رىيتىر ئاگېنتلىقىنىڭ خەۋىرىگە قارىغاندا، ئامېرىكىنىڭ بىر داڭلىق ئىقتىسادشۇناسى تۈنۈگۈن جۇڭگو چوڭ كۆلەمدە پېرېۋوت بازىرىغا ئارىلىشىدۇ، ئېھتىمال تارىختىن بۇيان ئەڭ ئېغىر سودا قورۇقچىلىقى قىلغان دۆلەت بولۇشى مومكىن ،-دېدى.
ئامېرىكا پىتىرسۇن خەلقئارا ئىقتىساد تەتقىقات ئورنىنىڭ باشلىقى فىرد بېرگستېن (弗雷德・伯格斯滕) ، «جۇڭگو ئەڭ كەمدە 5يىل ئىچىدە چوڭ كۆلەمدە پېرېۋوت بازىرىغا ئارىلاشتى، ھەر كۈنى ئاز دېگەندە 1مىليارد سېتىۋېلىپ، ئامېرىكا دوللىرىنىڭ كۈچىيىشى ۋە خەلق پۇلىنىڭ ئاجىزلىشىشىغا كاپالەتلىك قىلدى. » دەپ كۆرسەتتى.
ئۇنىڭ بىلدۈرۈشىچە: «بۇ ئىككىنچى دۇنيا ئۇرۇشىدىن ھازىرغىچە ھەتتا ئېھتىمال تارىختىن بۇيان دۇنيادىكى ھەر قايسى دۆلەتلەر ئارىسىدىكى ئەڭ زور كۆلەملىك سودا قورۇقچىلىق ھەرىكىتى ئىكەن.»
بېرگستېننىڭ مۆلچەرىچە، جۇڭگونىڭ پېرېۋوت بازىرىغا قول تىقىشى ئاز دېگەندە دوللارنىڭ خەلق پۇلى پېرېۋوتىنىڭ ئايرىۋاشلىنىشىنى %20تۆۋەن مۆلچەرلىتىپ قويغان.
ئۇنىڭ كۆرسىتىشىچە بۇنداق قىلىش «جۇڭگونىڭ بارلىق ئېكسپورت قىلىدىغان تاۋارلىرىغا %20تولۇقلىما بىلەن تەمىنلەش، ئىمپورت قىلىدىغان بارلىق تاۋارلاردىن ھېسابتىن تاشقىرى %20تاموژنا بېجى ئېلىش»قا تەڭداش كېلىدىكەن.
بېرگستېن ئامېرىكا مالىيە مىنىستىرلىقىنىڭ رەسمىي ھالدا جۇڭگونى پېرېۋوت نىسبىتىنى تىزگىنلىگەن دۆلەت دەپ بېكىتىشىنى ئىلگىرى سۈرگەن، ئەمما ئوباما ھاكىمىيەت يۈرگۈزگەندىن بىرى ئامېرىكا تەرەپ ھېلىمۇ بەش قېتىم بۇنداق تەكلىپنى رەت قىلغانىدى.
بېرگستېن يەنە ئۇنىڭدىن باشقا بىر قاتار ئىنكاس قايتۇرۇش ئۇسۇللىرىنى تەكلىپ ئەتتى. مەسىلەن، ئامېرىكا جۇڭگونىڭ پېرېۋوت بازىرىغا ئارىلاشقانلىقىنى دۇنيا سودا تەشكىلاتىغا ئەرز قىلىش، ئەگەر غەلىبە قىلسا، جۇڭگونىڭ ئامېرىكا بازىرىغا كىرىشىگە قاتتىق چەكلىمە قويۇش.
ياكى « <قارشى تۇرۇش خاراكتېرلىك پېرېۋوت نىسبىتىگە ئارىلىشىش>نى ئىشلىتىپ، جۇڭگونىڭ خەلق پۇلىنى سېتىۋېلىپ، جۇڭگو تەرەپنىڭ ئامېرىكا دوللىرى سېتىۋېلىپ پېرېۋوت نىسبىتىگە پەيدا قىلغان تەسىرىنى يوقىتىش.
بېرگستېن 1969~1981-يىلىغىچە ئاقساراي ۋە مالىيە مىنىستىرلىقىدا كۆپ خىل ۋەزىپىلەرنى ئۆتىگەن بولۇپ، ئۇزاقتىن بۇيان ئىزچىل جۇڭگونىڭ تاشقى پېرېۋوت سىياسىتىنى تەنقىد قىلغۇچى ئىدى.