تېڭشۈن تورىنىڭ 12-ئاينىڭ 26-كۈنىدىكى خەۋىرى، «نىيۇيورك ۋاقىت گېزىتى»بۈگۈن «شىمالىي ئامېرىكا رايونىدىكى كىنولارنىڭ بىلەت باھاسى 2011-يىلى كۆرۈنەرلىك تۆۋەنلىدى» دېگەن باش بەت ماقالىسىنى باسقان، ماقالىنىڭ ئاساسىي مەزمۇنى تۆۋەندىكىچە:

ماتېرىياللاردا كۆرسىتىلىشىچە 2011-يىلى شىمالىي ئامېرىكا رايونىدا كىنولارنىڭ ئومۇمىي بىلەت باھاسى ئالدىنقى يىلدىكىگە سېلىشتۇرغاندا تەخمىنەن 500 مىليون ئامېرىكا دوللىرى ئازىيىپ كەتكەن، ھازىرقى ھەرقايسى چوڭ كىنو ئىشلەش شىركەتلىرى يۇقىرىقى بىنورمال ئەھۋال ئۈستىدە تەتقىقات ۋە مۇھاكىمە ئىلىپ بارماقتا.

مەلۇم بىر كۆز قاراشدا مۇنداق كۆرسەتكەن، كىنوچىلىق ساھەسى بىر تىپىك دەۋرىلىككە ئىگە كەسىپ، 2010-يىلى شىمالىي ئامېرىكا رايونىدىكى بىلەت باھاسىنىڭ قاتتىق ئۆرلەپ كېتىشىنىڭ ئەڭ چوڭ سەۋەبى بولسا « ئاۋاتار» فىلىمىنىڭ كىشىنى قايىل قىلارلىقى ۋە جەلپ قىلارلىقى بولغان، كىنو بىلەت باھاسىنىڭ تۇراقلىق ھالدا ئۆسۈپ بېرىشى ھەرقايسى تەرەپلەرنىڭ كىنوچىلىق ساھەسىگە سالغان مەبلىغىنى تېخىمۇ كۆپەيتىۋىتىشى تۇرغانلا گەپ. Hollywood.com تورىنىڭ بىلەت باھاسىغا قارىتا ئىلىپ بارغان ستاستىكىلىق تەھلىلىدىن قارىغاندا، 2011-يىلى شىمالىي ئامېرىكا رايونىدىكى بىلەت كىرىمى 10 مىليارد 100 مىلىيون ئامېرىكا دوللىرى بولۇشى مۆلچەرلەنگەن.

تىلغا ئىلىشقا ئەرزىيدىغىنى، 3D كىنو 2011-يىلىدىكى بىلەت باھاسىنىڭ ئېشىشىنىڭ كاپالىتى بولۇپ قالغان. 3D كىنوسىنى ئىشلەشكە كىتىدىغان مەبلەغ ناھايىتى كۆپ بولغانچقا، ھەربىر كىنو بىلىتى باھاسىنىڭ ئازدىگەندىمۇ 3 ئامېرىكا دوللىرىدىن 5 ئامېرىكا دوللىرىغىچە بولغان قىسمى كىنو ئىشلەش تەننەرخىگە كىرگۈزىۋىتىلگەن. ئۆتۈپ كەتكەن 12 ئاي ئىچىدە، كىنو ئىشلەش شىركەتلىرى جەمئىي 40 3D كىنونى ئىشلەپ بازارغا سالغان، لېكىن ئالدىنقى يىلى بۇ سان ئارانلا 24 ئىدى.