقساڭ... كۆسەي بولدى كۆيۈپ جىسمىم پىراقىڭ تەپتى ــ يالقۇندا، ماڭا سەن ئىشق بالاسىدىن ھەمىشە ئوت ئېچىپ چىقساڭ. يېنىڭدىن كەتمىدىم ماڭدام نېرى بولماققا ھەددىم يوق، ساڭا تۈندە ماياك بولدۇم دېڭىزلارنى كېچىپ چىقساڭ. تۇرالمايمەن سېنى كۆرمەي، سەۋرگە تاقىتىم يوقتۇر، يېلىندىم: «ماڭا بىر نۆۋەت تولۇن ئايدەك بېقىپ چىقساڭ...» تومۇزدا چاڭقىغان تەكلىماكاندەك كەڭ قۇچاق ئاچتىم، نە بولغاي تەشنا جىسمىمدە يۇرۇڭقاشتەك ئېقىپ چىقساڭ!... بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-6-7 23:43

ئابدۇرېھىم زۇنۇ · ۋاقتى: 2013-6-10 17:40:30


	ئامرىقىم سەن تەبىئەتمۇ، باھار، يازىڭ چىرايلىق، ئامرىقىم، تالمۇ سەن سوقسا شامال نازىڭ چىرايلىق، ئامرىقىم. گۈلمۇ سەن، ئەنبەر، ئىپارمۇ قىلغۇچى جانلارنى مەست، ناخشا ئېيتساڭ شۇنچە ئاۋازىڭ چىرايلىق، ئامرىقىم. بەزمە-مەشرەپ گۈلىسەن، چاقچاقلىرىڭ، كۈلكەڭ ئېسىل، شوخ، نەپىس مۇقامغا ماس سازىڭ چىرايلىق، ئامرىقىم. بىر كۆرۈپلا مەن ساڭا بولدۇم ئەسىر، قاچتى ھوشۇم، سەن پەرىپەيكەرمۇ ئوبرازىڭ چىرايلىق، ئامرىقىم؟! ھەممە ئۇزلۇق سەندە جەم، ئۈزمەيدۇ قەلبىم رىشتىنى، مەن ئۆمۈرلۈك ياندا ھەمرازىڭ چىرايلىق ئامرىقىم. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-6-10 17:41

T.Abaydulla · ۋاقتى: 2013-6-14 12:52:11


	سۇرەت بىلەن شئېر خۇددى ئالتۇن ئۇزۇككە ياقۇت كۆز ماس كەلگەندەك ئاجايىپ ماس كەپتۇ. ئوقۇغان كىشىنى ئىچ-ئىچىدىن سۆيۇندۇرۇدىغان بۇبىر پارچە شئېرىڭىزنى ئوقۇپ چەكسىز ھوزۇر، زور مەنىۋى ئوزۇق ئالدىم.قەلىمىڭىزگە كۆز تەمىسۇن.

ئابدۇرېھىم زۇنۇ · ۋاقتى: 2013-6-17 10:21:44


	T.Abaydulla يوللىغان ۋاقتى 2013-6-14 12:52 سۇرەت بىلەن شئېر خۇددى ئالتۇن ئۇزۇككە ياقۇت كۆز ماس كە ... سىزنى خۇشال قىلالىغىنىمدىن سۆيۈندۈم، قېرىنشىىم. رەھمەت!

تاشيولچى · ۋاقتى: 2013-6-17 17:16:43


	شىئېر غەزەللەرى كىشىگە زوق ئاتا قىلىدۇ مۇئەللىم. تېخىمۇ بەرىكەتلىك بولسىلا!

ئابدۇرېھىم زۇنۇ · ۋاقتى: 2013-6-20 10:50:06


	تاشيولچى يوللىغان ۋاقتى 2013-6-17 17:16 شىئېر غەزەللەرى كىشىگە زوق ئاتا قىلىدۇ مۇئەللىم. تېخىم ... تاشيولچىنىڭ شېئىرىلىرىمغا ئىزچىل دىققەت قىلىپ، ئوقۇپ كېلىۋاتقىنىدىن خۇشمەن. رەھمەت!

يارۇق · ۋاقتى: 2013-7-5 20:42:32

ئابدۇرېھىم زۇنۇ · ۋاقتى: 2013-7-14 21:29:51


	يارۇق يوللىغان ۋاقتى 2013-7-5 20:42 بارىكاللا! يارۇققا رەھمەت!

ئۆستەڭ · ۋاقتى: 2013-7-27 01:43:57


	ئەسالامۇ -ئەلايكۇم ئابدۇرېھىم مۇئەللىم مەن بۈگۈن ‹‹ئۇيغۇر تىلى››ناملىق شېئرىڭزنى ئوقۇپ چۇڭقۇر بىلىمگە ئىگە بولغان ئىدىم ،بولسا ‹‹تەڭرىتاغ››ئەسلىمىلىرىڭزمۇ ئۈزۇلۇپ قالمىسكەن !

ئابدۇرېھىم زۇنۇ · ۋاقتى: 2013-7-28 20:04:36


	ئۆستەڭ يوللىغان ۋاقتى 2013-7-27 01:43 ئەسالامۇ -ئەلايكۇم ئابدۇرېھىم مۇئەللىم مەن بۈگۈن ‹‹ئۇ ... ۋەئەلەيكۇم ئەسسالام، ئۆستەڭ! سىزنىڭ بۇ شېئىرنى ياقتۇرۇپ ئوقۇغىنىڭىزدىن قەۋەت خۇش بولدۇم. رەھمەت!

T.Abaydulla · ۋاقتى: 2013-9-1 22:52:44


	ئىقتىدارلىق يازغۇچى، لىرىك شائىر ئابدۇرېھىم زۇنۇننىڭ « ئۇيغۇر قىزى » ماۋزۇلۇق شئېرىنى ئوقۇپ بەكمۇ ھاياجانلاندىم، تولىمۇ سۇيۇندۇم. شئېردىكى قايناق، لىرىك ھېسيات،گۇزەل شئېرى تىل شئېرنىڭ جەلىپكارلىقىنى ھەسسىلەپ ئاشۇرغان بولۇپ ماڭا مول مەنىۋى ئوزۇق ئاتا قىلدى.مەن مۇشۇنداق شئېرلارنى بەكمۇ قىزىقىپ ئوقۇيمەن.

تاشيولچى · ۋاقتى: 2013-9-2 00:24:46


	T.Abaydulla يوللىغان ۋاقتى 2013-6-14 12:52 سۇرەت بىلەن شئېر خۇددى ئالتۇن ئۇزۇككە ياقۇت كۆز ماس كە ... شېئىردىنغۇ شۇنداق سۆيۈندۈم، بىراق بىر پارچىمۇ سۈرەتنى كۆرمۈدۈم. كومپىيوتۇرۇمدا مەسىلە بارمىدۇ؟

ئابدۇرېھىم زۇنۇ · ۋاقتى: 2013-9-2 16:45:08


	T.Abaydulla يوللىغان ۋاقتى 2013-9-1 22:52 ئىقتىدارلىق يازغۇچى، لىرىك شائىر ئابدۇرېھىم زۇنۇننىڭ ... رەھمەت!

«تۇدەك موللام ئۆلۈپتۇ، ئاقا مازارغا كۆمۈپتۇ، يىغلىغىلى ئادەم يوق،...