Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

گەپ ئاڭلايدىغان ، جانابىي ھەقنىڭ ئەمىرىنى ئادا قىلىدىغان گۈزەل ۋە ياخشى ئايال گاداينى شاھ قىلىدۇ.
 قوينىڭدا ياتقان خانىم كۆڭلۈڭگە مۇۋاپىق ۋە چىقىشقاق ئايال بولسا ، ئىشىكىڭدە ھەر كۈنى پادىشاھلاردە بەش قېتىم نۆۋەتچى قوي.
 كۈن بۇيى ھەر خىل دەرتلەرنى تارتىپ ، تۈندە ئۈيۈڭدە دەردىڭگە دەرمان بۇلىدىغان ياخشى خۇتۇنۇڭ بولسا ھېچ غەم يىمە . كىمنىڭ ئۈيى پاراۋان ۋە ھەمرايى ئۇنى جاندىن سۆيسە ، ھەقتائالا ئۇنىڭغا شەپقەت نەزەرى بىلەن قارايدۇ.
 ئايال ھەم گۈزەل ھەم نۇمۇسلۇق بولسا ، ئېرى ئۇنىڭ چىرايىغا قارىغىنىدا ئۆزىنى جەننەتتە بىلسۇن .
 قەلبى خانىمى بىلەن بولغان كىشى مۇرادىغا يىتىدۇ .
 ئايال دىدارى ۋە شىرىن سۆز بولسا ، ئۇنىڭ گۈزەلىكىنى ئىزدەش ئۇرۇنسىزدۇر .
 ئەخلاقى گۈزەل بولغان ئايال چىرايى ، بەدىنى گۈزەل بولمىسىمۇ ھېچ ۋەقەسى يوق . ئۇنىڭ ياخشى خۇيى كەمچىلىكلىرىنى ياپىدۇ .
 سەت بولسىمۇ ئەخلاقى گۈزەل ئەيال پەرى چىراي ، ئەمما خۇلقى ئەسكى جىدەلخور ئايالدىن ئەۋزەلدۇر .
 ياخشى خۇيلۇق ئايال ئېرىنىڭ قۇلىدىن سىركىنى ھالۋا دەپ يەيدۇ .
 يامان خۇيلۇق ئايال ھالۋا يىسىمۇ تەلەتى سىركە ساتىدۇ .
 ياخشى ئايال روھنىڭ ئۇزۇقى ، كۆڭۈل شادلىقى ، يامان خۇيلۇق ، جىدەلخور ئاياللارغا كەلسەك ، بۇنداقلاردىن خۇدا ساقلىسۇن .
 ئەسكى مىجەزلىك ئاياللارنى ئالغان ئەر قاغا بىلەن بىر قەپەستىكى تۇتى قۇشقا ئوخشايدۇ . ئۇ قەپەستىن قۇتۇلىشىنى جان دەيدۇ .
 يامان خۇتۇنغا يولۇقۇپ قالساڭ ، يا بېشىڭنى ئېلىپ كەت ، يا نىمە دىسە خوپ دەپ ئولتۇر .
 جدەلخور ئايال بىلەن بىر ئۆيدە ئولتۇرۇپ جىدەللەشكەندىن سەپەرگە چىقىنىڭ ئەۋزەل . ھالبۇكى ، كەش ئاياغنى قىستىسا يالىڭاچ ماڭغان راھەتتۇر .
 ئۆيۈڭدە تەلەتى يامان ھەمىراھىڭ بولغىنىدىن زىنداندا ياتقىنىڭ ئەۋزەلدۇر .
 ئۆيدە يامان خۇتۇنى بار ئادەم سەپەرگە چىقسا ھېيت - بايرام كەيپى سۈرىدۇ .
 ئۆيدىكى ئايالنىڭ ئاۋازى قاتتىق بولسا ، ئۇ ئۆيدە خەيىر بولمايدۇ .
 خۇتۇنىڭنى بازارغا قۇيۇپ بەرمە . گەپ ئاڭلىمىسا ئۇر . ئەگەر گىپىڭنى ئۆتكۈزەلمىسەڭ قويۇپ بەر ، ئۇ ئەر كىشىدەك يۈرىۋەرسۇن ؛ سەن بولساڭ ئايال كىشىدە ئۆيدە ئولتۇر .
 خۇتۇن ئېرىنىڭ گىپىنى ئاڭلىمىسا ، ئەرنى ئەر دىگىلى بولمايدۇ . بۇنداقلار خۇتۇنىنىڭ ئىشتىنىنى كىيىپ ئۆيدە ئولتۇرغىنى تۈزۈك .
 ئالغان خۇتۇنۇڭ بىلىمسىز ۋە ۋاپاسىز چىقسا ، بېشىڭغا بالا ئالغان بۇلىسەن.

 سالام ئۈرۈمچى ئونۋىرسال توربېكىتى