| خوتەن ۋىلايىتىدىكى قارىقاش دەرياسىغا تۇيۇقسىز كەلكۈن كەلدى |
جۇڭگو خەۋەرلەر تورىنىڭ 22-ئىيۇل ئۈرۈمچىدىن يوللىغان تېلگىراممىسى:
22-ئىيۇل سەھەر سائەت 2:7 ئۆتكەندە، شىنجاڭ ئۇيغۇر ئاپتونۇم رايونى خوتەن ۋىلايەتلىك جامائەت خەۋىپسىزلىك ئوت ئۆچۈرۈش تارماق ئەتىرىتى قارىقاش ناھىيىلىك ئوت ئۆچۈرۈش ئەتىرىتى ناھىيىلىك جامائەت خەۋىپسىزلىك ئىدارىسى 110 قوماندانلىق مەركىزىنىڭ بۇيرۇقىنى تاپشۇرۋالدى. قارىقاش دەرياسى كۆۋرۈكىنىڭ جەنۇب تەرىپىگە 500 مېتىر كىلىدىغان رايونىدا تۆت نەپەر ئادەم كەلكۈندە قاپسىلىپ قالغان بولۇپ، ئەھۋال ئىنتايىن خەتەرلىك ئىدى. بۇ مەلۇماتنى تاپشۇرۋالغاندىن كېيىن، قارىقاش ھىيىلىك جامائەت خەۋىپسىزلىك ئىدارىسى ناھىيىلىك ئوت ئۆچۈرۈش ئەتىرىتىدىكى بارلىق خادىملارنى باشلاپ، نەق مەيدانغا كىلىپ قۇتقۇزۇش ئېلىپ باردى.
سەھەر سائەت 2:14 تە، قۇتقۇزۇش ئەتىرىتى نەق مەيدانغا يىتىپ كەلدى. قارىقاش دەرياسىغا كەلكۈن كەلگەن بولۇپ، قارىقاش دەرياسى كۆۋرۈكىنىڭ جەنۇبىغا 500 مېتىر كېلىدىغان ئورۇندا قىرغاق بىلەن بولغان ئارلىقى 30 مېتىر كېلىدىغان ئورۇندا بىر پىكا ماشىنا بار بولۇپ، كۈلكۈن ماشىنىنىڭ يېرىمىنى بېسىپ كەتكەن ئىدى. تۆت نەپەر ئادەم دەريانىڭ ئوتتۇرسىدىكى پىكا ماشىنىنىڭ ئۈستىگە چىقىۋالغان بولۇپ، قۇتقۇزۇش تەلەپ قىلىۋاتاتتى. كەلكۈن سۈيى بارغانسېرى ئۇلغىيىۋاتقان بولۇپ، قاپسىلىپ قالغان بۇ تۆت كىشىنى ھەرۋاقىت ئېقىتىپ كېتىش ئېھتىماللىقى بار ئىدى.
قۇتقۇزۇش خادىملىرى توم ئارقان بىلەن بۇ تۆت نەپەر كىشىنى باغلاپ، كۈرەكلىك ئېلېۋاتۇرغا ئولتۇرغۇزۇپ، بىخەتەر قىرغاققا ئېلىپ چىقتى. كەينىدىن كەلكۈندە قاپسىلىپ قالغان پىكا ماشىنىنى باغلاپ قىرغاققا چىقاردى. سەھەر سائەت 2:48 دە، قۇتقۇزۇش خادىملىرى بۇ تۆت نەپەر كىشىنى ۋە پىكا ماشىنىنى بىخەتەر قۇتقۇزىۋالدى.
ئىگىلىشىمىزچە، بۇ تۆت نەپەر كىشى بىر ئائىلە كىشىلىرى بولۇپ، ئىككىسى ئائىلە باشلىقى، ئىككىسى ئۇلارنىڭ باللىرى ئىكەن. 21-ئىيۇل كەچتە ھاۋا بەك ئىسسق بولغاچقا، بىر ئائىلە كىشىلىرى ماشىنىلىق قارىقاش دەرياسىدىكى بىر كىچىك ئارالدا ئارام ئالماقچى بولغان. بۇ ۋاقىتتا تۇيۇقسىز كەلكۈن كېلىپ كىتىپ، كەلكۈندە قاپسىلىپ قالغان.
| [ئاپتورى: مەنبەسى: ۋاقتى: 2011/7/25 15:57:06 ئۇقۇلۇشى: 682 قېتىم] |
|
