10. تىمساھنىڭ ئاشقازان قىسمىدا نۇرغۇن تاش بولىدۇ، ئەلۋەتتە بۇ سەۋەپسىز ئەمەس. بۇ تاشلار تىمساھنىڭ ھەزىم قىلىش سىستېمىسىغا ياردەملىشىپ، ئاشقازانغا كىرگەن تاشپاقا، بېلىق، قۇشلار، زىراپە، سۇ كالىسى، مايمۇن، ھەتتا باشقا تىمساھ قاتارلىقلارنى ھەزىم قىلىشقا ياردەم قىلىدۇ. ئۇنىڭدىن باشقا يەنە سۇ ئۈزۈشكىمۇ ياردىمى بار، مەسىلەن، سۇ ئاستى كېمىسىدىكى ئېغىرلىق ئاشۇرۇش قۇرۇلمىسىغا ئوخشاش.

9. يېڭى تۇغۇلغان كىت بالىسى ھەرگىز كىچىك بولمايدۇ، ئۇنىڭ ئۇزۇنلىقى ئانىسىنىڭ 1/3 چىلىك كېلىدۇ. كىتنىڭمۇ كۆكسى بولىدىغان بولۇپ، كىت بالىسى ئانىسىنىڭ كۆكسىنى شوراپ تۇرىدۇ، ئانا كىت بولسا، سۈت بېزىنىڭ ئەتراپىنىڭ مۇسكۇللارنى ھەرىكەتلەندۈرۈش ئارقىلىق سۈتنى سىقىپ چىقىرىدۇ. كىت سۈتىنىڭ ماي تەركىبى يۇقىرى بولۇپ، 50% ئەتراپىدا ماي تەركىبى بولىدۇ، بۇ ئادەمنىڭ 10 ھەسسىسىگە باراۋەر.

8. قۇشلار ئۇزۇن سەپەرگە چىققاندا قۇرۇقلۇقتىكى قويۇۋالغان بەلگىلەر(Landmark) ئارقىلىق يول باشلاپ ماڭىدۇ.

7. قۇندۇز قىشنى قۇيرۇقىغا توپلانغان مايغا تايىنىپ ئۆتكۈزىدۇ.

6. ئافرىقا قارىغۇ چاشقىنى پۈتۈنلەي قارىغۇ دەپ قارىلىدۇ، ئەمما ئۇلار يەنىلا ئىنتايىن ئاجىز يورۇقلۇقنى سېزەلەيدۇ.

5. ھايۋاناتلار ھەممىسى شەخسىيەتچى بولمايدۇ، يېڭى تۇغۇلغان چۈجىلەر ئوتتۇرىسىدىكى قېرىنداشلىق مېھرى ئىنتايىن چوڭقۇر بولىدۇ.

4. نۇرغۇن كىشىلەر بەلكىم چوڭقۇر ئاستىدىكى ئاجايىپ سىرلىق ئىشلارنى بىلمەسلىكى مۇمكىن. يەنى، دېڭىزدا جىنسى ھەم ئەركەك ھەم چىشى جانلىقلار نۇرغۇن. بىر قىسىم بېلىقلار كۆپىيىش مەزگىلىدە بەدىنىدىكى ھورمۇنلارنىڭ ئۆزگىرىشىگە ئەگىشىپ توختىماي جىنس ئۆزگەرتىپ تۇرىدۇ. مەسىلەن، بەزىدە ئەركەك بەزىدە چىشى دېگەندەك.

3. زىراپە ئوزۇقلۇقنىڭ ئايلىنىشى ئارقىلىق ئېگىزلىكىنى تەڭشەپ تۇرىدۇ.

2. پىلنىڭ بېشى ناھايىتى چوڭ، گەرچە ئەقلىي بۆلۈنمىسىنى ئۆلچەش قىيىن بولسىمۇ، ئەمما ھېسسىي بۆلۈنمىسى يامان ئەمەس، يەنى تەخمىنەن EQ سى 1.88(ئىنسانلارنىڭ 7.33 تىن 7.69 ئارىلىقىدا) كېلىدۇ، ئورانگۇتاننىڭ 2.45، چوشقىنىڭ 0.27 بولىدۇ. شۇڭا پىلنى دۆت دېگىلى بولمايدۇ.

1. شاتۇتىنىڭ دورىشىنى نۇرغۇن كىشىلەر خاسلا دورامچىلىق دەپ قارايدۇ، ئەمما ئۆتكەن 30 يىلدىن بۇيانقى تەتقىقاتلارغا ئاساسلانغاندا، شاتۇت 4 ~ 6 ياشقىچە بولغان بالىلار بىلەن تەڭ ۋەزىپىلەرنى ئورۇندىيالايدىكەن. «ئوخشىمايدىغان»، «چوڭ-كىچىك»، «بار يوق» ۋە سان-سىفىر قاتارلىق ئۇچۇرلارنى پەرقلەندۈرەلەيدىكەن. ئالىملار ھازىر شاتۇتنىڭ دوراش ھالىتىدىن پايدىلىنىپ ماشىنا ئادەملەر ئۈچۈن تىل تەتقىقاتى ئېلىپ بېرىۋېتىپتۇ.