ئابدۇرېھىم زۇنۇن: ئۇيغۇر قىزى

                         پەقەتلا تۆت كۈنلۈك تاج بىلەن شۆھرەت،
                        مەڭگۈلۈك ئەمەستۇر ھېچكىمگە دۆلەت .
                        قوشكېزەك خۇشاللىق بىلەن قايغۇ-دەرد،
                        باقىيدۇر ئەبەدىي سۆيگۈ- مۇھەببەت .


           

                بەزىلەر سۆزلەيدۇ يالغان- ياۋىداق، ئويدۇرما ساپ،     
          بىل، بولالماس ئەگرى شاخ مىڭ يىلدىمۇ كەتمەنگە ساپ .
     مەن كېرەك بولسام، مۇبادا، يىپ قىلىپ يىڭنەڭگە ساپ،
رازىمەن، بولساڭ ئەگەردە توغرا سۆزلۈك، كۆڭلى ساپ !     

ئەمەس مۇمكىن چىۋىنلەرگە قىلىچ شىلتىپ، قىرىپ-چاپماق،
ئۆزى ھايۋان كىشىكىم، بولسا ھايۋانغا ھۈرۈپ-چاپماق .
ئەقىل ئىشلەت جىمى ئىشتا، ئاتارمۇ پاشىغا شىر مۇشت؟
ئۆتۈپ كەتكەن ھاماقەتلىك نادانلار كەينىدىن چاپماق...   

           

بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2016-2-6 14:32  

ئاپىرىن ،

ئەمگىكىڭىزگە تەشەككۈر ،ئىجادىيەتلىرىڭىز ئوڭۇشلۇق بولغاي .

         رەھمەت!

قالارسەن ئەتە دوڭغاقلاپ، بۈگۈن يۈرگەن بىلەن تاق- تاق،  
بەخت- قۇت تاقنى جۈپ قىلسا، قازا جۈپنى قىلار، بىل، تاق .
بولالماس ھېچ كىشى تۈۋرۈك جاھانغا، ئاخىرى كەتكەي،        
پەقەت ئۆلمەيدۇ مەڭگۈگە ئىجادىي تۆھپە، راسلان تاق !   

       ئەمگەك مېۋەمنىڭ تەمىنى تېتىپ، مەدەت بەرگىنىڭىزگە رەھمەت!
       تىلەكلىرىڭىز ئىجابەت بولغاي!

           گۈلۈم، ساڭا ئەجەل قۇشى سالدى چاڭ،               
          تەقدىر مېنى كاچات بىلەن سالدى «چاڭ»...        
          پارقىرايتتى بارىڭدا دىل ئەينىكىم،                  
          بۈگۈن مانا باستى ئۇنى توپا- چاڭ .           

كۆكسۈمگە سۆيگۈدىن سېلىپ قويدۇڭ دەم،
قىينالدىم ئالالماي ئەركىن نەپەس- دەم.
«ماقۇل»غا ئېچىلار قاچانمۇ غۇنچەڭ؟           
ئاھ! دەيمەن، ئوتۇڭدا ئۆرتىنىپ ھەر دەم.        

ئەسسالام ئۇستاز ‹‹ئۇيغۇر قىزى ›› ناملىق بۇ لىرىكىنىڭ ئويناق ،پاساھەتلىك تىلىدىن ئانا تىلىمنىڭ گۈزەللىكىنى يەنە بىر قېتىم ھىس قىلدىم . تەنلىرىسالامەت، ئىجادىيەتلىرى ئوڭۇشلۇق،بەرىكەتلىك بولغاي

قەلىمىڭىزگە ئاپىرىن ، نادىر ئۈزۈندىلەر توختاپ قالمىسۇن