كەتمەن ساداسى

版权声明：转载时请以超链接形式标明文章原始出处和作者信息及本声明
logs/35613892.html

**********************
پولات ھېۋىزۇللا شېئىرلىرى
**********************

گىياھتىن چۇقان
***********

ئادەملەر،
ئالدىمىدىم، ئالداندىڭلار.
شامالدا
سۇناي دىگەن ئاجىز تۇرقۇمغا.
بولمىسا
قالاتتىڭلارمۇ ھەيران،
تاشلارنى يېرىپ چىققان غالىپ جىسمىمغا.


قارىچۇق
***********

مىدىرلىماس قارىچۇق ئىدى ئۇ،
قېتىپ قالغان.
ئۇ كۆرەلىدى
دۇنيانى تۈگەل،
مەستتەك پىرقىراپ تۇرغاچقا دۇنيا ...


بۇ يەردە
***********

بۇ يەردە
چۈمبەلگە ئورىلىپ كىلەر مۇھەببەت،
بۇ يەردە
ئەخلاققا ئورىلىپ ياشايدۇ ھەممە،
ھەتتا رەزىللىك ...


مەن
***********

ئاۋارىمەن
بوغۇزلاپ ئۆزۈمنى
ۋاقىتنىڭ پىچاقلىرىدا.
ئادەملەر سوتلاپ يۈرەر،
ماختاپ يەنە جەسەتلىرىمنى ...

*************************************
(مەنبە: «بىر قىز قەلبىگە تىز سىزما».
شىنجاڭ ياشلار-ئۆسمۈرلەر نەشرىياتى.1996-يىل 9-ئاي. 1-نەشرى)
بۇ شېئىرلارنى باشقا توربەتلەرگە كۆچۈرۈپ يوللاشقا بولمايدۇ
*************************************