رۇبائىيلار

ئابدۇرېھىم ئۆتكۈر

مىنگەن ئات ،كىيگەن تون بەختىڭ سېنىڭكى ،
تاڭ ئاتسا ئۆزۈڭمۇ ئۆتمۈشنىڭ مۈلكى .
بىر قولۇڭ گۈل ئالسۇن ،بىر قولۇڭ قامچا،
دوستلىرىڭ بار يەردە دۈشمەن بار چۈنكى.

   راست سۆزنىڭ ھىچ يەردە خىجالىتى يوق ،
يالغان گەپ ياياقتۇر مىنەر ئىتى يوق .
يالغاننىڭ بېغىدا كۆكلىمەس دەرەخ،
يا پىشار ئۈرۈكى ، ياكى قېقى يوق . 
                                                                                                                                                                                                                                                                                      

تاغ-تاشنى سۇ بۇزار ،ئەلنى ئۆسەك سۆز ،
ئېشەككە چىقىپتۇ ،دېگەندەك مۈڭگۈز .
پىچىرلاپ سۆزلەشنى قويغىن ئۆگىنىپ ،
بولسىمۇ ئىنساننىڭ بارى ساڭا ئۆز.

 كۆرۈنگەن ئامەتتىن كەتمىگىن  چۆچۈپ ،
تاغ كۆچسە كۆچسۇنكى ، سەن يۈرمە كۆچۈپ .
ئۆمۈرلۈك گۈلخان بوپ ياشايمەن دېسەڭ ،
ئۆتكۈنچى يامغۇردا قالمىغىن ئۆچۈپ .

ئەلدىن ئەلگە نەپ تىمامدىن سىزگە ئازراقمۇ بولسا نەپ يەتگەن بولسا سىزمۇ بلوگىمغا ئازراق نەپ يەتكۈزۈپ قويۇڭ ئىلانلارنى چىكىپ قويسىڭىز بۇسىزنىڭ تىما ئەجرىگە رەھمەت ئىيتقىنىڭىز شۇنداقلا بلوگقا نەپ يەتكۈزگىنىڭىز!!.