لۇ پەنپەن خەۋىرى : شىنجاڭ ئاياللار – بالىلار تەرەققىيات فوندى يېقىندا مەملىكەتلىك ئاياللار بىرلەشمىسى ئاپتونوم رايونلۇق ئاياللار بىرلەشمىسىنى قوللاش يۈزىسىدىن بېرىدىغان 1 مىليون يۈەن قىممىتىدىكى ‹‹سالامەتلىك پىلانى››غا دائىر كىتابلىرىنى قوبۇل قىلىشى ئۈچۈن، ئاپتونوم رايونىمىزنىڭ 86 ناھىيە (شەھەر، رايون)دىكى ئاياللار بىرلەشمىلىرىنىڭ تەپسىلىي ئالاقىلىشىش ئادرېسىنى جۇڭگو ئۆسمۈر – بالىلار فوندىغا ئەۋەتىپ بەردى. بۇنىڭ بىلەن مەملىكەتلىك ئاياللار بىرلەشمىسىنىڭ ‹‹5 مىليون يۈەن سەرپ قىلىپ، ئاپتونوم رايونلۇق ئاياللار بىرلەشمىسىنى قوللاش›› ھەرىكىتى باشلاندى.
شىنجاڭ ئاياللار – بالىلار تەرەققىيات فوندىنىڭ باش كاتىپى چېن خۇانىڭ تونۇشتۇرۇشىچە، بۇ قېتىمقى 1 مىليون يۈەن قىممىتىدىكى كىتاب بىۋاسىتە تارقىتىلىدىكەن، جۇڭگو ئۆسمۈر – بالىلار فوندى كىتابلارنى ياردەم قىلىنىدىغان جايلارغا پوچتا ئارقىلىق بىۋاسىتە ئەۋەتىپ بېرىدىكەن، ياردەم قىلىنىدىغان ئورۇنلار كىتابلارنى تاپشۇرۇۋالغاندىن كېيىن، شۇ جايدىكى مەكتەپ ۋە ‹‹ئاياللار ئائىلىسى›› گە تارقىتىپ بېرىدىكەن.
