گايتىس شۇ كۈنى دۆلەت مۇداپىئە مىنىستىرلىقىدا ئۆتكۈزۈلگەن ئاخبارات ئېلان قىلىش يىغىنىدا ، ئوباما بۇ قارارنى شۇ يەرنىڭ ‹‹ ئىنسانپەرۋەرلىك ۋەزىيىتى ›› نى ئويلاشقان ئاساستا چىقارغانلىقىنى ، بۇ رازۋېتكا ئايروپىلانىنىڭ ئىلگىرى ئۇرۇشقا قاتناشقان كۈرەشچى ئايروپىلانلارنىڭ ئىقتىدارىنى تولۇقلايدىغانلىقىنى ئېيتتى .
گايتىس بىلەن بىرلىكتە ئاخبارات ئېلان قىلىش يىغىنىغا قاتناشقان ئىشتاب باشلىقلىرى بىرلەشمە يىغىنىنىڭ رەئىسى جامىس . كاترايت : بىز تىلغا ئالغان ‹‹ ئوۋچى ›› لىۋىيە ھۆكۈمەت ئارمىيەسىگە قاقشاتقۇچ زەربە بېرەلەيدۇ . بۇ خىل ئايروپىلان تۆۋەن ھاۋا بوشلۇقىدا ئۇچۇپ ، دۈشمەن ئەھۋالىنى ناھايىتى ئېنىق كۆزىتەلەيدۇ ، ئۇچۇش ۋاقتىمۇ ئۇزۇن بولۇپ ، دۈشمەنگە ئۇزاققىچە زەربە بېرەلەيدۇ ، ھۇجۇم كۈچى تۆۋەنرەك بولۇپ ، زىيادە ئۆلۈش-يارىلىنىشتىن ساقلانغىلى بولىدۇ . بۇ ئايروپىلان ئىلگىرى لىۋىيەدە ۋەزىپە ئۆتىگەن ، بىراق ئۇ ۋاقىتتا ، باشقۇرۇلىدىغان بومبا سەپلەنمىگەن ، دېدى .
‹‹ ئوۋچى ›› ــ ئاتوم ئېنېرگىيەسى ئاۋىياتسىيە سىستېمىسى شىركىتى تەرىپىدىن ئىشلەپچىقىرىلغان ، تېزگىنەك ئارقىلىق باشقۇرۇلىدۇ . ئادەتتە چارلاش ۋەزىپىسىنى ئۆتەيدۇ . يېقىنقى يىللاردىن بۇيان ، بۇ ئايروپىلان ئاففانىستان ۋە پاكىستان چېگرىلىنىدىغان رايونلاردا قوراللىق ئۇنسۇرلارغا كۆپ قېتىم زەربە بەرگەن . بۇ ئايروپىلاننىڭ گەرچە ھۇجۇم كۈچى تۆەنرەك بولسىمۇ ، بىراق داۋاملىق بىگۇناھ پۇقرالارنىڭ ئۆلۈش-يارىلىنىشىنى كەلتۈرۈپ چىقارغان .
