نىدائىي يانبىلوگى

   تۈركىيە زۇڭتۇڭى ئەردۇغان بىلەن تۈركىيە زۇڭلىسى ئەھمەت داۋۇتئوغلۇنىڭ سۈرىتى چۈشۈرۈلگەن بۇ تەشۋىقات سۈرىتىنىڭ كۆلىمى 4709 كىۋادرات مېتىر كېلىدىغان بولۇپ، جىننېس دۇنيا رېكورتى قامۇسىغا كىرگۈزۈلدى.

    خەلقئارا لىنىيەسى خەۋىرى، توخنىياز ئىسمائىل نىدائىي تەرجىمىسى: ئەنگلىيە ‹‹كۈندىلىك تېلېگراف خەۋەرلىرى››نىڭ 31-مايدىكى خەۋىرىگە قارىغاندا، تۈركىيە زۇڭتۇڭى رەجەپ تاييىپ ئەردۇغان بىلەن تۈركىيە زۇڭلىسى ئەھمەت داۋۇتئوغلۇنىڭ سۈرىتى چۈشۈرۈلگەن تەشۋىقات رەسىمى يېقىندا جىننېس دۇنيا رېكورتى قامۇسىغا كىرگۈزۈلۈپ، نۆۋەتتە دۇنيا بويىچە ئەڭ چوڭ تەشۋىقات سۈرىتى ھېسابلىنىدىكەن.

   بۇ تەشۋىقات سۈرىتى 30-ماي ئىستانبۇلدىكى بىر قېتىملىق يىغىلىشا ئاشكارىلانغان، يەنە ئوسمان تۈرك ئىمپېرىيەسىنىڭ بۇ شەھەرنى ئىلكىگە ئالغانلىقىنىڭ 562 يىللىقىنى خاتىرلىگەن. جىننېس دۇنيا رېكورتى ئەمەلدارى سەيدا سۇبۇسۇ گېمىسىنىڭ دېيىشىچە، بۇ تۈر بويىچە ئىلگىرىكى رېكورت 2014-يىلى ھىندىستاندا يارىتىلغان بولۇپ، ئۇ تەشۋىقات سۈرىتىنىڭ كۆلىمى 3361 كىۋادرات مېتىر كېلىدىكەن.