مۇخبىرنىڭ 24-ئىيۇل جۇڭگو تۆمۈر يول ئېلېكتىرلەشتۈرۈش ئىدارىسى شىئەن ئېلېكتىرلەشتۈرۈش شىركىتىدىن ئۇقۇشىچە، دۆلەتنىڭ نۇقتىلىق تۆمۈر يول قۇرۇلۇشى تۈرى بولغان جۇڭگو تۆمۈر يول ئېلېكتىرلەشتۈرۈش ئىدارىسى قۇرۇلۇشنى ئۈستىگە ئالغان لەنجۇ-شىنجاڭ تۆمۈر يول يولۇچىلار مەخسۇس لىنىيەسى ھازىر تاپشۇرۇپ ئېلىش باسقۇچىغا كىرگەن، يىل ئاخىرىدىن بۇرۇن پۈتۈپ قاتناش باشلىنىشتىن ئۈمىد بار ئىكەن.

ئىگىلىنىشچە، بۇ لىنىيەنىڭ ئومۇمىي ئۇزۇنلۇقى 1776 كىلومېتىر بولۇپ، شەرقتە گەنسۇ ئۆلكىسىدىن باشلىنىپ، غەربتە شىنجاڭنىڭ ئۈرۈمچى شەھىرىگە تۇتىشىدىكەن، سائەتلىك سۈرئىتى 200 كىلومېتىردىن 250 كىلومېتىرغىچە قىلىپ لايىھەلەنگەن، بۇ دۇنيادىكى بىر قېتىمدا قۇرۇلۇش مۇساپىسى ئەڭ ئۇزۇن بولغان يۇقىرى سۈرئەتلىك تۆمۈر يول، شۇنداقلا جۇڭگودىكى تۇنجى دېڭىز يۈزىدىن ئېگىز رايوندا ياسالغان يۇقىرى سۈرئەتلىك تۆمۈر ئىكەن.

جۇڭگو تۆمۈر يول ئېلېكتىرلەشتۈرۈش ئىدارىسى گۇرۇھى شىئەن ئېلېكتىرلەشتۈرۈش شىركىتىنىڭ باش مۇدىرى جاڭ باۋجۇ مۇنداق دېدى: لەنجۇ-ئۈرۈمچى يۇقىرى سۈرئەتلىك تۆمۈر يولى گەنسۇ، چىڭخەي، شىنجاڭ ئۆلكە، ئاپتونوم رايونلىرىنى تۇتاشتۇرىدىغان پولات-تۆمۈر يىپەك يولى. شۇ چاغدا ئېلىمىزنىڭ غەربىدە يېڭى تېز تۆمۈر يول قاتناش تىرانسپورت يولى شەكىللىنىدۇ، گەنسۇنىڭ لەنجۇدىن شىنجاڭنىڭ ئۈرۈمچىگىچە ئەتىگەندە يولغا چىقىپ، كەچتە بېرىشنى ئىشقا ئاشۇرغىلى بولىدۇ، چىڭخەي-شىزاڭ ئېگىزلىكى يۇقىرى سۈرئەتلىك تۆمۈر يول بولماسلىق تارىخىغا خاتىمە بېرىدۇ، ئاسىيا-ياۋروپا چوڭ قۇرۇقلۇق كۆۋرۈكى تۆمۈر يولىنىڭ تىرانسپورت ئىقتىدارى زور دەرىجىدە ئۆسىدۇ، بۇ گەنسۇ، چىڭخەي، شىنجاڭنىڭ ئىقتىسادى تەرەققىياتىدا مۇھىم رول ئوينايدۇ.