| «شادىمان يىگىت ئاۋازى» ساختا ئايالنى كۈتىۋالدى |
ئۈرۈمچى لىنيىسى خەۋرى، 29-ئاپرېل ئۈرۈمچىدە ئۆتكۈزۈلگەن «شادىمان يىگىت ئاۋازى» تېمىسىدىكى ناخشىچىلارنى تاللاش، تىزىملىتىش پائالىيىتىدە نۇرغۇن تالانتلىق ياشلار ئۆزىنىڭ تالانتىنى نامايەن قىلدى. بۇلارنىڭ ئارىسىدا كىشىلەرنىڭ دىققىتىنى تارتقىنى ئۆزىگە لى لى دەپ ئىسىم قويۇۋالغان يىگىت بولۇپ، بۇ يىل 25 ياشقا كىرگەن بۇ «قىز» نىڭ بوي ئىگىزلىكى 175 سانتىمېتىر، بەدەن ئېغىرلىقى 62 كىلوگىرام كېلىدۇ. ئۇ سەھنىگە قىزلارچە كىيىنىپ چىققان بولۇپ، ھىچكىممۇ ئۇنىڭ يىگىت ئىكەنلىكىنى بىلمىگەن.
«لى لى» مۇخبىرنىڭ زىيارىتىنى قۇبۇل قىلغاندا، ئۇ ئۆزىنىڭ بىر قاۋاقخانىدا قىزبالىچە ياسىنىپ ناخشا ئېيتىدىغانلىقىنى، ئۆزىنىڭ قىز دوستىنىڭمۇ بار ئىكەنلىكىنى ئېيتقان. ئۇ يەنە مەن بىر ھەقىقىي ئەركەك، قىز دوستۇم بولسا سېستىرا ئۇ مېنى بەك ياخشى كۆرىدۇ، مەيلى مەن قانداقلا ياسىناي ئۇ مىنى چۈشىنىدۇ، دېگەن. «لى لى» 19 يېشىدىن باشلاپلا قىز بالىلارنى دوراپ ناخشا ئېيتىشنى ئويۇن قاتارىدا كۆرۈپ ئېيتىپ يۈرگەن بولۇپ، كېيىن ئۆزىنىڭ بۇ جەھەتتىكى ئالاھىدىلىكىنى بايقاپ، رېستۇرانلاردا قىزبالىچە ياسىنىپ، قىزلارنى دوراپ ناخشا ئېيتقان. ئۇ مەن پەقەت كېچىسى خىزمەت ۋاقتىمدىلا قىزبالىچە ياسىنىمەن، كۈندۈزى بولسا يەنىلا ئوغۇل بالىدەك يۈرىمەن،دېگەن.
«لى لى» بۇ قىتىمقى پائالىيەتتە باھالىغۇچىلارنىڭ تەستىقىدىن ئۆتۈپ تاللاندى. ئۇ يەنە مىنىڭ بۇ قىتىمقى پائالىيەتكە قاتنىششىم باشقىلارنىڭ نەزىرىنى تارتىش ئەمەس، بەلكى ئۆز تالانتىمنى نامايەن قىلىش، شىنجاڭدا مەن تونۇيدىغان يەنە تۆت-بەش ئەتراپىدا قىزلارنى دوراپ ناخشا ئېيتىدىغان يىگىتلەر بار، مەن ئۇلارنى توغرا چۈشىنىمەن، دېدى.
مەنبە:ئۈرۈمچى لىنيىسى
2010-يىلى30-ئاپرېل
| [ئاپتورى: مەنبەسى: ۋاقتى: 2010-5-1 20:26:27 ئۇقۇلۇشى: 24302 قېتىم] |
|
