يېڭى يىلنىڭ دەسلىپىدە، مەركىزى تېلېۋىزىيە ئىستانسىسى خەلق سارىيىدا ئىككىنچى قېتىملىق جۇڭگو ناھىيە رايونلار ئىقتىسادىي تەرەققىيات يۇقىرى قاتلام مۇنبىرى ئۆتكۈزىدۇ. مەلۇماتلارغا قارىغاندا، پۈتۈن مەملىكەتتىكى 100 ناھىيە ( شەھەر ) پارتكوم شۇجىلىرى بېيجىڭغا يىغىلىپ، دۆلەتلىك تەرەققىيات ئىسلاھات كومىتېتى، يېزا-ئىگىلىك مىنىستىرلىقى، سودا ئىشلار مىنىستىرلىقى قاتارلىق ئاساسلىق تارماقلارنىڭ رەھبەرلىرى، مۇتەخەسسىسلەر بىلەن بىرلىكتە، 2011-يىلىدىكى ناھىيە رايونلارنىڭ ئىقتىسادىي تەرەققىياتىدىكى تەجرىبىلەرنى خۇلاسىلەپ، «ئون ئىككىنچى بەش يىللىق پىلان» مەزگىلىدىكى جۇڭگو ناھىيە رايونلارنىڭ ئىقتىسادىنى ئىلمىي تەرەققىي قىلدۇرۇش يولىنى مۇھاكىمە قىلىدۇ.

ئەمدىلا ئېچىلغان مەركەزنىڭ يېزىلار خىزمەت يىغىنى مەزكۇر مۇنبەرنىڭ قىزىق نۇقتىسىغا ئايلانغان. سانائەتلەشتۈرۈپ شەھەرلەشتۈرۈش، سوتسىيالىستىك يېڭى يېزا قۇرۇش، دېھقانلارنىڭ شەھەرگە كىرىشى قاتارلىقلارنىڭ ھەممىسى ھەرقايسى جايلارنىڭ قىزىق مۇنازىرە قىلىدىغان تېما بولۇپ قالغان. 2011-يىلى 12-ئاينىڭ 27-كۈنى مەركەزنىڭ يېزىلار خىزمەت يىغىنى ئۆتكۈزۈلگەن، جۇڭگو كوممۇنىستىك پارتىيىسى مەركىزى سىياسىي بيۇروسىنىڭ دائىمىي ھەيئەت ئەزاسى، گوۋۇيۈەننىڭ زۇڭلىسى ۋىن جيا باۋ يىغىنغا قاتناشقان ۋە سۆز قىلغان، ئۇ سۆزىدە سىستېمىلىق ھالدا پارتىيىنىڭ 16- خەلق قۇرۇلتىيىدىن بېرىقى يېزا ئىگىلىكى يېزا تەرەققىياتىدا ئېرىشىلگەن زور نەتىجىلەرنى خۇلاسىلەپ، سانائەتلەشتۈرۈپ شەھەرلەشتۈرۈشنى ئىلگىرى سۈرۈش جەريانىدىكى «ئۈچ يېزا» خىزمىتىنى داۋاملىق ياخشى ئىشلەشكە چىڭ تۇتۇش ئېھتىياجلىق بولغان بىر قاتار چوڭ مەسىلىلەرنى تەپسىلىي بايان قىلىپ، كېلەر يىلىدىكى يېزا-ئىگىلىكى ۋە يېزىلار خىزمىتىنى ياخشى ئىشلەشكە قارىتا تەلەپلەرنى ئوتتۇرىغا قۇيغان. ۋىن جيا باۋ تەكىتلەپ، نۆۋەتتىكى ۋە بۇندىن كېيىنكى بىر مەزگىلدە، دۆلىتىمىز يەنىلا سانائەتلەشتۈرۈپ شەھەرلەشتۈرۈشنىڭ تېز سۈرئەتتە تەرەققىي قىلىش باسقۇچىدا تۇرىدۇ دەپ كۆرسەتكەن. ئىقتىسادىي ئىجتىمائىي تەرەققىياتنىڭ قانۇنىيىتىگە بويسۇنۇپ، دۆلىتىمىزنىڭ ئاساسىي دۆلەت ئەھۋالى يېزا ئىگىلىك ئەھۋالى مەۋقەسىدە تۇرۇپ، سانائەتلەشتۈرۈپ شەھەرلەشتۈرۈش بىلەن يېزا ئىگىلىكنى زامانىۋىلاشتۇرۇشنى تەڭ قەدەمدە راۋاجلاندۇرۇش، سوتسىيالىستىك يېڭى يېزا قۇرۇش بولسا ئىسلاھات ئىشىكنى ئېچىۋېتىش ۋە زامانىۋىلاشتۇرۇش قۇرۇلۇشىنىڭ ئومۇميۈزلۈك چوڭ ۋەزىپىسى.

ئىككىنچى قېتىملىق جۇڭگو ناھىيە رايونلار ئىقتىسادىي تەرەققىياتى يۇقىرى قاتلام مۇنبىرىدە، دۆلەتلىك تەرەققىيات ئىسلاھات كومىتېتى، يېزا ئىگىلىك مىنىستىرلىقى، پەن-تېخنىكا مىنىستىرلىقىنىڭ نوپۇزلۇق ئەمەلدارلىرى ۋە ھەرقايسى جايلارنىڭ مۇتەخەسسىسلىرى يىغىننىڭ روھىغا قارىتا تەھلىل ۋە چۈشەندۈرۈش ئىلىپ بېرىپ، ئاساسىي قاتلاملارنىڭ مەركەزنىڭ روھىنى تېخىمۇ ياخشى چۈشىنىشىگە بىرلىكتە پىلانلاپ يېڭى بىر يىلدىكى يېزا خىزمىتىنى ياخشى ئىشلىشىگە ياردەم قىلىدۇ.