خەلق كۈندىلىك گېزىتى خەۋىرى ،لەگلەك تورى تەرجىمىسى .

كونا يان تېلېفونلارنىڭ ئېقىش يۆنىلىشى ، پەقەت دۆلىتىمىزنىڭ مۇھىت ئاسراش خىزمىتىگە تەسىر كۆرسىتىپلا قالماستىن ،بەلكى يەنە نۇرغۇن دۆلەتلەرنىڭ بىخەتەرلىكىگە ،جۈملىدىن ھەر بىر پۇقرانىڭ بىخەتەرلىكىگە تەسىر كۆرسىتىدۇ ،يېقىندا بۇ مەسىلە ھەممە كىشىنىڭ دىققىتىنى تارتىدىغان مۇھىم نۇقتا بۇلۇپ قالدى .

ئىستېمالچىلار كونا يان تېلېفوننى زادى قانداق بىر تەرەپ قىلىش كېرەك ؟

كۆپىنچە كىشىلەر كونا يېن تېلېفونىنى ئۆيگە قۇيۇپ قۇيىدۇ ،بىراقلا ئەخلەتخانىغا تاشلىۋېتىدۇ ياكى يىغىۋېلىش دۇكىنىغا سېتىۋېتىدۇ .باشقىلارغا سوۋغا سۈپىتىدە بېرىدىغانلار يەنىلا ئاز . ئەڭ يېڭى سانلىق مەلۇمات نەتىجىسىدىن قارىغاندا ،2014-يىلى 2-ئايغىچە ،دۆلىتىمىزدىكى يان تېلېفون ئىشلەتكۈچىلەر سانى بىر مىليارد 200 مىليونغا يەتكەن بۇلۇپ ،پۈتۈن دۆلەت نوپۇسىنىڭ 92% نى ئىگىلەيدىكەن .بەزى كىشىلەر خىزمەت ئېھتىياجى بىلەن بىرلا ۋاقىتتا ئىككىدىن ، ياكى ئۈچتىن يانفونغا ئىشلىتىدىغان بۇلۇپ ، مۇشۇ بويىچە ھېسابلىغاندا ،دۆلىتىمىزدە ئىشلىتىلىۋاتقان تېلېفون سانى تەخمىنەن نەچچە مىلىياردقا يېتىدۇ .

ساقلىنىپ قېلىۋاتقان زور تۈركۈمدىكى يان تېلېفونلارمۇ ،نۇرغۇن شاللىنىش مۇھىتىغا دۇچ كەلدى .تەكشۈرۈشكە قارىغاندا ،كىشىلەر تەخمىنەن 15 ئايدا بىر يېڭى يان تېلېفون ئالماشتۇرىدىكەن ،ھەر يىلى دۆلىتىمىزدە 1 مىليارد دانە يان تېلېفون تاشلىۋېتىلدىكەن ، بىراق يىغىۋېلىش ئۈنۈمى ئاران 1% بولغان . بۇ تاشلىۋېتىلگەن تېلېفونلارنىڭ ئېغىرلىقى 10مىڭ توننىغا يېتىدىغان بولۇپ ،ئەگەر ھەممىسىنى يىغىۋېلىش بويىچە بىر تەرەپ قىلسا ،1500كىلوگرام ئالتۇنغا،10مىليون كىلوگرام مىسقا ، 30مىڭ كىلوگرام كۈمۈشكە ئالماشتۇرغىلى بولىدىكەن ،مۇنداقچە ئېيتقاندا بۇ بىر چوڭ بايلىق .

بىر تۈرلۈك تەكشۈرۈش نەتىجىسىنىڭ كۆرسىتىشىچە ، بېيجىڭ ،شاڭخەي ،گۇاڭجۇ قاتارلىق جايلاردا زىيارەتنى قۇبۇل قىلغان 1000نەپەر ئىستېمالچى ئىچىدە ،50% ئەتراپىدىكى كىشىلەر ئىلگىركى كونا يان تېلېفونىنى ئۆيىدە ساقلاپ قېلىشنى ، باشقا كىشىلەر تاشلىۋېتىشنى ، يىغىۋېلىش ئورنىغا ئاپىرىشنى ،باشقىلارغا سوۋغا قىلىشنى تاللىغان .كۆرۈۋېلىشقا بولىدۇكى دۆلىتىمىزدە تېلېفوننى تاشلىۋېتىش مەسىلىسى خېلىلا ئېغىر .ھازىر كىمنىڭ ئۆيىدە بىر نەچچە دانە ياكى بىر دانە بولسىمۇ كونا يان تېلېفون يوق ؟ئەمەلىيەتتە بۇنداق ساقلاپ قۇيۇش ئانچە بىخەتەر ئۇسۇل ئەمەس .ئاڭلاشلارغا قارىغاندا ، تېلېفون باتارىيسىنى ئۇزۇن قۇيۇپ قويغاندا پارتىلاش كېلىپ چىقىش ئېھتىمالىمۇ بار ئىكەن .بەزى باتارىيەلەر ئۇزۇن تۇرۇپ قالغاچقا ئىچىدىن سۇيۇق ماددا ئېقىپ چىقىدىغان بۇلۇپ ،بۇنىڭ ئىچىدە زەھەرلىك ماددىلار بار . شۇنىڭ ئۈچۈن كۆپچىلىككە تەۋسىيە قىلىنىدىغىنى يەنىلا كونا يان تېلېفوننى سېتىۋېتىش ، ئەگەر داڭلىق ماركىدىكى يان تېلېفون بولسا كونىنى يېڭىغا ئالماشتۇرۇش ئۇسۇلىنى قوللانسىمۇ بولىدۇ . ئادەتتە كونا يان تېلېفونلارنى يىغىپ سېتىۋېلىش باھاسى بەكلا تۆۋەن بولغاچقا كۆپچىلىك يەنىلا سېتىۋېتىشنى خالىمايدىكەن .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK