دىيارىمىز ئاخبارات ۋاستىلىرىنىڭ بىزلەرگە سۇنغان ھۆججەتلىك فىلىملىرىنىڭ سانى ئاز ۋە سۈپىتى تۆۋەنىرەك بولغانلىقى ئۈچۈن، ئارىمىزدا كۆپۈنچىمىزگە نىسپەتەن ھۆججەتلىك فىلىم دىگەن بۇ ئۇقۇم سەل غۇۋا. ئەمىلىيەتتە بىر پارچە نادىر ھۆججەتلىك فىلىمنى ئىشلەپ ئېلان قىلىش، بىز كۆرىۋاتقان ھۆللىۋود كىنولىرىنىڭ روياپقا چىقىشىدىنمۇ قېيىنىراق. چىنلىقنى ئاساس قىلىدىغان بۇ فىلىم ژانىرى دائىم ئوپىراتورلارنى قىيىن قىستاققا ئالىدۇ. تۆۋەندە تورداشلارغا بىر كۆرۈشكە ئەرزىگۈدەك 10 يۈرۈش ھۆججەتلىك فىلىمنى تونۇشتۇرۇپ ئۆتىمەن.

地球 | Earth | 2007

ئەنگىلىيە BBC ۋە گىرمانىيە بىرلىشىپ ئىشلىگەن، يەرشارى ۋە كەڭ تەبىئەتكە مۇناسىۋەتلىك ھۆججەتلىك فىلىم. تەخمىنەن 3 يىل ۋاقىت سەرىپ قىلىپ سۈرەتكە ئېلىنغان بۇ فىلىم بىزگە تەبىئەتنىڭ گۈزەللىكى ۋە ھايۋاناتلار دۇنياسىدىكى سىرلىق ئىشلارنى سۆزلەپ بېرىدۇ. گۈزەل تەبىئەت مەنزىرىلىرىگە تەڭكەش قىلىنغان مۇڭلۇڭ سىمفۇنىيە سىزنى غايىۋى دۇنياغا باشلايدۇ. يىغىپ كەلگەندە بۇ سىزگە دۇنيانى تېخىمۇ چۈشەندۈرۈپ بېرىدىغان ھۆججەتلىك فىلىم.

سۈزۈك نۇسخىسىنى چۈشۈرۈش  : HR-HDTV نۇسىخىسىنى بۇ يەردىن چۈشۈرۈڭ | مەنبە : تورخۇمارلار كۇلۇبى

海豚湾| The Cove | 2009

Richard O’Barry ئەسلى بىر نەپەر دېلفىن كۆندۈرگۈچى. ئۇ ئىشلەشكە قاتناشقان «دېلفىن ھېكايىسى» ناملىق فىلىممۇ خېلى ئالقىشقا ئېرىشكەن. ئەمما بىر دېلفىننىڭ ئۆلىمى Richard نىڭ تەقدىرىنى ئۆزگەرتتى. شۇندىن باشلاپ ئۇ بارلىقىنى دېلفىن قوغداش ھەركىتىگە ئاتىدى. ئۇ ۋە ئۇنۇڭ گۇرۇپپىسىدىكىلەر ھۆكىمەت ۋە مىڭلىغان خەلىقنىڭ قارىشلىقىغا پىسەنىت قىلماي، ئېچىنىشلىق دېلفىن قەتلىئاملىرىنى سۈرەتكە ئالدى. مانا بۇ فىلىم ئۇنىڭ دۇنيانى قۇتقۇزۇش ۋە بۇ ئۇماق جانىۋارلارنى قۇتقۇزۇش ئۈچۈن قىلغان ئەڭ ئەھمىيەتلىك ھەركەتلىرىدىندۇر.  مىزكۇر فىلىم 2010- يىلى 82- نۆۋەتلىك ئوسكار فېستىۋالىدا ئەڭ نادىر ھۆججەتلىك فىلىم مۇكاپاتىغا ئېرىشكەن. (كەمىنە ۋىروس ئالاھىدە تەۋسىيە قىلىدۇ)

سۈزۈك نۇسخىسىنى چۈشۈرۈش : RMVB نۇسخىسىنى چۈشۈرۈڭ | HR-HDTV نۇسخىسىنى چۈشۈرۈڭ | مەنبە : تورخۇمارلار كۇلۇبى

旅行到宇宙边缘 | Journey to the Edge of the Universe| 2008

بۇ فىلىم گەرچە ئەڭ يىڭى ھېسابلانمىسىمۇ ئەمما ھازىرچە ئەڭ ياخشى بولغان ئاستىرنومىيەلىك ھۆججەتلىك فىلىم ھېسابلىنىدۇ. فىلىمدە سىزنى بىزگە ئەڭ يىقىن بولغان ئاي شارىدىن تارتىپ قۇياش سېستىمىسى ۋە سامان يولى سېستىمىسى ھەتتا ئىنسانلار ھازىرغىچە بايقىيالىغان كائىنات چىگىرسىگىچە تولۇق ساياھەتكە باشلاپ بارىدۇ. تەپسىلى ھالدا قۇياش سېستىمىسىدىكى سەككىز چوڭ پىلانىت ۋە ھاۋارايى ئۆزگۈرۈشى. چىنلىققا يىقىنلاشقان 3D ئۈنۈمى…. بۇ لارنىڭ ھەممىسى سىزنىڭ بۇ ھۆججەتلىك فىلىمنى تولۇق كۆرۈپ چىقىشىڭىزغا باھانە بولالايدۇ. قېنى ئاستىرنومىيە ھەۋەسكارلىرى نەزىرىڭلارنى تۆۋەنگە بېرىڭلار.

سۈزۈك نۇسخىسىنى چۈشۈرۈش : 1080P نۇسخىسىنى چۈشۈرۈش | مەنبە : تورخۇمارلار كۇلۇبى

家园 | Home| 2009

مەزكۇر فىلىمنى رىجىسسور 15 يىلدا پۈتۈن دۇنيادىكى 55 دۆلەتتە سۈرەتكە ئالغان. فىلىم بىرىنچى قول ماتىرىيالى جەمئى 488 سائەت. تەخمىنەت تولۇق 21 كۈن. ئومومى 88،000 خادىم ئىشلەتكەن. ياۋروپا دېڭىز ئاستىدىن تاكى ئافىرىقا ئېگىزلىكىگىچە. ئامازون يامغۇرلۇق ئورمىنىدىن سەھرايى كەبىر قۇملۇقىغىچە. ئامېرىكا تېكساس شىتاتىدىن تاكى جۇڭگونىڭ شاڭخەي، شىنجىن قاتارلىق سانائەت شەھەرلىرىگىچە… فىلىمدە باشقا بىر نۇقتىدا تۇرۇپ دۇنيانى كۈزىتەلەيسىز.

سۈزۈك نۇسخىسىنى چۈشۈرۈش : HR-HDTV نۇسخىسىنى چۈشۈرۈڭ | مەنبە : تورخۇمارلار كۇلۇبى

迁徙的鸟 | Le peuple migrateur| 2001

ئاددىغىنە چۈشەندۈرۈشتىن باشقا بۇ فىلىمدە ئارتۇق گەپ سۆز يوق. سىزنى قاناتلىق بۇ جانىۋارلار بىلەن تاغ- دەريادىن ئاشقۇزۇپ، دېڭىز- ئوكىيانلاردا سەيلە قىلدۇرىدۇ. كۆرىۋېتىپ قۇشقا ئايلىنىپ ئۇچقىلىرىڭىزمۇ كېلىپ قېلىشى مۇقەررەر. شۇڭا بۇ ھەقتە مەنمۇ ئارتۇق گەپ قىلماي.

سۈزۈك نۇسخىسىنى چۈشۈرۈش : HR-HDTV نۇسخىسىنى چۈشۈرۈڭ | مەنبە : تورخۇمارلار كۇلۇبى

海洋 | Océans| 2009

«ئوكىيان» ناملىق بۇ ھۆججەتلىك فىلىم 5 يىلدا سۈرەتكە ئېلىنغان. 50 مىليون ياۋرو چىقىم قىلغان. 12 سۈرەتكە ئېلىش گۇرۇپپىسى 70 دانە كېمە بىلەن دۇنيانىڭ ھەر قايسى جايلىرىدىكى 50 سۈرەتكە ئېلىش نۇقتىسدا بۇ فىلىمنى تاماملىغان. 100 دىن ئارتۇق سۇ جانلىقى سۈرەتكە ئېلىنغان بۇ ھۆججەتلىك فىلىمنىڭ بىرىنچى قول ماتىرىيالى 500 سائەتتىن ئاشىدۇ. چىقىم جەھەتتە دۇنيادىكى ئەڭ زور سەرپىيات بىلەن سۈرەتكە ئېلىنغان ھۆججەتلىك فىلىم ھېسابلىنىدۇ.

سۈزۈك نۇسخىسىنى چۈشۈرۈش : RMVB نۇسخىسىنى چۈشۈرۈش | HR-HDTV نۇسخىسىنى چۈشۈرۈش | مەنبە : تورخۇمارلار كۇلۇبى

就是这样  | This Is It| 2009

2009- يىلى 6- ئاينىڭ 25- كۈنى. بۇ كۈن دۇنيا مۇزىكا ساھەسىدە غايەت يوقۇتۇش ھېسابلىنىدۇ دىسەك ئارتۇق كەتمەس. مايكىل جېكسون (Michael Jackson) ئاتلىق دۇنياغا داڭلىق بۇ مۇزىكا شاھى مانا مۇشۇ كۈنى ئالەمدىن ئۆتتى. ئەسلى 2009- يىلى يازداقويۇلماقچى بولغان خوشلىشىش كونسېرتى «This is it»مۇ ساناقلىق كۈنلەر قالغاندا ئەمەلدىن قالدۇرۇلدى. لېكىن جېكسۇن بۇ جەرياندىكى بارلىق تەپسىلاتلارنى بىرمۇ بىر خاتىرلەپ ماڭغان. ھەربىر مۇزىكا تاللاش، ئۇسۇل ئىشلەشتىن تارتىپ مەشىق جەريانىدىكى بىر قىسىم شەخسى پاراڭلارغىچە مانا بۇ سىندا ئۇنىڭ ئاخىرقى مىنۇتلىرى خاتىرىلەنگەن. مانا مۇشۇ خاتىرە سىندىن پايدىلىنىپ ئىشلەنگەن ئۇشبۇ ھۆججەتلىك فىلىم جېكسون ھەۋەسكارلىرى ئۈچۈن ناھايتى قىممەتلىك بايلىق ھېسابلانسا كېرەك.

سۈزۈك نۇسخىسىنى چۈشۈرۈش : RMVB نۇسخىسىنى چۈشۈرۈش | HR-HDTV نۇسخىسىنى چۈشۈرۈش | مەنبە : تورخۇمارلار كۇلۇبى

时间的风景 | TimeScapes| 2012

فىلىم ئاستا كۆرۈنۈش ۋە ۋاقىت بەلگىلەپ سۈرەتكە تارتىش تېخنىكىسىدىن پايدىلىنىپ سىنغا ئېلىنغان. بىزگە ئامېرىكا جەنۇپ-شىمال قۇرۇقلۇقى ۋە كىشىنى ھاياجانغا سالىدىغان ئاجايىپ گۈزەل مەنزىرىلەرنى سۇنىدۇ. ئەڭ موھېمى مەزكۇر ھۆججەتلىك فىلىمگە 4K (4096×2304 پىسكېل) لىق پەرىق ئېتىش ئۈنىمى بېرىلگەن بولۇپ، مۇشۇ خىل تېخنىكىدا سۈرەتكە ئېلىنغان تۇنجى فىلىم ھېسابلىنىدۇ. (كەمىنە ۋىروس تەۋسىيەسى)

سۈزۈك نۇسخىسىنى چۈشۈرۈش : 720P نۇسخىسىنى چۈشۈرۈش | 1080P نۇسخىسىنى چۈشۈرۈش | مەنبە : تورخۇمارلار كۇلۇبى

微观世界 | Microcosmos: Le peuple de l’herbe| 1996

يۇقۇردا تەبىئەتنىڭ ئەڭ گۈزەل مۆجىزىلىرىنى كۆردۇق، پۈتۈن يەرشارىنىمۇ كۆردۇق، ھەتتا بىز بايقىغانكى كائېناتنىمۇ كۆردۇق. بۇ قېتىم نەزىرىمىزنى بىز كۆرەلمەيدىغان، ياق قىسقىسى ئانچە دىققەت قىلىپ كەتمەيدىغان مىكرو جانلىقلار دۇنياسىغا ئاغدۇرايلى. فىلىمدىن شۇنى ھېس قىلىسىزكى بىز دائىم كۆرسەك ھۆ قىلغۇمىز كېلىدىغان بۇ جانىۋارلار ئەسلى شۇنچە گۈزەك، ئۇلار ياشاۋاتقان موھېتمۇ خۇددى ئىنسانلار جەمىئەتىدەك شۇنچە مۇكەممەل …

سۈزۈك نۇسخىسىنى چۈشۈرۈش : DVD نۇسخىسىنى چۈشۈرۈش | مەنبە : تورخۇمارلار كۇلۇبى

 圆明园 | 2006

بۇ ھەقتە توختۇلۇشنىڭ زادى ئورنى يوق. يۈەنميىڭ يۈەن باغچىسى ۋە ئۇنىڭ ۋەيران بولۇش تارىخىنى مەكتەبتە جىق ئوقىغان. بۇنىڭغا قىززىقىپ كېتىدىغانلارمۇ كۆپ بولمىسا كېرەك. شۇڭا ئارتۇق توختالمىدىم.

مەزكۇر يازما ناھايتى ئالدىراشلىق ئىچىدە بىرلا قەلەمدە روياپقا چىقتى، ئىملا خاتالىقىنى توغىرا يۇسۇندا كۆرسۈتۈپ قويىشىڭلارنى ئۈمۈت قىلىمەن.