مەركىزىي ئىنتىزام تەكشۈرۈش كومىتېتى، مەمۇرىي تەپتىش  مىنىستىرلىقى تور بېكىتىدە 3-يانۋار 2015-يىلدىكى ناتوغرا ئىستىلغا قارشى تۇرۇش  دوكلاتى ئېلان قىلىنىپ: 2015-يىلى بىر تەرەپ قىلىنغان ناھىيە، باشقارما دەرىجىلىك  ۋە ئۇنىڭدىن يۇقىرى كادىر يېرىمدىن ئاشىدۇ دەپ كۆرىسىتىلدى.

     ئۈچ يىل ئۆتۈپ كەتتى، 8 بەلگىلىمە، تۆت ناتوغرا ئىستىلغا قارشى  تۇرۇش دېگەندەك سۆزلەر پۇقرالارغا ئەڭ تونۇشلۇق سۆزلەر بولۇپ قالدى، ئۆتكەن يىلى  ھەر دەرىجىلىك ئىنتىزام تەكشۈرۈش مەمۇرىي تەپتىش ئورگانلىرى تۆت ناتوغرا ئىستىلغا  قارشى تۇرۇشنى بوشاشتۇرماي، مۇھىم ۋاقىت نۇقتىسىنى تۇتۇپ، مەركىزىي نۇقتىنى  مەركەزنىڭ 8 بەلگىلىمىسىنىڭ روھىغا خىلاپلىق قىلىش مەسىلىلىرىگە قاراتتى،  30-نويابىرغىچە مەملىكەت بويىچە مەركەزنىڭ 8 بەلگىلىمىسىنىڭ روھىغا خىلاپ مەسىلىدىن  32 مىڭ قېتىمدىن كۆپرەكنى تەكشۈرۈپ، 43 مىڭدىن ئارتۇق كىشىنى بىر تەرەپ قىلىپ، 29  مىڭ كىشىگە پارتىيە ئىنتىزامى ۋە مەمۇرىي ئىنتىزام جازاسى بەردى.

     ئۆتكەن يىلى 30-نويابىرغىچە مەركەزنىڭ 8 بەلگىلىمىسىنىڭ روھىغا  خىلاپلىق قىلىپ بىر تەرەپ قىلىنغان پارتىيەلىك كادرىلار ئىچىدە ئۆلكە، مىنىستىرلىق  دەرىجىلىكتىن 8 ئى، ۋىلايەت، نازارەت دەرىجىلىكتىن 441ئى، ناھىيە باشقارما  دەرىجىلىكتىن 3818 ئى بار، ئۆتكەن يىلنىڭ ئالدىنقى 11 ئېيىدا بىر تەرەپ قىلىنغان  ناھىيە، باشقارما دەرىجىلىك ۋە ئۇنىڭدىن يۇقىرى دەرىجىلىك كادىرلار سانى ئالدىنقى  يىلدىكىدىن %51 كۆپ بولۇپ، بۇنىڭ ئىچىدە ۋىلايەت، نازارەت دەرىجىلىك كادىر %123 ،  ناھىيە باشقارما دەرىجىلىك كادىر %45 كۆپەيگەن.

     ئالدىنقى 11 ئايدا مەملىكەت بويىچە تەكشۈرۈپ بىر تەرەپ قىلىنغان  ناھىيە، باشقارما دەرىجىلىكتىن يۇقىرى كادىرلار بىر تەرەپ قىلىنغان كادىرلار  ئومۇمىي سانىنىڭ %9.9نى ئىگەللەپ، ئۆتكەن يىلدىكىدىن 6 پوئىنت ئاشتى، پارتىيە  مەمۇرىي ئىنتىزام جازاسى بېرىلگەنلەر نىسبىتى %65.9 گە يېتىپ، ئۆتكەن يىلدىكىدىن  بىر قاتلىنىپ، بارغانسېرى ئىنتىزامنى چىڭ تۇتۇش تەلىپى گەۋدىلەندى.