نىدائىي يانبىلوگى

يانفوندا كۆرۈش

ئۆمەر ھەييام رۇبائىيلىرىدىن (2)

6

مەستكە تەنە قىلما، ئىچمىسەڭ ساغەر، 

غەيۋەت-شىكايەت قىلما، بولما مۇغەمبەر.

غادايما ھېچقاچان مەي ئىچمەيمەن دەپ،

سېنىڭ قىلمىشلىرىڭ مەيدىنمۇ بەتتەر.

7

دۇنيادا ئۇلۇغ سۆز ___ قۇرئان ئوقۇلۇر، 

ئۇمۇ ئۇدا ئەمەس، گاھ ئان ئوقۇلۇر.

پىيالە قىرىدا بىر ئايەت باركى، 

ھەر جايدا، ھەمىشە، ھامان ئوقۇلۇر.

8

تۇر گۈزەل، ئېچىلسۇن دىلىمىز بەھرى، 

يۈزۈڭدىن ھەل بولغاي مۈشكۈلات قەھرى.

توپىمىز كوزىغا ئايلانماي تۇرۇپ،

بىر كوزا ئىچەيلى، كەتسۇن دىل زەھرى.

9

سەھەردە ئۈن بەردى بىزنىڭ مەيخانە، 

ئەي، ئەھلە مەيخانە ئۈلپەت-دىۋانە.

تۇرغىن، پەيمانىنى تولدۇر شارابقا، 

تېخى تولماي تۇرۇپ بىزنىڭ پەيمانە.

10

ئۆردەك بېلىققا دەر: <<ئېقىپ كەتكەن ئاب،

يېنىپ، ئېرىق يەنە بولارمۇ سۇ بىلەن سىيراب.>>

ئۇ دەيدۇ: <<مەنۇ سەن بولارمىز كاۋاپ، 

سوڭ نە پايدا؟ دۇنيا دەريامۇ سەراب؟!>>

___ تەييارلىغۇچى: توخنىياز ئىسمائىل نىدائىي