2011 – يىللىق ئالىي مەكتەپ ئىمتىھانى ئاپتونوم رايونىمىز تولۇق ئوتتۇرا مەكتەپ دەرسلىكىنى ئىسلاھات قىلغاندىن كېيىن ئېلىنغان تۇنجى ئالىي مەكتەپ ئىمتىھانى. بۇ يىل شىنجاڭدا جەمئىي 147 مىڭ 700 تولۇق ئوتتۇرا مەكتەپ ئوقۇغۇچىسى ئادەتتىكى ئالىي مەكتەپ ئىمتىھانىغا قاتنىشىدۇ، بۇ بۇلتۇرقىدىن 16 مىڭى ئاز.
ھازىر، ئالىي مەكتەپ ئىمتىھانىنىڭ ئىسلاھات لايىھەسى ئوتتۇرىغا قويۇلۇپ، بۇ يىلقى ئالىي مەكتەپ ئىمتىھانى ئىسلاھاتىدىكى يېڭى ئۆزگىرىشلەرنى، ئاپتونوم رايونىمىز پائال، مۇقىم ئىلگىرى سۈرىدىغان ئوقۇغۇچى قوبۇل قىلىش ئىمتىھانى ئىسلاھاتىغا ئالاقىدار سىياسەت ۋە مەسىلىلەرنى چوڭقۇر چۈشەندۈرۈپ، ئىمتىھان بېرىدىغان ئوقۇغۇچىلار ۋە ئۇلارنىڭ ئاتا – ئانىلىرىغا ئاپتونوم رايونىمىزنىڭ بۇ يىللىق ئالىي مەكتەپ ئىمتىھانى ئىسلاھاتىنىڭ مۇھىم نۇقتىسى يەنىلا ئىمتىھان بەرگۈچىلەرنىڭ بىر تۇتاش ئىمتىھان نەتىجىسىگە ئەھمىيەت بېرىش بولىدىغانلىقىنى بىلدۈرۈش ئۈچۈن، ئاپتونوم رايونلۇق ئوقۇغۇچى قوبۇل قىلىش ئىشخانىسى بىلەن شىنجاڭ گېزىتخانىسى ھەمكارلىشىپ، ئالىي مەكتەپ ئىمتىھانى ئىسلاھات لايىھەسى مەخسۇس ئىستونىنى ئاچتى، ئوقۇرمەنلەر كۆڭۈل بۆلىدىغان مەسىلىلەر ئۈچ سانغا بۆلۈپ تەشۋىق قىلىنىدۇ.
