ئابدۇرېھىم زۇنۇن: ئۇيغۇر قىزى

ئابدۇرېھىم زۇنۇ · ۋاقتى: 2012-5-29 11:11:57


	غەزەل بېشىمغا چۈشتى بىر سەۋدا، ساڭا باغلاندى دىل، دىلبەر، پېقىرىڭ كىرگىلى بولدى كويۇڭغا نەچچە يىل، دىلبەر. پىراقىڭ دەشتىنى كەزدىم ھوشۇمنى گاھ بىلىپ-بىلمەي، رەقىبلەر ئاغزىدا قالدىم بولۇپ ئەپسانە، بىل دىلبەر. قىزىق قۇملۇققا تاشلانغان بېلىقتەك ھالسىراپ نەچچە، قېقىلدىم ئۆرۈلۈپ ئۆپكەم، ئەلەم-دەرد قىلدى سىل، دىلبەر. سېنىڭ ئىشقىڭدا راھەتلىك ھاياتتىن ئالمىدىم بەھرە، ئوتۇڭدا تولغىنىپ كۆيدۈم بولۇپ گوياكى قىل، دىلبەر. تىلەيمەن سۆيگۈ تەڭرىدىن مۇيەسسەر قىلسا دەپ بىر رەت، ساڭا ئاچسام ئېغىز كۆيدى تىلىم، بولدۇم خىجىل دىلبەر. ھامان ئابدۇرېھىم قۇچقاي ۋىسالىڭنى، تۈگەر ھىجران، ئۆزۈڭ تاپقان بالا-دەردكە ئۆزۈڭ بىر چارە قىل، دىلبەر! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-5-29 11:12

ئابدۇرېھىم زۇنۇ · ۋاقتى: 2012-6-2 16:43:51


	غەزەل تىپىرلاپ يەتتە پۈكلەندىم، سىنەمگە ئوق ــ پىچاق چۈشتى، شۇ ئوتتىن ئۆرتىنىپ كۆيدۈم يۈرەككە دەرد-پىراق چۈشتى. بېرەلمەي دەردكە بەرداشلىق ھامان ۋاي-ۋايلىدىم، يارەب، ماڭا شەپقەتچى يوق بۇ دەم، بېشىمغا مىڭ تاياق چۈشتى. يېتىپ بىدار ئېرىشمەك تەس ئىكەن تاڭ ۋەسلىگە تۈندە، سامادىن ساقىدى يۇلتۇز، ماڭا پۈتمەس سوراق چۈشتى. قاچان كۆردۈم سېنى شۇندىن بۇيان ئۆز ئىختىيارىم يوق، كېچە-كۈندۈز خىيالىمغا گۈزەل سۇمبات-سىياق چۈشتى. كۆزۈم ئىلماي ۋىسالىڭغا يېتىشكە قاقشىسام كۈن-تۈن، ئۆيۈمنىڭ تۆت تېمى ئاجراپ، تورۇكلاپ لاي-سۇۋاق چۈشتى. نېمە قىلماقنى بىلمەيمەن، بېشىمنىڭ ئىچ-تېشى قاتتى، كىرىشكە كەلدى يەر قاتتىق، چىقىشقا كۆك يىراق چۈشتى. ئۈمىدنى دىلغا جا ئەيلەپ، ئېغىتسام كۈز چىنارىڭنى، ئەزەلدىن تۇم قارا بەختىم، يېنىمغا توڭ ياڭاق چۈشتى. تىلەپ ۋەسلىڭنى ئاھ، دەيمەن، ھامان يادىڭ بىلەن يادىم، ئەقىدەمگە پەلەك ئېرىپ، ئېتەر مەستخۇش پۇراق چۈشتى. نەزەر سال، ئەمدى ئابدۇرېھىم ئېزىپ يۈرمەيدۇ ھىجراندا، ۋىسال جامىدا ئالدىمغا لەبا-لەب «مەي-ھاراق» چۈشتى. بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-6-2 16:44

مۇنەۋۋەر ئابدۇق · ۋاقتى: 2012-6-2 16:57:47

ئابدۇقادىر. م · ۋاقتى: 2012-6-2 17:06:59


	ئابدۇرېھىم زۇنۇ يوللىغان ۋاقتى 2012-5-22 16:39 چاقچاق كۈندە شېئىر يوللاپ تۇرىمەن، ئىنكاس يازاي دىگەن ئەسلىدە ، بىلەلمىدىم قانداق يېزىشنى ، باراي ئۆيگە داستىخان سېلىپ، ئۈگەتسىلە قەلەم تۇتۇشنى ؛ بۇ يازمىنى ئاخىرىدا SABA01 تەھرىرلىگەن. ۋاقتى 2012-6-2 17:07

ئابدۇرېھىم زۇنۇ · ۋاقتى: 2012-6-2 23:11:34


	مۇنەۋۋەر ئابدۇق يوللىغان ۋاقتى 2012-6-2 16:57 سىڭلىم مۇنەۋۋەر، ماۋۇ ئىنكاسىڭىزنى كۆرۈپ: «گۈل ئەۋەتتىم يار ساڭا، كۆڭۈل ئەۋەتتىم يار ساڭا» دەپ باشلىنىدىغان ناخشا ئېسىمدىن كەچتى. گۈلىڭىزگە كۆپ رەھمەت!

ئابدۇرېھىم زۇنۇ · ۋاقتى: 2012-6-3 15:39:13


	SABA01 يوللىغان ۋاقتى 2012-6-2 17:06 ئىنكاس يازاي دىگەن ئەسلىدە ، بىلەلمىدىم قانداق يېزىش ... كېلىڭ ئۇكام داستىخان ئالماي، يولىڭىزغا پايانداز سالاي. ئۆگەنمەكچى بولسىڭىز ئىلىم، ئۆگەتمەككە ۋاقىت چىقىراي.... ئامان بولۇڭ ئۇكام، سابا!

ئابدۇقادىر. م · ۋاقتى: 2012-6-4 16:03:59


	ئابدۇرېھىم زۇنۇ يوللىغان ۋاقتى 2012-6-3 15:39 كېلىڭ ئۇكام داستىخان ئالماي، يولىڭىزغا پايانداز ... پاياندازغا لايىق ئەمەسمەن ، مۇشۇ سۆزنىڭ ئۆزى كۇپايە، غەم قاپلىغان مىسكىن دىلىمغا ، بەردىلىغۇ مەلھەم شىپايە ؛ ھۆرمەتلىك ئۇستاز ،ئىسىل تېمىلىرىدىن ھۇزۇر ئېلىش بىلەن بىرگە كەمتەرلىكلىرىدىن سۈيۈندىم؛ ئۇلۇغ ئاللا سىلىنى ساق- سالامەت قىلغاي !

ئابدۇرېھىم زۇنۇ · ۋاقتى: 2012-6-5 11:28:32


	SABA01 يوللىغان ۋاقتى 2012-6-4 16:03 پاياندازغا لايىق ئەمەسمەن ، مۇشۇ سۆزنىڭ ئۆزى كۇپايە، ... ئۇكام سابا، رەھمەت! ئەگەر كېلەيچۇ دېسىڭىز، شارائىتىڭىز بولسا كېلىڭ، پىكىرلىشىمىز...

ئابدۇقادىر. م · ۋاقتى: 2012-6-5 14:46:02


	ئابدۇرېھىم زۇنۇ يوللىغان ۋاقتى 2012-6-5 11:28 ئۇكام سابا، رەھمەت! ئەگەر كېلەيچۇ دېسىڭىز، شارائى ... رەھمەت ئۇستاز ؛مەنمۇ خۇتەنلىك ،دادام سىلىنى بەكلا ماختىغان ؛ ئاللا خالىسا تەتىلدە ئۆزلىرىنى ئىزدەي؛ دادام پىكىرلىشپ تۈگىتەلمىگەنلەرنى داۋاملاشتۇرۇپ قالالىسام ئەجەپ ئەمەس؛

ئابدۇرېھىم زۇنۇ · ۋاقتى: 2012-6-6 00:00:57


	SABA01 يوللىغان ۋاقتى 2012-6-5 14:46 رەھمەت ئۇستاز ؛مەنمۇ خۇتەنلىك ،دادام سىلىنى بەكلا ما ... ئۇكام سابا، مەن سىزنىڭ خوتەنلىك ئىكەنلىكىڭىزنى بىلگەن. ئەمما، ئوقۇيدىغانلىقىڭىزنى بىلىمىگەنىدىم. ئەمدى ئېنىق بولدى. تەتىل قويۇپ بەرگۈچە بۇ مەۋھۇم دۇنيادا بولسىمۇ كۆرۈشۈپ تۇرايلى. ئامان بولۇڭ! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2012-6-6 00:02

ئابدۇقادىر. م · ۋاقتى: 2012-6-6 00:16:08


	ئابدۇرېھىم زۇنۇ يوللىغان ۋاقتى 2012-6-6 00:00 ئۇكام سابا، مەن سىزنىڭ خوتەنلىك ئىكەنلىكىڭىزنى بىلگ ... بۇلىدۇ ،ئۇستاز ؛يازغۇچىلار تورىغا ئەزا بولغىنىمغا بەكلا رازى بولدۇم ؛چۈنكى سىلى بىلەن تۇنىشىۋالدىم ؛

ئابدۇرېھىم زۇنۇ · ۋاقتى: 2012-6-6 11:37:59


	SABA01 يوللىغان ۋاقتى 2012-6-6 00:16 بۇلىدۇ ،ئۇستاز ؛يازغۇچىلار تورىغا ئەزا بولغىنىمغا بە ... مېنى چوڭ كۆرگىنىڭىز ئۈچۈن رەھمەت!

ئابدۇرېھىم زۇنۇ · ۋاقتى: 2012-6-7 13:39:31


	SABA01 يوللىغان ۋاقتى 2012-6-6 22:54 سىلى شۇنىڭغا لايىق ئۇستاز ؛ رەھمەت! بېيجڭدىكى كۈنلىرىڭىز شادلىق ئىچىدە ئۆتكەي! ئەلنىڭ ياراملىق ئوغلانى بولىشىڭىزغا تىكداشمەن.

ئابدۇقادىر. م · ۋاقتى: 2012-6-7 13:46:37


	ئابدۇرېھىم زۇنۇ يوللىغان ۋاقتى 2012-6-7 13:39 رەھمەت! بېيجڭدىكى كۈنلىرىڭىز شادلىق ئىچىدە ئۆتكەي! ... ئۇستازنىڭمۇ كۈنلىرى شادلىق ئىچىدە ئۆتكەي ؛ رەھمەت ئۇستاز ،مەنمۇ تىرىشىپ سىلى كۈتكەن يەردىن چىقىشقا ،ئانا يۇرت ۋە خەلقىمنىڭ ياراملىق ئوغلى بۇلۇشقا تىرىشىمەن ؛

ئابدۇقادىر. م · ۋاقتى: 2012-6-7 13:48:36


	شۇنداقلا ئۇستازنىڭ ياردەملىرىنى ئايىماسلىقىنى تۆۋەنچىلىك بىلەن سورايمەن ؛