ئابدۇرېھىم زۇنۇن: ئۇيغۇر قىزى

ئابدۇرېھىم زۇنۇ · ۋاقتى: 2012-4-28 13:40:37


	غەزەل يۈرەك تېپىچەكلىدى سۈبھى قۇياشتەك يۈز ئېچىپ چىقساڭ، قېتىپ قالدى كۆزۈم قارىچۇقلىرى شولا چېچىپ چىقساڭ. سىياقىڭغا نەزەر تاشلاپ ئۆزۈمنى يىتتۈرۈپ قويدۇم، ئۆيۈڭدىن تاڭ ساباسىدەك تۇتۇق بەرمەي قېچىپ چىقساڭ. خىيالىڭ ساقچىسى ئالدى مېنى ئىلكىگە، بەندەڭمەن، چۈشەرمەن ئىزتىراپقا مىڭ ئويۇمنى ھەر كېزىپ چىقساڭ... كۆسەي بولدى كۆيۈپ جىسمىم پىراقىڭ تەپتى ــ يالقۇندا، ماڭا سەن ئىشق بالاسىدىن ھەمىشە ئوت ئېچىپ چىقساڭ. يېنىڭدىن كەتمىدىم ماڭدام نېرى بولماققا ھەددىم يوق، ساڭا تۈندە ماياك بولدۇم دېڭىزلارنى كېچىپ چىقساڭ. تۇرالمايمەن سېنى كۆرمەي، سەۋرگە تاقىتىم يوقتۇر، يېلىندىم: «ساڭا بىر نۆۋەت تولۇن ئايدەك بېقىپ چىقساڭ»... تومۇزدا چاڭقىغان تەكلىماكاندەك كەڭ قۇچاق ئاچتىم، نە بولغاي تەشنا جىسمىمغا يۇرۇڭقاشتەك ئېقىپ چىقساڭ!... بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-5-11 20:44

ئابدۇرېھىم زۇنۇ · ۋاقتى: 2012-5-1 22:11:39


	غەزەل مۇشەققەت دەشتىنى كەزدىم گۈزەل، ساھىبجامال ئىزدەپ، يېتەرمەنمۇ ۋىسالىغا تېپىپ بەرقى كامال، ئىزدەپ. پىراقى ھۆكمىدىن تەكرار يۈرەككە چۈشتى ئوت-ئاتەش، مېنىڭ ھالىم يامان بولدى قارا قاشى ھىلال ئىزدەپ. مېنى ئەپسانە ئەتمەڭ، ئەي بۇرادەر بولدى دەپ ئاشىق، تىلەيمەن قۇت-ۋىسال، يۈرمەي شەپەرەڭدەك زاۋال ئىزدەپ. جانانى ۋەسلىگە يەتكەن قاچان، كىم دەرد-پىراق كۆرمەي، جاپا چەكسەم بىلىنگەي ئۇ ماڭا راھەت، ۋىسال ئىزدەپ. ئىشق ئەھلى ئۈچۈن قىسمەت پۈتۈلگەن ئېھتىمال شۇنداق، مېنى باسقاندا تەشنالىق يانارمەنمۇ شامال ئىزدەپ. گۈزەل ئارمانلىرىم ئىشقا ئاشار دەپ چىن ئۈمىدۋارمەن، كېزەرمەن ئىشقى دەشتىنى گۈزەل قەددى نىھال ئىزدەپ. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2013-5-14 16:42

ئابدۇرېھىم زۇنۇ · ۋاقتى: 2012-5-2 23:33:03


	غەزەل تەلمۈرۈپ كۈتتۈم ئۇزاق، جانان قېشىمغا چىقمىدىڭ، سالدى قولۋاق بەزىلەر ئاققان يېشىمغا، چىقمىدىڭ. ئۆرتىنىپ كۆيدى ئچىىم ئىشقى پىراقىڭ تەپتىدىن، بولدى چېھرىم زەپىران، تەپتى تېشىمغا، چىقمىدىڭ. بىر قەدەم كەتمەي نېرى باقتىم ئۆيۈڭنى چۆرگىلەپ، مەن رىزا مەڭگۈ مۇشۇ قىلغان ئىشىمغا، چىقمىدىڭ. كىرمىدى كاللامغا ئوي ھېچبىر خىيالىڭدىن بۆلەك، تۇز بولۇپ تامدىڭ جىمى ئەتكەن ئېشىمغا، چىقمىدىڭ. بارمۇ سەن، كەتتىڭمۇ تاشلاپ داغۇ ھىجران چۆلىگە؟ قاينىدى ئوغام راسا، تەگدىڭ چىشىمغا، چىقمىدىڭ. نەچچە يىللىق دەرد–ئازاب ئۆتتى بېشىمدىن سۆيگۈ دەپ، ۋە لېكىن قوندى پەقەت بىر ياش يېشىمغا، چىقمىدىڭ. پۈتتى سەۋرىم ئاخىرى كەتتىم بوسۇغاڭدىن قوپۇپ، بەرمىدىڭ كۆڭلۈڭنى جانان يا بېشىمغا چىقمىدىڭ. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-2 23:33

ئابدۇرېھىم زۇنۇ · ۋاقتى: 2012-5-4 21:41:46


	بول داۋا ئوتقا سالدىڭ دىلرەبا، كۆيدۈم سەمەندەردەك گويا، ئوت ـ پىراقىڭدا قۇيۇندەك پىرقىراپ سالدىم ساما. سەن ــ چىراغ، ئۇردۇم ئۆزۈمنى كۈنۇ تۈن پەرۋانىدەك، شۇ سەۋەب: يەپ زەخمە جان، بولدى يۈرەك ـ باغرىم يارا. باغرى تاش، دەردىڭدە تولغاندىم، يۈرەك بولدى كاۋاپ، ئاھ ئۇرۇپ، مىڭ پۇچىلاندىم تەپتى ئوت ـ ئاتەش ئارا. ئىشق ئوتۇڭنىڭ ئالدىدا دوزاخ ئوتى ئۇچقۇنچە يوق، ھەر تومۇرۇمدا كۆيەر قان مىسلى ئاققاندەك لاۋا. ئوت ــ ئازابىڭدىن يۈرەك خۇمرامدا قان كەتتى ئۇيۇپ، جۈپ كۆزۈم ھىجران خۇنابى شارقىراپ ئاققان جىرا. مەن قەلەندەر شاھىدەك كەزدىم ئىشق سەھراسىنى، سۆيگۈ ۋەجى: قاتتى باش تاشتەك، ئىكەن بەختىم قارا. مەن جېنىمنى قىينىغان شېرىن ئازابنىڭ تۇتقۇنى، قىل ئازاد ئوت ئىلكىدىن، قۇي دىل يارامغا بال، دورا... بارمىدۇ ئالەمدە مەندەك ئوتتا ئۆرتەنگەن كىشى، ئەيلىبان سۆيگۈ ساداقەتنى كۆڭۈل مۈلۈكىگە جا؟ دەيدىكەن ئەل: «بۇ جاھاندا ئوت ـ پىراققا دورا يوق،» بول ئۆزۈڭ ئابدۇرېھىم ــ سەدپارە، مەجنۇنغا داۋا!... 2011 يىل 3- ماي بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-4 21:43

ئابدۇرېھىم زۇنۇ · ۋاقتى: 2012-5-6 15:14:25


	مۇراجىئەت ئىلاھىم، ھېچ كىشى ئايرىلمىسۇن جۈپتى ھالالىدىن، كۆڭۈل كۆكىدە نۇر-شولا چېچىپ تۇرغان ھىلالىدىن. جۇدالىق ئىلكىدە ئېرىپ يۈرەك، ئاقتى كۆزۈمدىن قان، قىلىچ ئۇرغاچ پەلەك ئايرىپ مېنى يارنىڭ ۋىسالىدىن. ھاياتلىق دەشتىدە چاڭقاپ يېرىلدى لەۋلىرىم چاك-چاك، سۇناتتى بولسا يار، ئابىھايات چەشمە زۇلالىدىن. قويۇپ كەتتى مېنى پۈتمەس ئالەمدە، ئۈچ مۈچەل ئاتلاپ، ئۆتەلمەي سولدى «راك» ئاتلىق جۇدۇننىڭ ئۇ دوقالىدىن. ئۇنىڭسىز بۇ ھاياتلىقتا ماڭا تاڭمۇ قاراڭغۇ تۈن، تۆكەتتى بولسا ئۇ، ئىقبال يولۇمغا نۇر جامالىدىن. پىغانىمغا تۆكۈپ كۆك ياش، سىمابتەك ئېرىدى تاغ-تاش، يۇرۇڭقاش تولغىنىپ ئاقتى پېقىرنىڭ ئۇشبۇ ھالىدىن. جاھاندا ھەممىدىن ئاجىز نېمە ئادەم ئىكەن، ۋاي داد! ئالالمىدىم ئۇنى تارتىپ ئەجەلنىڭ چىڭ قامالىدىن. قەپەستىن ئۈركىگەن قۇشتەك ئۆيۈمدىن ئارتقا داجىيمەن، سەۋەب: بىر دەم تۇرۇش ناراق ئۇنىڭ شېرىن خىيالىدىن. دېدى ئابدۇرېھىم يىغلاپ: قولۇمدىن قۇت قۇشى ئۇچتى، ئىلاھىم، بولمىسۇن مەندەك جۇدا ھېچكىم ئايالىدىن!... 2007.6.18 خوتەن بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-6 15:15

ئابدۇرېھىم زۇنۇ · ۋاقتى: 2012-5-7 16:44:03


	سەمەندەر ناخشىسى ئوتقا سالدىڭ دىلرەبا، كۆيدۈم سەمەندەردەك گويا، ئوت ـ پىراقىڭدا قۇيۇندەك پىرقىراپ سالدىم ساما. سەن ــ چىراغ، ئۇردۇم ئۆزۈمنى كۈنۇ تۈن پەرۋانىدەك، شۇ سەۋەب: يەپ زەخمە جان، بولدى يۈرەك ـ باغرىم يارا. باغرى تاش، دەردىڭدە تولغاندىم، يۈرەك بولدى كاۋاپ، ئاھ ئۇرۇپ، مىڭ پۇچىلاندىم تەپتى ئوت ـ ئاتەش ئارا. ئىشق ئوتۇڭنىڭ ئالدىدا دوزاخ ئوتى ئۇچقۇنچە يوق، ھەر تومۇرۇمدا كۆيەر قان مىسلى ئاققاندەك لاۋا. ئوت ــ ئازابىڭدىن يۈرەك خۇمرامدا قان كەتتى ئۇيۇپ، جۈپ كۆزۈم ھىجران خۇنابى شارقىراپ ئاققان جىرا. مەن قەلەندەر شاھىدەك كەزدىم ئىشق سەھراسىنى، سۆيگۈ ۋەجى: قاتتى باش تاشتەك، ئىكەن بەختىم قارا. مەن جېنىمنى قىينىغان شېرىن ئازابنىڭ تۇتقۇنى، قىل ئازاد ئوت ئىلكىدىن، قۇي دىل يارامغا بال، دورا... بارمىدۇ ئالەمدە مەندەك ئوتتا ئۆرتەنگەن كىشى، ئەيلىبان سۆيگۈ ساداقەتنى كۆڭۈل مۈلۈكىگە جا؟ دەيدىكەن ئەل: «بۇ جاھاندا ئوت ـ پىراققا دورا يوق،» بول ئۆزۈڭ ئابدۇرېھىم ــ سەدپارە، مەجنۇنغا داۋا!... بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-7 16:46

ئابدۇرېھىم زۇنۇ · ۋاقتى: 2012-5-10 17:39:16


	خوتەن سەندە چۆمۈلگەچ بەختىيارلىققا، كۈلەرمەن شاد، خوتەن سەندە، سۆيەر مەڭزىمگە سەلكىن، زەر قۇياش ھەردەم ۋەتەن سەندە. خىجىل ئەيلەيدۇ جەننەتنى تۆكۈپ شەربەت ئېرەم باغلار، ئۇرار خەندە تىلىم، يايرار ھەمىشە جانۇ تەن سەندە. دىلىمدا ئىپتىخار، سۆيگۈ، تومۇرۇمدا ئاقار ئاتەش، سېنى سۆيدۈم يۈرەك-جاندىن، مۇراد تاپتىمكى مەن سەندە. توپاڭدەك باغرى يۇمشاقتۇر قېرى-ياش، ئەر- ئاياللارنىڭ، قايان بارسام پايانداز كۆك چىمەنلەر، يوق تىكەن سەندە. ئەزىزلەندىم، غۇرۇرلاندىم، چىناردەك ياشنىدى بۇ جان، بولۇپ قۇت، ئىزگۈلۈك ئابدۇرېھىمغا يار، خوتەن سەندە! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-10 17:40

ئابدۇرېھىم زۇنۇ · ۋاقتى: 2012-5-11 12:53:16


	ياشلىقىم يېقىملىق، بىباھا غەزەل ياشلىقىم، يارىمنىڭ كۆزىدەك گۈزەل ياشلىقىم. رۇستەمدەك كۈچلۈك، ياز تۈنىدەك قىسقا، باھاردەك ئۇز- كۆركەم مەھەل ياشلىقىم. ئاجايىپ سىر- ھېكمەت، ھېسلارغا بايسەن، سەن تاڭدا چاقنىغان زۇھەل ياشلىقىم. تەڭداشسىز خەزىنەم، تەختى- بەختىم سەن، سەندە بار غۇرۇر، ئىش- ئەمەل ياشلىقىم. تاشقىنلار يۈرەكتە مۇھەببەت ھېسسى، تۆلەيسەن ئۆمۈردىن بەدەل ياشلىقىم. ئوڭ قىلدىڭ، ئۇچلاندى زېھنىم يىڭنىدەك، سەن ئۆتكۈر، مېغىزلىق مەسەل ياشلىقىم. كۈچ تاپتىم، قۇت تاپتىم، كۈلكە، شان تاپتىم، سەن ئۆمرۈم جەۋھىرى ــ ھەسەل ياشلىقىم. سەن بىلەن ھاياتىم تولدى مەنىگە، دېمەك، سەن ھەممىدىن ئەۋزەل ياشلىقىم. سۆيىمەن، كۈيلەيمەن سېنى تا ئەبەد، ۋەسلىڭگە قانمايمەن تۈگەل ياشلىقىم. سەن ھەممە بەختنى بەرگەن شاھلىقىم، مەڭگۈلۈك ئارمىنىم ــ گۈزەل ياشلىقىم. 1994-يىل 2-ئاينىڭ 20- كۈنى، قەشقەر بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-11 12:55

ئابدۇرېھىم زۇنۇ · ۋاقتى: 2012-5-14 00:54:20


	غەزەل سۈرۈلۈپ باشتىن بۇلۇت، يۈز ئاچتى ئىقبال سەھىرى، كەتتى كۈندۈزدەك يورۇپ قاراڭغۇ قەلبىم قەسىرى. نەچچە ئون يىللىق دىلىم چاڭقاقلىقى قاندى بۈگۈن، ئاڭا ئاققاچ ساپ، سۈزۈك سۆيگۈ ـ مۇھەببەت كەۋسىرى. بالقىدى قەلبىم كۆكىگە نۇر چېچىپ ئالتۇن قۇياش، تارقىدى تەندىن قارا زۇلمەت، جۇدۇن ـ قىش زەھىرى. سايىدا قالغان گىياھتەك ساپسېرىق، نىمجان ئىدىم، تەپتى قان چېھرىمگە، ئىللىپ كەتتى كۆڭلۈم شەھىرى. بىل، ئەمەس مەن تۈنۈگۈنكى بىنەزەر ئابدۇرېھىم، ئەمدى بارچە ئاي پەرىنىڭ ماڭا چۈشتى نەزەرى... بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-14 00:55

ئابدۇرېھىم زۇنۇ · ۋاقتى: 2012-5-15 19:49:26


	ماڭا پۈتمەس بالا كەلدى قۇلاق سال دوستلىرىم، بۇ يىل ماڭا پۈتمەس بالا كەلدى، بېشىمغا كۆمتۈرۈلدى كۆك ـــ گۈلۈمگە شۇم قازا كەلدى. «پەلەك» ئاتلىق ھۆكۈمدارغا نېمە قىلغانلىقىم مەجھۇل، ماڭا ئۇندىن ئۆمۈرلۈك دەرد، ئېغىر كۈلپەت، جازا كەلدى. يۈرەرمەن تەمتىرەپ بۇ دەم ھاياتلىقنىڭ ئاچالىدا، ئۆلۈمنىڭ نۆۋىتى يارغا ئېزىپ بالدۇر، خاتا كەلدى. جۇدالىق ھەسرىتى مۆلدۈر بۇلاقتەك ئاقىدۇ كۆزدىن، مېنى باستى ئازاب تاغى، ئەبەد پۈتمەس ھازا كەلدى. «ئەلەم ئاچچىق» دېسە، بالدۇر ئىشەنمەيتتىم، چۈشەنمەيتتىم، تېتىپ كۆردۈم، ئەلەم-ھەسرەت بۈگۈن قوشلاپ تازا كەلدى. ئەمەسكەن گۈلىنى ئۇنتۇش ئاسان بۇلبۇل ئۈچۈن ئۇنچە، كۆزۈمگە لوپا ئەينەك ھەم قولۇمغا جۈپ ھاسا كەلدى. گۈلۈمگە چىڭ تىكىلگەن «راك» كۈلۈمنى سورىدى كۆككە، بېسىپ تۇرمۇش تېغى ھە دەپ ئىلىپ قەددىمگە يا كەلدى. قېنى ئېيت، گۈل-گۈلىستانسىز نە بۇلبۇل شاد ياشاپ باققان؟! سوزۇپ قول ماڭا ئەزرائىل، تىلەپ جان ئۈن-سازا كەلدى. ئۆلۈمغۇ ھەممىمىزگە بار، ئۈزۈپ تاشلاندى ياش غۇنچەم، شۇڭا قان-قان يۇتۇپ بۇلبۇل، پەلەككە بىرىزا كەلدى. يۈرۈپ ئابدۇرېھىم مەجنۇن كەبى چۆللەردە زار يىغلاپ، شۇنى تەكرار دېدى: دوستلار، گۈلۈمگە شۇم قازا كەلدى. 　 2007.8.3 ئۈرۈمچى بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-15 19:50

ئابدۇرېھىم زۇنۇ · ۋاقتى: 2012-5-17 20:07:28


	گۈل گۈلخۇمار ئەل بىز، ئەنە ھەر ئۆيدە گۈل، ھەر باغدا گۈل، رام قىلىپ دىللارنى كۈلدى ھەر پەسىل ــ ھەر چاغدا گۈل. يەلپۈنەر پۇرقۇپ ئىپار ھويلا - ئارام ـــ ھەر يەردە گۈل، كەڭ دالا، كۆز يەتكۈسىز يايلاق، ئېگىز ھەر تاغدا گۈل. پەسلى كۆكلەم، يازۇ كۈز، ھەتتا زىمىستان قىشتا گۈل، قىز-جۇۋانلار دوپپىسى، ئەگنىدە گۈل، چاچۋاغدا گۈل. ئۆتتى ئۆمرۈم رەڭمۇرەڭ گۈلباغ ئارا سەيلە قىلىپ، يەردە گۈل، كۆڭلەكتە گۈل، تاشلا نەزەر بەلۋاغدا گۈل. ئاڭقىتىپ ئەمبەر، ياتار باغرىڭدا گۈل، ئابدۇرېھىم، بول ھامان سادىق ئاڭا، ئۈزمە ئېزىپ «گۈلباغ»دا گۈل! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-17 20:08

ئابدۇرېھىم زۇنۇ · ۋاقتى: 2012-5-21 19:13:31


	مۇپتىلا بولدۇم يۈرەك بىتاب، پەرى رۇخسار سەنەمگە مۇپتىلا بولدۇم، كېچە - كۈندۈز پىراقىدا ئەلەمگە مۇپتىلا بولدۇم. جۇنۇن سەھراسىدا قاقتەك قۇرۇپ، جىسمىمدا نەم پۈتتى، ئېكەكلەپ جاننى ئوت ئىشقى ھەشەمگە مۇپتىلا بولدۇم. ئۇرۇپ قەھ-قەھ كۈلەلمەيمەن، يوقاتتىم كۈلكە-شادلىقنى، پىراق ھۆكمىدە بىھەد دەرد ۋە غەمگە مۇپتىلا بولدۇم. ۋىسال جامىدا مەي ئوتلاش تەقەززاسى، تەمەسىدە، پۈتۈپ مەكتۇپ ئاڭا ھەردەم قەلەمگە مۇپتىلا بولدۇم. جاھاندا كۆپ گۈزەل جانان، لېكىن كۆڭلۈمدە شۇ بىرسى، ئېتەي دەپ مېھرىنى مەلھەم قەسەمگە مۇپتىلا بولدۇم. يېتەلمەي قۇت - ۋىسالىغا ئاتالدىم "سۆيگۈ سەۋداسى،" كۆيۈك - ھىجران تۈپەيلىدىن لەقەمگە مۇپتىلا بولدۇم. چېكىندى روھ، سوغۇلدى جان، كۆيۈپ دوزاختا تىنماستىن، لېكىن يالتايمىدىم قىلچە، دەرەمگە مۇپتىلا بولدۇم. ۋىسال گۈلشەنى بۇ ئابدۇرېھىمغا بەك يىراق، ئەمما، ئۈمىدتىن كۆكلىگەن باغۇئېرەمگە مۇپتىلا بولدۇم. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-21 19:15

ئابدۇرېھىم زۇنۇ · ۋاقتى: 2012-5-22 16:39:17


	چاقچاق كۈندە شېئىر يوللاپ تۇرىمەن، بىر-بىرىدىن سەرخىل، شۇنچە ساز. ئېيتىڭلارچۇ خالايىق نېچۈن بۇيرۇتما كۆپ، ئەمما ئىنكاس ئاز؟ بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-22 16:40

تۇرسۇن تۈمۈر · ۋاقتى: 2012-5-23 10:47:48


	مۇنبەرگە يوللىغان بەزى شېئېرلار كىچىكلەپ نورمال كۆرگىلى بولمىسا بۇ ئادرىستىن كۆرۈڭ ... http://user.qzone.qq.com/872573346/photo/V12Yv27105Dp2d#!app=4

ئابدۇرېھىم زۇنۇ · ۋاقتى: 2012-5-23 22:23:22


	ئىنىم ئوتماكانى، شېئىرلىرىمنى بېزەپ، ناھايىتى چىرايلىق سۈپەت كىرگۈزۈپ قويۇپسىز، سىزگە كۆپ رەھمەت! بۇ لايىھەلىرىڭىزنى تاللاپ، ئىشلەتسەم بولامدۇ؟ ئامان بولۇڭ! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-23 22:54

ئابدۇرېھىم زۇنۇن: ئۇيغۇر قىزى

«گۈل» ناملىق غەزەل كەتتى، قېرىنداشلار.