ياز   كۈنلىرىنىڭ  پىژغىرىم ئىسسىقىدا، توسۇلۇپ كەتكەن ماشىنىلارغا قاراپ تازا ئىچى سىقىلغان ۋىروسجان ئامراق iphone ​نى  چىقىرىپ يول ئەھۋالىنى سۈرۈشتە قىلىشقا باشلاپتۇ، ئەمما نەس باسقاندەك كۆرسەتمە بويىچە ماڭغان يولىنىڭ ئەھۋالى ئەسلى يولدىنمۇ پاجىئەلىك چىقىپتۇ. فانتازىيىلىك فىلىمنى جىق كۆرۈپ ئادەتلەنگەن ۋىروسجان بۇ ئەھۋالنىڭ پەقەت بىر تاسادىبىيلىق ئىكەنلىكىگە قەتئى ئىشەنمەپتۇ.شۇنىڭ بىلەن ۋىروسجاننىڭ يېڭى تەتقىقاتى باشلىنىپ كېتىپتۇ…. ئايلار  ئۆتۈپ  يىللار  ئۆتۈپ، ۋىروسجان  ئاخىرى  خاككېرلارنىڭ  پەقەت  ئاددىغىنە  ئۈسكۈنە  ۋە  نورمال مەشغۇلات بىلەنلا Google  خەرىتىسىدىكى يول ئەھۋالنى ئۆزگەرتىش ئارقىلىق، ئەمەلي يول ئەھۋالىنى قالايمىقانلاشتۇرىۋىتەلەيدىغانلىقىنى بايقاپتۇ.

ۋىروسجاندىن بۇرۇن بىر گېرمانىيىلىك تەتقىقاتچى ياۋروپادىكى  BlackHat يىغىنىدا​، خاككېرلارنىڭ قانداق قىلىپ​ پۈتكۈل يەر شارى قاتناش ئەھۋالىنى قالايمىقانلاشتۇرۋىتىدىغىنىنى، ئېقىم مىقدارى ئانالىز سىستېمىسى ئارقىلىق ئۈلگە كۆرسىتىپ بەرگەن بولۇپ، Waze ۋە Google​​  شىركەتلىرىنىڭ ئەقلى ئىقتىدارلىق  يانفونلىرىنىڭ ھەممىسىدە ​يول باشلاش ئىقتىدارى بار بولۇپ، بۇ ئىستىمالچىلارغا  قولايلىق  ئېلىپ كېلىشتىن سىرىت، مەھسۇلات  تەمىنلىگۈچى تەرەپمۇ  خېرىدارلىرىنىڭ يول  باشلاش ئۇچۇرلىرىنى يىغېۋىلىپ شۇ ئارقىلىق قاتناش ئەھۋالىنى ئانالىز قىلىدىكەن.پەقەت  يانفون  سىستېمىسىغا  ئىستىمالچىلار مەخپىيەتلىكى ۋە  سانلىق  مەلۇماتلارنى  توپلاش تەڭشىكى ئورنىتىلغان  بولسىلا ، خاككېرلار يول  باشلاش يۇمشاق دېتالى  ئارقىلىقلا قاتناش ئەھۋالىنى تەھلىل قىلىش سېستىمىسدا  مەۋجۈت  بولمىغان  ئۇچۇرلارنى تارقىتالايدىكەن-دە ، شوپۇرلارنى تۇيۇق يولغا باشلاپ، يالغان توسۇلۇش ئۇچۇرى بىلەن ھەقىقى   توسۇلۇشنى كەلتۈرۈپ چىقىرىپ، ئەسلى ئازادە يوللارنى بىردەمدىلا ماشىنا دېڭىزىغا ئايلاندۇرىۋىتەلەيدىكەن.

ھامبىروگ پەن-تېخنىكا ئۇنۋېرسىتىتى تەقسىملىمە قوللىنىش تەتقىقات مەركىزىنىڭ دوكتۇرى Tobias Jeske​  نىڭ دىيىشىچە، ​
ھېچقانداق ئالاھىدە ئۈسكۈنە ئىشلەتمەيمۇ بۇ مەشغۇلاتنى ئېلىپ بارغىلى، ھەتتا پۈتكۈل يەر شارىنىڭ قاتناش ئۇچۇرلىرىنى كونترول قىلغىلى بولىدىكەن.​    ئۇنىڭ دىيىشىچە،​ Waze ۋە Google​ لار​  Wi-Fi​  ئارقىلىقمۇ ئورۇن بېكىتەلەيدىكەن . سىز سىمسىز تورنى ئېچىشىڭىز بىلەن، ئەتراپىڭىزدىكى سىمسىز تور كىرىش ئېغىزى ۋە ئەتراپىڭىزدىكى سىمسىز رايوننىڭ ئۇچۇرىنى ئىگەللىگىلى بولىدىكەن.
Tobias Jeske​ ئاندىروئىد 4.0.4 سېستىمىلىق يانفوندا”ۋاستىچى ھۇجۇم قىلىش”تەجىربىسى ئېلىپ بارغان بولۇپ، يانفون ئىگىسى ۋە ​Google​ ئاخباراتىنىڭ ئارسىغا سوقۇنۇپ كىرىپ، ئالاقىلىشىش مەنبەسىنى كونتىرول قىلىپ، خاتا ئۇچۇرنى كۆزىتىلمىگەن ئەھۋال ئاستىدا نورمال تارقىتىۋەرگەن.(توۋا، دۇنيا قالايمىغان بوپ كەتسىمۇ كىمنىڭ قىلغىنىنى بىلگىلى بولمايدىكەن دىسە) ۋىروسجان بۇ ھەقىقەتنى تونۇپ يەتكەندىن كېيىن تۇيۇقسىز چۆچۈپ كەتكەن، چۈنكى ئۇنىڭ شۇنداق بىر خاككېر  ئاغىنىسى بار بولۇپ، ئىسمى تەدبىركار ئىدى….
سىز  تونۇپ  يەتتىڭىزمۇ  يەتمىدىڭىزمۇ  بىلمىدىم ،  ۋىروسجاننىڭ بېشىغا بالا يەتكەن شۇ كۈنى داڭلىق بىلوگلار  باھالاش مۇسابىقىسىنىڭ مۇكاپات تارقىتىش كۈنى بولۇپ ،  ۋىروسجان  تازا  قاتناش  ئەھۋالىنى  سۈرۈشتۈرىۋاتقاندا،  ئۆزىنىڭ كېچىكىپ قىلىپ مۇكاپاتتىن قۇرۇق قېلىشىدىن  ئەنسىرىگەن  تەدبىركار  كومپىيۇتور  ئالدىدا  بىرنىمىلەرنى قىلىۋاتاتتى…