مەنبە: finance.qq.com

شىنخۇا ئاگېنتلىقى تېلېگراممىسى، 1-ئاينىڭ 16-كۈنى نەشردىن چىققان بۇ يىلقى 2-سان « ھەقىقەت» ژۇرنىلىدا جۇڭگو كوممۇنىستىك پارتىيىسى مەركىزى كومىتېتى سىياسىي بيۇروسىنىڭ دائىمىي ھەيئەت ئەزاسى، گوۋۇيۈەننىڭ زۇڭلىسى ۋىن جياباۋنىڭ مۇھىم ماقالىسى: «جۇڭگو يېزا ئىگىلىكى ۋە يېزىلارنىڭ تەرەققىيات يولى» ئېلان قىلىنغان. ماقالىدە ئاساسلىق قىلىپ يېزا ئىگىلىكى ۋە يېزا تەرەققىياتىدا زامانىۋى يېزا ئىگىلىكى، يېڭى يېزا قۇرۇلۇشى ۋە شەھەر-بازارلاشتۇرۇش قاتارلىق مۇھىم مەسىلىلەرگە ئائىت يېتەكچى ئىدىيە ۋە سىياسىي تەلەپلەر چوڭقۇرلاشتۇرۇلۇپ بايان قىلىنغان.

ماقالىدە مۇنداق كۆرسىتىلگەن، بىزگە ئوخشاش نوپۇس كۆپ دۆلەت، سانائەتلەشتۈرۈپ شەھەرلەشتۈرۈش جەريانىدا يېزا ئىگىلىكنى زامانىۋىلاشتۇرۇشقا ھەرگىزمۇ سەل قارىماسلىقى كېرەك. ئەڭ قاتتىق بولغان تېرىلغۇ يەرنى قوغداش ۋە سۇ مەنبەسىنى باشقۇرۇش تۈزۈلمىسىنى ئىجرا قىلىشنى قەتئىي داۋاملاشتۇرۇپ، يېزا ئاساسلىق مەشغۇلات قىلىش تۈزۈمىنى ئىككىلەنمەي مۇقىملاشتۇرۇش ۋە مۇكەممەللەشتۈرۈپ، يېزا ئىگىلىكى تېخنىكا تەرەققىياتىنى قەتئىي بوشاشماي ئىلگىرى سۈرۈپ، يېزا ئىگىلىكىنى قوللاش ۋە قوغداش كۈچىنى داۋاملىق كۈچەيتىشى كېرەك. كەلگۈسىدە يېزا ئىگىلىكىنىڭ شۇغۇللىنىش شەكلى كۆپ خىللىشىدۇ، لېكىن ئائىلىلەر شۇغۇللىنىش شەكلى ھەرقانداق ۋاقىتتا يەنىلا ئەڭ ئاساسلىق شەكىل ھېسابلىنىدۇ. بىر ئەۋلاد يېڭى دېھقانلارنى تەربىيىلەپ، مەدەنىيەتلىك يېزا ئىگىلىكى تېخنىك ئىقتىدارىغا ئىگە ياش دېھقانلارنى يېزىلاردا قېلىشقا رىغبەتلەندۈرۈپ، يېزا ئىگىلىكىنىڭ ئۇزاق مۇددەتلىك تەرەققىياتىغا كۆڭۈل بۆلۈپ، بىر تۈرلۈك ئاساسلىق مۇھىم قۇرۇلۇش سۈپىتىدە چىڭ تۇتۇش كېرەك.

ماقالىدە ، سوتسىيالىستىك يېڭى يېزا قۇرۇلۇشىنى دۆلىتىمىزنىڭ زامانىۋىلاشتۇرۇش قۇرۇلۇشىنىڭ ئومۇمىي مۇساپىسىدىكى بىر تۈرلۈك مۇھىم ۋەزىپە دەپ قاراش كېرەك. دېھقانلار ئۈچۈن بەختلىك تۇرمۇش، گۈزەل ئائىلە قۇرۇپ بېرىش كېرەك. يېزا قۇرۇلۇشىدا چوقۇم يېزىلارنىڭ ئالاھىدىلىكىنى ساقلاپ قىلىش، دېھقانلار ئىشلەپچىقىرىش تۇرمۇشىغا پايدىلىق بولۇش، يېزا قىشلاق مەنزىرىسى ۋە ياخشى ئېكولوگىيىلىك مۇھىتنى ساقلاپ قىلىش كېرەك. شەھەرلەرنىڭ ئاھالىلەر ئولتۇراق رايونىنى يېزىلارغا ئۆز ئەينى كۆچۈرۈپ كەلمەسلىك ۋە دېھقانلارنىڭ بىنا ئۆيلەرگە چىقىرىشقا مەجبۇرلىماسلىق كېرەك. دۆلىتىمىزنىڭ ئاساسىي ئەسلىھەلەر قۇرۇلۇشىنىڭ مۇھىم نۇقتىسىنى يېزىلارغا قويۇشتا ئۇزۇن مۇددەت چىڭ تۇرۇش كېرەك، دەپ كۆرسىتىلگەن.

ماقالىدە يەنە مۇنداق كۆرسىتىلگەن، يەرنى ھۆددىگە ئىلىپ باشقۇرۇش ھوقۇقى، تۇرالغۇ يەردىكى ئېتىز ۋە ئۆيلەرنى ئىشلىتىش ھوقۇقى، كوللېكتىپ پايدىنى تەقسىم قىلىش ھوقۇقى قاتارلىقلار بولسا قانۇندا بەلگىلەنگەن دېھقانلارنىڭ مال-مۈلۈك ھوقۇقى بولۇپ، مەيلى دېھقانلار مۇشۇ ھوقۇقلارنى ئاساسىي كاپالەت قىلىشقا ئېھتىياجلىق بولسۇن ياكى بولمىسۇن، مەيلى ئۇلار يېزىدا تۇرسۇن، ياكى شەھەرگە كىرىپ كەتسۇن، ھەرقانداق كىشىنىڭ ئۇلارغا دەخلى-تەرز قىلىشقا ھوقۇقى يوق. كوللېكتىپ يەرنى يىغىۋېلىش تۈزۈلمە ئىسلاھاتىنى ئىلگىرى سۈرۈشنىڭ ھالقىسى دېھقانلارنىڭ يەر مۈلۈك ھوقۇقىغا كاپالەتلىك قىلىش، يەرلەرنىڭ تېرىلغۇسىزلاشتۇرۇش ۋە شەھەرلەشتۈرۈپ ئىشلەپچىقىرىشنىڭ قۇشۇمچە قىممەت پايدىسىنى ياخشى تەقسىم قىلىشتىن ئىبارەت.