مەلۇم بىر قىزچاق ئەتراپىدىكىلەرنىڭ ھەممىسىنىڭ قولىدىكى «ئوغۇل دوست» يۇمشاق دېتالىنى «ئەر 1.0»گە كۆتۈرىۋاتقانلىقىنى ئاڭلاپ ئۆزىنىڭمۇ كۆتۈرگۈسى كەپتۇ ۋە مۇناسىۋەتلىك رەسمىيەتلەر بويىچە پروگراممىنىڭ نەشىرىنى يۇقىرى كۆتۈرۈپتۇ. بىراق بۇ يۇقىرى كۆتۈرۈش جەريانى ئۇنچە ئاسانغا توختىمىغان بولۇپ، نەشىر كۆتۈرۈلگەندىن كېيىن يەنە نۇرغۇن Bug لار بايقىلىشقا باشلاپتۇ. شۇنىڭ بىلەن بۇ قىزچاق تېخنىك مۇلازىمغا تۆۋەندىكىدەك بىر پارچە خەت يېزىپتۇ.

ھۆرمەتلىك تېخنىك:

مەن جىددى سىزنىڭ ياردىمىڭىزگە مۇھتاج بولۇپ قالدىم. مەن ئۆتكەن يىلى قولۇمدىكى «ئوغۇل دوست 5.0» يۇمشاق دېتالىنى «ئەر 1.0» گە يېڭىلىغان ئىدىم، مالىيە باشقۇرۇش يۇمشاق دېتالىدا تاساددىپىي ھالدا ئۆزگىرىش بولۇپ قېلىپ، «ئوغۇل دوست 5.0» ۋاقتىدا ئىنتايىن ياخشى قوزغىلىپ خىزمەت قىلىدىغان «گۈل» ۋە «زىبۇ-زىننەت» ئەپلىرىنىڭ خىزمەت قىلىشىدا مەسىلە كۆرۈلدى. ئۇنىڭ ئۈستىگە «ئەر 1.0» سىستېمىسىدا «رومانتىكا 9.9» قاتارلىق پروگراممىلار قاچىلانماپتۇ، ئەكسىچە ئۆز بېشىمچىلىق بىلەن «پۇتبول 11.0» ۋە «ئىقتىساد خەۋەرلىرى 4.5» قاتارلىق ئەپلەر قاچىلىنىپ قاپتۇ. تېخىمۇ چاتاق بولغىنى شۇكى، «پىكىر ئالماشتۇرۇش 8.0» پروگراممىسى ئىلگىرىكىدەك راۋان ئەمەس، يەنە كېلىپ «ئۆي ئىشى 2.6» بارا-بارا سىستېمىنى ئاستىلىتىپ كاردىن چىقىرىش ھالىتىگە ئەكەپ قويۇۋاتىدۇ. مەن «كوتۇلداش 5.3» نى قوزغىتىپ سىناپ باقتىم، بىراق ھېچ بىر ئۈنۈمى بولغاندەك ئەمەس. ھۆرمەتلىك تېخنىك، بولسا ماڭا ياردەم قىلىپ مەسىلىنى ھەل قىلىشىمغا ھەمدەم بولغان بولسىڭىز سىزدىن كۆپ مىننەتدار بولغان بولاتتىم، رەھمەت!

__ ئۈمىدسىزلىك گىرداۋىغا بېرىپ قالغان بىر چوكاندىن

ھۆرمەتلىك ئابونت:

ئالدى بىلەن شۇ ئېسىڭىزدە بولسۇن، «ئوغۇل دوست 5.0» بولسا كۆڭۈل ئېچىش تىپىدىكى بىر يۇمشاق دېتال، ئەمما «ئەر 5.1» بولسا بىر مەشغۇلات سىستېمىسى بولۇپ ھېسابلىنىدۇ. شۇڭا CMD ھالەتتە C:\سەن مېنى سۆيمەس بولۇپ قالدىڭمۇ؟ پروگراممىسىنى قوزغىتىڭ، ئاندىن كېيىن «كۆز يېشى 6.2» نى قاچىلاڭ. مۇشۇنداق قىلسىڭىز بەلكىم «ئەر 1.0» ئاپتوماتىك ھالدا «پۇشايمان قىلىش 3.0» ۋە «گۈل 7.0» ناملىق ئەپنى قوزغىتىشى مۇمكىن. ئەمما ئوشۇقچە ئىشلىتىۋەتسىڭىز، «ئەر 1.0» بەلكىم «سۈكۈت 2.5» ياكى «پىۋا 6.1» نى زاپاس قوزغىلىدىغان پروگراممىلار قاتارىغا كىرگۈزۈپ قويۇشى مۇمكىن. ئەمەلىيەتتە «پىۋا 6.1» بەزى چاغدا يەنە ئاپتوماتىك ھالدا «خورەك تارتىش» قاتارلىق لۈكچەك پروگراممىلارنى قوشۇپ قاچىلىۋالىدۇ. سىزگە تەكلىۋىم، ھەرگىزمۇ «قېيىنئانا 1.0» ياكى باشقا نەشىردىكى «ئوغۇل دوست» يۇمشاق دېتاللىرىنى قاچىلاپ سالماڭ، بۇلارنىڭ ھېچقايسىسىنىڭ سىزگە ياردىمى تەگمەيلا قالماستىن، ھەتتا «ئەر 1.0» نى بۇزغۇنچىلىققا ئۇچرىتىشى مۇمكىن.

ئومۇمەن ئېيتقاندا، «ئەر 1.0» ئىنتايىن ياخشى بىر مەشغۇلات سىستېمىسى بولۇپ ھېسابلىنىدۇ، پەقەت ئىچكى ساقلىغۇچى چەكلىك بولغاچ، يېڭى يۇمشاق دېتاللارغا ماسلىشىپ كېتىشكە بىر ئاز ۋاقىت كېتىدۇ، ناۋادا سىستېمىنىڭ ئىقتىدارىنى يۇقىرى كۆتۈرەي دېسىڭىز، ئەڭ ياخشىسى يېڭى يۇمشاق دېتاللارنى قوشۇڭ، مەسىلەن «لەغمەن 4.2»، «پولو 8.0» ۋە «ئوخشىغان قورۇمىلار» قاتارلىقلار پروگراممىلارنىڭ سىستېمىنىڭ رولىنى تېخىمۇ يۇقىرى ئۈنۈمدە جارى قىلدۇرۇپ بېرەلىشى مۇمكىن.

قوشۇمچە: «قىز دوست7.0» يۇمشاق دېتالىنى «خوتۇن1.0» نەشىرىگە كۆتۈرگەندىن كېيىن چىققان Bug