قېچپ توي قىلىش ھەرگىزمۇ ھەيران قالارلىق ئىش ئەمەس، ئەمما مەخسۇس قوشۇن قۇرۇپ ئاشىق-مەشۇقلارنىڭ قېچىپ كېتىشىگە ياردەم بېرىش ھەقىقەتەنمۇ كىشىنى ھەيران قالدۇرىدۇ. ئامېرىكا غارايىباتلار تورىنىڭ 3-فېۋرالدىكى خەۋىرىگە قارىغاندا، يېقىندا ھىندىستاندا «ھەقىقىي مۇھەببەت زەربىدار ئەترىتى» قۇرۇلغان بولۇپ، بۇ ئەترەتتىكىلەرنىڭ ۋەزىپىسى بىر-بىرىنى ياخشى كۆرىدىغان، ئەمما بىرگە بولۇشقا ئامالسىز قالغان ئاشىق-مەشۇقلارنىڭ قېچىشىغا ياردەم بېرىش  ئىكەن.

   ئىگىلىنىشىچە، ھىندىستاندىكى بەزىبىر رايونلاردا دىنىي ئېتىقاد ۋە جەمەتىنىڭ ئوخشاش بولماسلىقى سەۋەبلىك، نۇرغۇنلىغان ئاشىق-مەشۇقلارنىڭ توي قىلىشى مۇمكىن بولمىغان. مۇشۇ سەۋەبلىك ھىندىستاننىڭ پايتەختى يېڭى دېھلىدا بەش ئادەمدىن تەركىب تاپقان «ھەقىقىي مۇھەببەت زەربىدار ئەترىتى» قۇرۇلغان بولۇپ، بۇلار دەل مۇشۇنداق بىر جۈپلەرگە ياردەم بېرىپ، ئۇلارنىڭ قېچىپ توي قىلىشىغا ياردەمدە بولىدىكەن.