نىدائىي يانبىلوگى

يانفوندا كۆرۈش

ئۆمەر ھەييام رۇبائىيلىرىدىن (1)

1

ئاشىق بولساڭ بولغىن شەيدايۇ مەستان، 

دىۋانە، بىنەۋا، رەسۋايۇ جاھان.

ھۇشيار بولساڭ تەشۋىش بولۇر ھەننىۋا نەرسە، 

مەست بولغاچ ئوشۇققا كەلمەيدۇ توپان.

2

تاڭنىنىڭ ھۆددىسىدىن چىقالماس كىشى، 

نە كېرەك سەۋدالىق دىلنىڭ تەشۋىشى. 

ئايدىڭدا مەي ئىچكىن، ئەي ئاي بىزدىن سوڭ، 

ئاي بىزنى تاپالماس، ئىزدەپ ياز - قىشى.

3

كىشىنى رەنجىتمە، رەنجىتمە زىنھار،

قەھرىڭنى بىراۋغا چاچمىغىن، ئەي زات.

ھېچكىمنى رەنجىتمە، ئۆزۈڭ رەنجىگىن،

گەر دېسەڭ راھەتنى ئۆزۈڭ غەمگە پات.

4

ھەر نېمە بولسىمۇ يۈزلىرىم گۈزەل، 

قامىتىم سەرۋىدەك تىك ۋە مۇكەممەل.

چۈشەنمەي ئادامەن نېچۈن بۇنچىلىك، 

ئۇز ھۆسن بەردىكىن نەققاشى ئەزەل.

5

مەن ئۆلسەم مەي بىلەن يۇيۇشنى كۆزلەڭ، 

يوقلاشتا جام بىلەن شارابتىن سۆزلەڭ.

قىيامەت كۈنىدە تاپماق بولسىڭىز، 

مەيخانا تۇپرىقى تۈۋىدىن ئىزلەڭ.

___ تەييارلىغۇچى: توخنىياز ئىسمائىل نىدائىي