ئامېرىكا زۇڭتۇڭلىرىنىڭ 10 خىل پەزىلىتى
-
ئامېرىكا زۇڭتۇڭلىرىنىڭ 10 خىل پەزىلىتى
ۋاقتى: 2016-06-23 ئاۋاتلىقى: 2909 قېتىميانفوندا كۆرۈش
ئامېرىكا زۇڭتۇڭلىرىدىن ئۆگىنىشكە تېگىشلىك 10 خىل پەزىلەت
توخنىياز ئىسمائىل نىدائىي تەرجىمىسى
ئامېرىكا زۇڭتۇڭ سايلىمىنىڭ يېقىنلاپ كېلىشىگە ئەگىشىپ، سىز بەلكىم قانداق قىلغاندا زۇڭتۇڭ بولغىلى بولىدىغانلىقىغا قىزىقىۋاتقان بولۇشىڭىز مۇمكىن. ئۇلاردا قانداقتۇر ئالاھىدە پەزىلەتلەر بارمىدۇ؟ ئۆزىمىزنىڭ ئارتۇقچىلىقىنى بىلىشتە يەنىلا ئۆزىمىزنىڭ كەمچىلىكىنى ئوبدان چۈشەنگىنىمىز تۈزۈكرەكمۇ قانداق؟ بىز مەيلى كىم بولايلى، ئامېرىكا زۇڭتۇڭلىرىدىن تۆۋەندىكى ئارتۇقچىلىقلارنى ئۆگىنىشىمىزگە ئەرزىيدۇ:
بىرىنچى، باشقىلارنى ھۆرمەتلەش
كىشىلەرنىڭ جەمئىيەتتىكى ئورنى قانداق بولۇشىدىن قەتئىينەزەر، سىز ھامان ھەربىرەيلەننى ھۆرمەتلىشىڭىز كېرەك. مەيلى شىركەتنىڭ باش دىرېكتورى بولۇڭ، مەيلى رېستۇران كۈتكۈچىسى بولۇڭ، ھەربىرەيلەننىڭ باشقىلار بىلەن باراۋەر ھۆرمەتلىنىش ۋە ئىززەتلىنىش ھوقۇقى بار.
ئىككىنچى، سەۋرچانلىق بىلەن ساقلاش
ساۋرچانلىق ئۇتۇق قازىنىشتىكى ھالقىلىق ئارتۇقچىلىقلارنىڭ بىرى، بېلىق تۇتۇشتا بەسلىشىشتە، سىز بېلىقنىڭ قارماققا ئىلىنىشىنى ساقلىشىڭىز، بىتاقەت بولۇپ قالايمىقان قارماق تاشلىماسلىقىڭىز كېرەك. ناۋادا سەۋرچان بولسىڭىزلا، بېلىقنىڭ چوڭىنى تۇتۇپ قېلىشىڭىز مۇمكىن.
ئۈچىنچى، ئۈزلۈكسىز ئىلگىرىلەش
باشقىلارنىڭ ئوخشىمىغان پىكىرلىرىنى ئاڭلاشنى خالىشىڭىز كېرەك. ئەتراپىڭىزدىكى ھەممەيلەننى باش ئەگدۈرىدىغان ئەبلەخلەردىن بولىمەن دېمەڭ. ھەرۋاقىت رىقابەتلىشىشكە ھەمدە ئۇنىڭغا دادىل يۈزلىنىشكە تەييارلىقىڭىز بولسۇن. پەقەت سىز بىرقاتار رىقابەتلەرنى باشتىن كەچۈرگەندىلا، ئىشلارنى ئەڭ ياخشى قىلالايسىز.
تۆتىنچى، قايناق ھېسسىياتنى ساقلاش
بارلىق تەسەۋۋۇرلار، بولۇپمۇ ئۇلۇغۋار تەسەۋۋۇرلار دەسلىپىدىلا ھامان تەنقىدلەرگە كۆمۈلۈپ كېتىدۇ. ھامان بەزىلەر سىزنىڭ كۆزقارىشىڭىزنى ياقلىمايدۇ. شۇڭا بەزىدە ئۇ خىل ئىشلارغا خۇشاللىق بىلەن يۈزلىنىشىڭىز كېرەك.
بەشىنچى، خاتالىقىنى ئېتىراپ قىلىش
ھەرۋاقىت ئۆز خاتالىقىنى بوينىغا ئېلىشقا تەييار تۇرۇش. بارلىق نامدار شەخسلەر مۇشۇ ئىشقا كەلگەندە ئۆزىنى ئېلىپ قېچىشقا ئۇرۇنىدۇ. بىز پەزىلەتلىك كىشىلەردىن بولىمىز دەيدىكەنمىز، ئۆزىمىزنىڭ خاتالىقىنى ئېتىراپ قىلىشىمىز كېرەك.
ئالتىنچى، قارنى-كۆكسى كەڭ بولۇش
باشقىلارنى تەنقىدلەشكە ئالدىرىماي، ئۇلارنىڭ تۇرمۇش ئارقا كۆرۈنۈشىنى كۆپرەك ئويلاڭ. ناۋادا سىز بەزىلەرنىڭ گەپلىرىدىن ئۇنىڭ ئەخمەقلىقىنى ھېس قىلسىڭىز، بۇ ھەرگىزمۇ ئۇلارنىڭ دۆتلۈكىنى كۆرسەتمەيدۇ، بەلكى ئۇ سىزنىڭ تونۇشىڭىزنىڭ يېتەرلىك ئەمەسلىكىنى كۆرسىتىدۇ، خالاس. باشقىلارنىڭ خاراكتېرىنى تەنقىدلەشتىن ئىلگىرى، كۆپرەك ۋاقىت چىقىرىپ ئۇلارنى چوڭقۇرراق چۈشىنىپ بېقىڭ.
يەتتىنچى، كەمتەر بولۇش
سىز قانچىلىك پۇلدار، نامدار بولۇڭ، مەڭگۈ كەمتەر بولۇشىڭىز كېرەك. ناۋادا تەكەببۇر بولسىڭىزلا، ئۆزىڭىزنىڭ ماڭار يولىنى ئېتىپ قويغان بولىسىز.
سەككىزىنچى، ئۆزىنى بېغىلاش
مەيلى سىز نېمىلا ئىش قىلماڭ، ھامان ئاتلىنىش ھالىتىدە بولۇشىڭىز كېرەك. ناۋادا سىز ئىشخانىدا خىزمەت قىلسىڭىز، كوللېكتىپتىكى ھەربىرەيلەننىڭ ئىسمىنى چاقىرىپ چىقىڭ، ئۆزىڭىزنىڭ پائالىيەت تەرتىپىنى خاتىرىلەپ مېڭىڭ.
توققۇزىنچى، ئاكتىپ، تەشەببۇسكارلىق
مەسىلىلەرنى ھەل قىلىشقا ئاتلىنالايدىغان كىشىلەردىن بولۇڭ. ئاكتىپ، تەشەببۇسكار كىشىلەر ھامان باشقىلارنىڭ ھۆرمىتىگە ئېرىشەلەيدۇ. ھەمىشە بار مەبلەغكىلا تايىنىۋالماي، ئۆزىڭىز روياپقا چىقارماقچى بولغان رېئال نىشان ھەققىدە ئويلىنىشىڭىز كېرەك.
ئونىنچى، چېچەن، تەدبىرلىك بولۇش
ئۇزاق مۇددەتلىك پايدىسىز ۋەزىيەتتىن خالىي بولۇشتا، سىز تەدبىرلىك بولۇشىڭىز كېرەك. ناۋادا بەزىلەر سىزنى خالايىقنىڭ ئالدىدىلا تىللىسا، سىز جېدەلدىن ساقلىنىش ئالدىنقى شەرتى ئاستىدا مەسىلىنى مۇۋاپىق ھەل قىلىپ، ئىمكانبار توقۇنۇشتىن ساقلىنىشىڭىز كېرەك.
تەلەي قاپىقىدىن چىققان يازمىلار
داڭلىق رومان: گۆھەر ئارال (13)
2015-03-01 21:12:003547نۇرئەلى ئۈرۈمچىدە ئوقۇرمەنلەر بىلەن كۆرۈشتى
2015-09-06 19:37:074169كەمبەغەللەر بىلەن بايلارنىڭ 48 خىل پەرقى
2016-02-04 18:05:254992شۋېيتسارىيە بانكىسى نېمىشقا داڭلىق؟
2015-10-09 17:50:004702ئەنگلىيە پۇل مۇئامىلە ۋاقىت گېزىتى
2015-05-21 09:51:434414پەردازچىلىق مەدەنىيىتىمىزگە نەزەر
2015-02-09 12:57:133843دۇنيا بويىچە خادىمى ئەڭ كۆپ 50 شىركەت
2015-12-20 12:41:586369دۇنياۋى ناخشىچى دېڭ لىجۈننىڭ ھاياتى
2015-08-12 13:20:265781
- باھالار
-
ئىسمىڭىز:
- باھالار رېتى
-