* سۈت بېزى كېسىلى بارلار بۇغداي ئۇنى يېمەكلىكلىرى بىلەن لامنارىيەنى ئىستېمال قىلىپ بېرىشى كېرەك . تەتقىقاتلاردىن بايقىلىشىچە ، تۇغۇت يېشىدىكى ئاياللار ساپ بۇغداي ئۇنى يېمەكلىكى ئىستېمال قىلىپ بەرسە ، ئانىلىق ھورموننىڭ قاندىكى ئايلىنىشىنى ئاشۇرۇپ ، ئانىلىق ھورموننىڭ يۇقىرى بولۇشىدىن پەيدا بولىدىغان سۈت بېزى كېسەللىكىنى چەكلەيدىكەن . داۋاملىق لامنارىيە ئىستېمال قىلىپ بەرسە ، سۈت بېزى يوغىناپ كېتىشنىڭ ئالدىنى ئالىدىكەن . * ئانىلىق ھورمونى تۆۋەنلەپ كەتكەنلەر پۇرچاق تۈرىدىكى يېمەكلىكلەرنى ئىستېمال قىلىپ بېرىشى كېرەك . قاندكى ئانىلىق ھورمونى نورمال سەۋىيەدىن تۆۋەن بولسا ، ئاياللار كۆپىيىش ۋە يۈرەكنى قوغداش ئىقتىدارى تەسىرگە ئۇچرايدۇ . كاناماش ( دادۇر ) تەركىبىدىكى ئىزىفلاۋون ئانىلىق ھورمون ھاسىل قىلغۇچى ماددا بولۇپ ، بەدەندىكى ئانىلىق ھورموننى تولۇقلايدۇ . كۈندە 500 مىللىلىتىر كاناماش بوتقىسى ياكى 100 گرام كاناماشتىن قىلىنغان يېمەكلىكنى ئىستېمال قىلىپ بەرسە ، ئانىلىق ھورموننى تەڭشەيدۇ . * كۆكەرتكۈچى باكتېرىيە خاراكتېرلىك جىسىي يول ياللۇغى بارلار سامساقنى كۆپرەك ئىستېمال قىلىپ بېرىشى كېرەك . داۋاملىق سامساق ئىستېمال قىلىپ بېرىدىغان ئاياللار كۆكەرتكۈچىباكتېرىيە خاراكتېرلىك جىنسىي يولى ياللۇغىغا ئاسانلىقچە گىرىپتار بولمايدۇ . چۈنكى سامساق تەركىبىدىكى ئاللىتسىن ۋە كاپزائىتسىنلارنىڭ باكتېرىيە ئۆلتۈرۈش رولى بار . ئۇلار ئاق رەڭلىك تەسۋىسىمان باكتېرىيەلەرنىڭ جىنسىي يولىدا يېتىلىش ۋە ئايلىنىشىنى چەكلەيدۇ . * ھەيزنىڭ كېلىشى نورمالسىزلار ھەسەل قوشۇلغان قىزىق سۈت ئېچىپ بېرىشى كېرەك . ھەيز كەلگەن مەزگىلدە ئاياللار ھەر كۈنى ئۇخلاشتىن بۇرۇن بىر ئىستاكان ھەسەل قوشۇلغان قىزىق سۈتئىچىپ بەرسە ، ھەيز مەزگىلىدىكى تۈرلۈك كېسەللىكلەرنىڭ ئالدىنى ئالىدۇ ۋە داۋالايدۇ . چۈنكى كالا سۈتى تەركىبىدىكى كالىي كەيپىياتنى ياخشىلاش ، قورساق ئاغرىقىنى يېنىكلىتىش ، ياللۇغلىنىشنىڭ ئالدىنى ئېلىش ، ھەيز مىقدارىنى ئازايتىش رولىنى ئوينايدۇ . ھەسەل تەركىبىدىكىماگنىي مەركىزىي نېرۋا سىستېمىسىنى تىنچلاندۇرۇپ ، ھەيز مەزگىلىدىكى جىددىيلىكنى تۈگىتىپ ، روھىي بېسىمنى تۆۋەنلىتىدۇ . * ھەيز ئاغىتىپ كېلىدىغانلار بانان ئىستېمال قىلىپ بېرىشى كېرەك . بانان تەركىبىدە ۋىتامىن B6 مول بولۇپ ، ئۇ نېرۋىنى تىنجلاندۇرىدۇ ۋە ئاياللارنىڭ ھەيز مەزگىلىدىكى كەيپىياتىنى تۇراقلاشتۇرۇپ ، ئۇيقۇنى ياخشىلايدۇ ھەمدە قورساق ئاغرىقىنى پەسەيتىدۇ . بېشىنىڭ يېرىمى ئاغرىيدىغانلار تەركىبىدە ماگنىيمول يېمەكلىكنى ئىستېمال قىلىپ بېرىشى كېرەك . باشنىڭ يېرىمى ئاغرىش كۆپىنچە تۇغۇت يېشىدىكى ئاياللاردا ، بولۇپمۇ ئەقلىي ئەمگەك بىلەن شۇغۇللىنىدىغان ئاياللاردا كۆپ كۆرىلىدۇ . تەتقىقاتلاردىن بايقىلىشىچە ، تەركىبىدە ماگنىي بولغان تېرىق ، قارا بۇغداي ئۇنى ، پۇرچاقتۈرىدىكىلەر ، بانان ، قاتتىق پوستلۇق مېۋىلەر ۋە سۇ مەھسۇلاتلىرى قاتارلىقلارنى كۆپ ئىستېمال قىلىپ بەرسە ، باشنىڭ يېرىمى ئاغرىشىنى پەسەيتىدىكەن . * پىشلاق ئاياللارنىڭ بەدىنىدىكى ماينى تۆۋەنلىتىدۇ . تەتقىقاتچىلارنىڭ بايقىشىچە ، پىشلاق يۈرەككە پايدىلىق بولۇپلاق قالماي ، يەنە ئاياللارنىڭ بەدىنىدىكى پايدىسىز خولېستېرىننى تۆۋەنلىتىش بىلەن بىرگە پايدىلىق خولېستىېرىننىكۆپەيتىدىكەن . * ئاياللار چارچىغاندا توخۇ يۈرىكى ئىستېمال قىلسا بەدەنگە پايدىلىق . ئاياللار ئەرلەرگە قارىغاندا ئاسان چارچايدۇ . بۇنىڭغا نىسبەتەن مۇتەخەسسىسلەر ، بۇنى كۆپىنچە يېنىك دەرىجىدىكى تۆمۈر كەم بولۇش خاراكتېرلىك قان ئازلىق كەلتۈرۈپ چىقارغان ، دەپ قارايدۇ . شۇڭا ئاياللار توخۇ يۈرىكى ، توخۇ تاشلىقى قاتارلىقلارنى ئىستېمال قىلسا تۆمۈر تولۇقلىنىپ ، چارچاش يوقايدۇ . ‹‹ پەن ۋە تۇرمۇش ژۇرنىلى ›› دىن ئېلىندى |
 |
سۆھبەتخانىدا ھازىر ئادەم بار | │ |