نىدائىي يانبىلوگى

   خەلقئارا لىنىيەسى خەۋىرى، توخنىياز ئىسمائىل نىدائىي تەرجىمىسى: ئەنگلىيە ‹‹ئەينەك گېزىتى››نىڭ 21-ئاپرېلدىكى خەۋىرىگە قارىغاندا، ئامېرىكىلىق فوتوگراف ماتتېۋ كرىستوپېر ئۆتكەنكى بەش يىلدا ئامېرىكا پېنسىلۋانىيە ئىشتاتى فىلادېلفىيە شەھىرىگە جايلاشقان خولمېسبۇرگ تۈرمىسىنى كۆپ قېتىم زىيارەت قىلغان ھەمدە نۇرغۇن سۈرەتكە تارتقان. بۇ تۈرمە گەرچە 20 يىل تاقىۋېتىلگەن بولسىمۇ، ئەمما ئىچى يەنىلا كىشىگە زۇلمەتلىك، قورقۇنچلۇق تۇيغۇ بېرىدۇ.

   خولمېسبۇرگ تۈرمىسى 1896-يىلى ئېچىۋېتىلگەن بولۇپ، بۇ يەردە ئىلگىرى دورا ياساش ۋە بىيو-خىمىيە تەجرىبىسى ئېلىپ بېرىلاتتى، يەنە ئادەم تېنى تەجرىبىسى ئىشلىنىپ، نۇرغۇن كىشىلەرنىڭ غەزىپىنى قوزغىغانىدى. 20-ئەسىرنىڭ 70-يىللىرىدا، بۇ تۈرمىدە بىر قاتار زوراۋانلىق ھەرىكەتلىرى يۈز بەرگەن، ھەتتا باسقۇنچىلىق ۋە قەستلەپ ئۆلتۈرۈش ۋەقەلىرى يۈز بەرگەن، شۇڭا 1995-يىلى تاقىۋېتىلىپ، 20 يىلغىچە سىرتقا ئېچىۋېتىلمىگەن.