بالامنى ئېلىپ ئويۇنچۇق سېتىۋالغىلى چىققان ئىدىم، ئويلىمىغان يەردىن بىر توپ يالىڭاچ ئويۇنچۇقلارنى كۆرۈپ قالدىم-دە، بالامنى ئېلىپ كېتىپ قالدىم، دىدى بىر ئائىلە باشلىقى. بۇ ۋەقە 21-فېۋرال چۇڭچىڭدىكى بىر مال سېتىۋېلىش مەيدانىدا يۈز بەرگەن.
مۇخبىر بۇ سودا ساراينىڭ ئىككىنچى قەۋىتىدىكى بىر ئويۇنچۇق ساتىدىغان دۇكاندا، يالىڭاچ قىزلارنىڭ ئويۇنچۇقلىرىنى خېرىدارلار كۆرىدىغان جايلارغا تىزىپ قويغانلىقىنى، بۇ يەردىن ئۆتكەن بىر نەچچە ئاتا-ئانىنىڭ باللىرىنىڭ كۆزىنى ئېتىۋالغانلىقىنى كۆرگەن.
مۇشۇنداق يېرىم-يالىڭاچ ئويۇنچۇقلار بالىلارنىڭ ساغلام ئۆسۈپ يېتىلىشىگە قانچىلىق زىيانلىق ھە! چۇڭچىڭلىق شەھەر ئاھالىسى ساۋ شياڭفۇ ئاچچىقلانغان ھالدا مۇنداق دىدى، بۈگۈن مەن 13 ياشلىق ئوغلۇم بىلەن 11 ياشلىق جىيەن ئوغلىنىڭ «يالىڭاچ ئويۇنچۇق» قا قاراپ بىر نىمىلەرنى دەپ كۈلىۋاتقانلىقىنى كۆرۈپ، ناھايىتى ئەنسىرىدىم»
بۇ دۇكاننىڭ مال ساتقۇچىسىنىڭ مۇخبىرغا دىيىشىچە، بۇ دۇكاننى ئاچقىلى بىر ئايدىن ئاشقان بولۇپ، يالىڭاچ ئويۇنچۇقلارنى ئاساسەن چوڭلارغا ساتىدىكەن، لىكىن بۇ «قىز» لارنىڭ يەنە خېلى كۆپ خېرىدارى 10 نەچچە ياشلىق بالىلار ئىكەن. بۇ مال ساتقۇچى يەنە، بالىلار مۇشۇنداق يالىڭاچ ئويۇنچۇقلارنى تۇغۇلغان كۈن سوۋغىسى قىلىشنى ياخشى كۆرىدۇ، بۇلارنى ئاساسەن ئوغۇللارغا سوۋغا قىلىدۇ، دىگەن.
چۇڭچىڭ سودا-سانائەت ئۇنىۋېرسىتېتىنىڭ ئوقۇتقۇچىسى لياۋ كەينىڭ دىيىشىچە، ئويۇنچۇقنىڭ ئۆزىمۇ بىر خىل روھىي مەزمۇننى ئۆز ئىچىگە ئالىدىغان بولۇپ، يالىڭاچ ئويۇنچۇقلار «جىنسىيەت» بىلەن مۇناسىۋەتلىك مەزمۇننى ئۆز ئىچىگە ئالىدىكەن، بۇ بالىلارنىڭ فىزىئولوگىيىلىك ۋە پىسخولوگىيەلىك يېتىلىشىگە كۈچلۈك تەسىر قىلىدىكەن، ھەتتا جەمئىيەت مۇقىملىقىمۇ يوشۇرۇن خەۋپ ئاستىدا قېلىشى مومكىن ئىكەن. بىر ئائىلە باشلىقى بولۇش سۈپىتى بىلەن، لياۋ كەي مۇئەللىم ئويۇنچۇق زاۋۇتلىرىنىڭ بالىلارنىڭ ئەقلىي ئىقتىدارىنى ئېچىشقا پايدىلىق بولغان ئويۇنچۇقلارنى كۆپلەپ ئىشلەپچىقىرىشىنى، بالىلارنىڭ «بۇلغۇنۇش» تىن يىراق تۇرۇشىنى ئۈمىد قىلغان.