80- يىللارنىڭ بالىلىرىنى 90- يىللارنىڭ بالىلىرىغا سېلىشتۇرغاندا، ئەڭ زور بەخت ھېس قىلىدىغىنىمىز بەلكىم بالىلىقىمىزغا ھەمراھ بولغان چەتئەللنىڭ نادىر كارتون فىلىملىرى بولسا كېرەك. بىچچارە ئۇكىلىرىمىز 喜洋洋 نىڭ ئەسقاتماس ئەقلىگە مەپتۇن بولدىكى، تام بىلەن جېررينىڭ چەبدەسلىكىدىن ھوزۇرلىنالمىدى. 图图 دىگەن مازغا مەجىبۇرى كۈلۈمسىرىدىكى، ماركونىڭ ئانا مېھرى ئۈچۈن تارتقان ئاسارەتلىرىدىن خەۋەرسىز قالدى. ئېسىت دىمەي نىمە ئامال، ئىشقىلىپ بىز قانچە چوڭ بوپ كەتسەكمۇ كارتون كۆرۈشنى داۋاملاشتۇرىمىز.

20- ئەسىر فوكىس شىركىتى بىلەن dream works _ 梦工厂 بىرلىشىپ ئىشلىگەن ئەڭ يېڭى كارتون فىلىم  «كرۇدىس جەمەتى» نىڭ تەشۋىقان فىلىمى يىقىندا ئېلان قىلىندى. مىلادىدىن بۇرۇنقى ئۆڭكۈر ئادەملىرى ھەققىدە ئىشلەنگەن بۇ كارتون فىلىم يۇقىردىكى ئىككى ماگىناتنىڭ 2015- يىلىغىچە بولغان ھەمكارلىق پىلانىدا ئېلان قىلماقچى بولغان كارتون فىلىمنىڭ بىرسى بولۇپ، ھەتتا ھوللىيۋودنىڭ داڭلىق ئارتىسلىرىدىن نىكولاس قاتارلىقلارنى ئاۋاز بېرىشكە تەكلىپ قىلغان. قارىغاندا 2013- يىلى ئېلان قىلىنىدىغان بۇ كارتون فىلىم بىزنى قاتتىق تەقەززا قىلىدىغاندەك تۇرىدۇ.

«كرۇدىس جەمەتى» ۋەقەلىكى ھەققىدە :

بىر قېتىملىق قاتتىق يەر تەۋرەشتىن كېيىن، ئۆڭكۈر ئادەملىرى يۇرت ماكانىدىن ئايرىلىدۇ ۋە يېڭى ماكان تىپىشقا مەجبۇر بولىدۇ. شۇنىڭ بىلەن قەبىلە باشلىقى Crug جەمەتىدىكىلەرنى باشلاپ يېڭى ماكان ئىزدەش سەپىرىنى باشلايدۇ. سەپەر جەريانىدا ئۇلار بىر كۆچمەن ئوۋچى قەبىلىگە يولۇقىدۇ. ئۇلارنىڭ ئۆڭكۈر ئادەملىرىگە ئوخشىمايدىغان ئىلغار تەپەككۈرى ۋە ئۆزىنى قوغداش تەدبىرلىرى ئۆڭكۈرلۈكلەرنى قايىل قىلىدۇ. ئۇنداقتا بۇ ئىككى قەبىلە ئارىسىدا يەنە نىمە ئىشلار بولىدۇ؟ راس گەپ قىلسام بۇنى مەنمۇ بىلمەيمەن. شۇڭا رەنجىمەي فىلىم ئېلان قىلىنىشىنى كۈتەيلى !