چەتئەل ئاخبارات ۋاستىلىرىنىڭ دىيىشىچە،ئامىرىكا زوڭتۇڭ سايلىمىغا يەنە يىرىم يىلدىن ئارتۇق ۋاقىت بولسىمۇ،ئەمما گۇگېل ئاللىقاچان ئامىرىكا زوڭتۇڭ سايلىمى توربىتىنى ئوتتۇرىغا چىقاردى.

ئامىرىكا زوڭتۇڭ سايلىمى 2012-يىلى11-ئاينىڭ 6-كۈنى ئېلىپ بىرىلىدىغان بولۇپ،گۇگېل شىركىتى سايلام گۇرۇپپىسىدىكى Eric Hysen شىركەت بىلوگىدا، گۇگېلنىڭ مۇشۇ دۈشەنبە كۈنى سايلامغا بىلەت تاشلاش بىتىنى ئوتتۇرىغا چىقارغانلىقىنى، ئامىرىكا پۇقرالىرىنىڭ بۇ يەردە توردا سايلام ئىلىپ بىرىش ھەركىتىگە ئالاقىدار بىلىملەرنى ئۈگىنەلەيدىغانلىقىنى،سايلام ئىشلىرىدىن خەۋەر تىپىپ تۇرالايدىغانلىقىنى ۋە سايلامغا قاتنىشالايدىغانلىقىنى جاكارلىغان.

گۇگېل سايلام مەركىزى تورىنىڭ ئادرىسى google.com/elections بولۇپ،كىشىلەر بۇ يەردە ئوخشىمىغان نامزاتلار ياكى ئوخشىمىغان مەسىللەر بىلەن تونۇشۇپ،مۇلاھىزە قىلالايدىكەن،بۇندىن باشقا،Trend(يۈزلىنىش) دىگەن تاللاش تىزىملىكى ئارقىلىق نامزاتلارنىڭ گۇگېل ئىزدەش ماتورى،گۇگېل خەۋەر تورى ۋە گۇگېلنىڭ ۋىدىئو تورى بولغان Youtube لاردىكى كۆرۈلۈش نىسبىتىنى بىلىپ تۇرالايدىكەن.بۇ بەتتە يەنە On The Ground (نەق مەيدان ) دىگەن تىزىملىكمۇ قوشۇلغان بولۇپ،بۇ گۇگېل خەرىتە ئىقتىدارى ئارقىلىق ھەرقايسى جايلاردا يۈز بىرىۋاتقان سىياسىي مەسىللەردىن خەۋەردار بولۇپ تۇرالايدىكەن.

Eric Hysen مۇندق دەيدۇ:

شەك-شۈبھىسىزكى،2012-يىللىق زۇڭتۇڭ سايلىمى مەزگىلىدە ئىنتېرنېتتا ئېلان قىلىنىدىغان سىياسىي ئۇچۇر،كۆز-قاراش ۋە خەۋەرلەر ھەرقانداق بىر ئاخبارات ۋاسىتىلىرىنىڭكىدىن مول بولىدۇ.