قار گۈللىرى يۇيۇنار تىمتاس،

سەھرادىكى سۈزۈك روھ ئارا.

تۈن تېنىدىن تارار ئىللىق نۇر،

نۇر قوينىدا بۇ ئانا سەھرا.

چۈشەپ چىقار مېھىرلىك ئۆيلەر،

كېلەچەكتەك يارقىن بىر چۈشنى.

تېرىپ ئالار قۇشلار ئاۋايلاپ،

قار گۈلىدە قاتقان تىۋىشنى.

ساددا ئىستەك كۈلەر ھەر ۋاقىت،

ئارمانلارنىڭ قات-قاتلىرىدا.

بىر قۇت كۈلەر بۇندا ۋىلىقلاپ،

قاداق باسقان دېھقان قولىدا.

2000-يىل يانۋار، يېڭىشەھەر

ئەلدىن ئەلگە نەپ تىمامدىن سىزگە ئازراقمۇ بولسا نەپ يەتگەن بولسا سىزمۇ بلوگىمغا ئازراق نەپ يەتكۈزۈپ قويۇڭ ئىلانلارنى چىكىپ قويسىڭىز بۇسىزنىڭ تىما ئەجرىگە رەھمەت ئىيتقىنىڭىز شۇنداقلا بلوگقا نەپ يەتكۈزگىنىڭىز!!.