كۆپ قىسىم كىشىلەرنىڭ نەزىرىدە، كەشپىياتچى ئالىملار= كۆزئەينەك + ئاق خالات + پىروبېركا. ئەلۋەتتە سىز ئۆزىڭىزنىڭ ھازىر بۇنداق قارىمايدىغانلىقىڭىزنى ئوتتۇرغا قويۇشقا ھوقوقلۇق. لېكىن شۇنى كېسىپ ئېيتىشقا بولىدۇكى سىز ھېچ بولمىغاندا بۇرۇن شۇنداق قارايتىڭىز.

ئۆسمۈر باللىلار نەزىرىدىكى ئالىملار

شۇنداق بىر مەنىلىك تەجىربە ئامېرىكىدا ئېلىپ بېرىلغان. بىر يۈرۈش 7- يىللىق ئوقۇغۇچىلىرىنى تەشكىللەپ، دۇنياغا داڭلىقFermilab (ئامېرىكىدىكى موھىم فىزىكا ئىلمى تەتقىقات بازىلىرىنىڭ بىرى) تەجىربىخانىسىنى ئېكىسكۇرىسىيە قىلدۇرىدۇ. ئېكىسكۇرىسىيەدىن بۇرۇن ئوقۇتقۇچى ھەر بىر ئوقۇغۇچىغا ئۆزلىرىنىڭ نەزىرىدىكى «ئالىم»لارنىڭ ئوبىرازىنى قەغەز يۈزىگە سىزىپ چىقىشنى بۇيرۇيدۇ. ئېكىسكورىسىيەدىن كىيىن بولسا، ئۆزى كۆرگەن مەنزىرىگە ئاساسەن يەنە بىر يۈرۈش سىزىپ چىقىشقا تاپشۇرىدۇ. ئاخىرىدا ئۇيۇشتۇرغۇچى تەرەپ ئوقۇغۇچىلار سىزغان ئىككى يۈرۈش رەسىم ۋە ئۇلارنىڭ بايانلىرىنى رەتلەپ تولىمۇ مەنىلىك بولغان خۇلاسە ھازىرلاپ تورغا چىقىرىدۇ. تۆۋەندە ئالدىنقى بىرقانچە ئوقۇغۇچىنىڭ رەسىم ۋە بايانلىرىنى كۆرۈپ باقايلى.

Amanda 

ئېكىسكۇرسىيەدىن بۇرۇن: ئالىملار بولسا ئادەمزات نەشىرىدىكى جىنىس رىكورتى. مەن تېخى بىر ئالىمنىڭ «كىمنىڭ باي بولغۇسى بار» پروگىراممىسىدا (سوئال-جاۋاب خاراكتىرىدىكى تىلىۋىزىيە پىروگىراممىسى) ھەممە سوئالغا توپتوغىرا جاۋاب بېرىپ زور سوممىلىق مۇكاپاتقا ئېرىشكىنىنى كۆرگەن، خۇددى لوغەتتەكلا.

ئىكىسكورسىيەدىن كىيىن: ھەرقانداق كىشى كەشپىياتچى-ئالىم بولالايدۇ. كۆپچىلىكنىڭ تەنتەربىيە ئايىقى بىلەن پادىچىلار ئىشتىنى كىيىپ ئۇيان-بۇيان يۈرگىنىنى كۆردۈم. كىم بىلسۇن، مەنمۇ كەلگۈسىدە داڭلىق ئالىم بولامدىم تېخى.

Amy

ئېكىسكۇرسىيەدىن بۇرۇن: مېنىڭچە ئالىملار خىزمەتنى قېتىرقېنىپ ئىشلەيدۇ. ساراڭلارچە دىسەكمۇ بولا، گەپنى بەك تېز قىلىدۇ. ئۇلارنىڭ مېڭىسىدە توختىماستىن يىڭى تەسسەۋۇرلار پەيدا بولىدۇ. ئاندىن توختىماستىن سوئال سورايدۇ. كىشىنى سەل بىزار قىلىدۇ. باشقىلارنىڭ پىكىرىنى ئاڭلاپ بولۇپ، ئۇلاردىن گۇمانلىنىشقا باشلايدۇ.

ئىكىسكورسىيەدىن كىيىن: ئالىملار ئەمەلىيەتتە بىر توپ ئادەتتىن تاشقىرى خىزمەت قىلىدىغان ئادەتتىكى كىشىلەر. ئىشتىن سىرتقى ۋاقىتتا ئۇرلار خۇددى بىزدەكلا ئاددى تۇرمۇش كەچۈرىدۇ. ئۇلارمۇ بەلكىم ئۇسۇل ئويناشنى، ساپال بۇيۇملارنى، چىنىقىشنى ھەتتا تام توپنىمۇ ياخشى كورىشى مۈمكىن. ئالىم ئەمەلىيەتتە بىر خىزمەت خالاس، شۇ پەقەت بۇ خىزمەت كىشىنى تېخىمۇ ھاياجانغا سالىدۇ.

Andrea

ئېكىسكۇرسىيەدىن بۇرۇن: ئۇلار ھەقىقەتەن بىر توپ دەرىجىدىن تاشقىرى كىشىلەر. چاچلىرى پاخپايغان، رەھىمسىزلەرچە مىيىقىدا كۈلگەن، پەلەي كىيىپ مۇھاپىزەت كۆزئەينىكى تاقىغان. پۈتۈن كۈن خىمىيە تەجىربىخانىسىدىن چىقماي كۈنى ئۆتىدىغان كىشىلەر.

ئىكىسكورسىيەدىن كىيىن: ئالىملار ئۆز كەسپىنى قىزغىن سۆيگۈچىلەر. بالدۇر قوپۇپ خىزمەتكە كېلىش ئۇلارنىڭ شەرىپى. ئەگەركى سىز بىر ئالىم بولسىڭىز، ئۇنداقتا تەكشۈرۈش، ئۈگۈنۈش ۋە ئىلىم دەل سىزنىڭ خىزمىتىڭىز بولىدۇ. بەلكىم بۈگۈن ياكى ئەتە ۋە ياكى كەلگۈسىدىكى مەلۇم بىر كۈندە دۇنيادىكى بەزى ئىلىملەرگە خاتېمە بېرىشىڭىز مۈمكىن.

Ashley

ئېكىسكۇرسىيەدىن بۇرۇن: ئالىملارنىڭ ھەممىسى ئوتتۇر يەر دېڭىزى چاچ پاسونلۇق(ئەمەلىيەتتە بۇنداق چاچ پاسونىنى سىزغانلار ناھايتى ئاز). ئۆزىنىڭ دۇنياسىدا ھايات كەچۈرىدۇ.

ئىكىسكورسىيەدىن كىيىن: بىراۋنىڭ سىرتقى قىياپىتىگە قاراپ باھا بېرىشكە بولمايدۇ. ئالىملار ئەمەلىيەتتە ئالىملارمۇ ھەرخىل بولىدۇ. ئەر-ئايال، خىمىيەئالىمى، فىزىكا ئالىمى، بىئولوگىيە ئالىمى قاتارلىق..

خۇلاسە كالام شۇكى، باللارنىڭ ئالىملارغا بولغان قارىشىدا زور ئۆزگىرىش بولدى. مەزكۇر ماقالىدىكى سىتاستىكىغا ئاساسلانغاندا، %94 ئوقۇغۇچى Before(ئېكىسكۇرسىيەدىن بۇرۇنقى)دا ئاق خالاتلىق كىشىلەرنى سىزغان. After (ئېكىسكۇرسىيەدىن كىيىنكى)دا بولسا بۇ نىسپەت ئاران%3 بولغان. يەنە after دا بولسا %65 بالا ئالىملارنى ئاددى كىشىلەردىن دەپ قارىغان. ئەلۋەتتە ئالىملار بىلەن بىۋاستە ئۇچىرىشىش پۇرسىتى يوق ئەھۋال ئاستىدا ئەلۋەتتە ئۇلارغا نىسپەتەن خاتا قاراشنىڭ شەكىللىنىشى توغىرا چۈشۈنۈشكە بولىدۇ. ئۇنداقتا دىيارىمىزنىڭ ھەرخىل شارائىتلىرىغا نىسپەتەن ، تورخۇمارلارنىڭ زور كۆپچىلىكى يەنىلا كۈندىلىك تۇرمۇشتا ئالىملىرىمىزدىن يىراق تۇرىدۇ. شۇنىڭغا ئاساسەن بىزمۇ تەجىربە يۈرگۈزۈپ باقايلى: مەزكۇر ماقالىنى ئوقۇشتىن بۇرۇنقى سىزدە ئالىملارغا بولغان قاراش قانداق ئىدى ؟ قانداق بولسا «ئالىم»لىق سالاھىتىگە ئىگە بولىدۇ ؟ سىز قايسى ئۇيغۇر ئالىملىرىنى بىلىسىز؟

قوشۇمچە : ئۇنىمۇ دەيمىز بۇنىمۇ دەيمىز، ئالىم بىلەن زالىم يەنىلا ئوخشىمايدۇ

ئۇتۇق قازانغان ئالىملارغا نىسپەتەن، قانداق تەبىر بېرىپ ئۇلار بىلەن ئاددى كىشىلەر ئارىسىدىكى ھاڭنى كىچىكلەتمەكچى بولساقمۇ، ئەمما بەزەن نۇقتىلاردا ئۇلارنى يەنىلا ئېتىراپ قىلماي بولمايدۇ. قىسقىسى ئاددى بىر كىشى بىلەن تەتقىقاتچى پىراففىسورنىڭ ئوخشاش بىر شەئىگە نىسپەتەن قارىشى يەنىلا ئوخشىمايدۇ.