بۇ قېتىمقى مەۋسۇملۇق ئىمتىھاننى ياخشى بېرەلمەي، سىنىپتا ئالدىنقى ئون ئوقۇغۇچىنىڭ ئىچىگە كىرەلمىدىم. ئاپام بۇنىڭدىن بەكمۇ ئاچچىقلاندى. ئىز تورىدا ئىزلىرىمىز قالسۇن!
شەنبە كۈنى نەۋرە سىڭلىم مېنى ئۆيىگە چاقىرغانىدى، ئاپام ئۇ يەرگە بېرىشىمغا قوشۇلدى. ‹‹توردىمۇ ئۆگىنىش قىلغىلى بولىدىغۇ›› دەپ ئويلاپ، ئۇنىڭ ئۆيىگە بوخچامنى ئالماي باردىم. كەچتە ئۆيگە قايتىپ كەلگەندە ھېرىپ كەتكەنلىكىمدىن، كىرېسلودا يېتىپ ئارام ئېلىۋاتاتتىم. ئاپامنىڭ ئاچچىقى تېخى بېسىلمىغانىدى. ئۇ مېنى چاقىرىپ پول سۈرتۈشكە سالدى. مەن گەپ – سۆز قىلماي پولنى سۈرتتۈم. پولنى سۈرتۈپ بولغاندىن كېيىن، يەنە ئورنۇمغا كېلىپ ئولتۇرغانىدىم. بۇنى كۆرگەن ئاپام ‹‹مەۋسۇملۇق ئىمتىھاندا ئوننىڭ ئىچىگە كىرەلمىدىڭ، شۇنداق تۇرۇقلۇق باشقىلارنىڭ ئۆيىگە ئوينىغىلى باردىڭ، ياخشىراق ئۆگىنىش قىلىشنى بىلمەيسەن›› دەپ كوتۇلدىغىلى تۇردى. ‹‹بارغانسېرى ياخشى ئوقۇمايدىغان بولۇپ قالدىڭ. ئىمتىھاندا نەتىجەڭ چۈشۈپ كەتسىمۇ، كۆڭلۈڭ يېرىم بوپمۇ قويمايدۇ. ئالدىنقى مەۋسۇملەردە 5 –، 6 – بولاتتىڭ، بۇ قېتىم نەتىجەڭ بەك تۆۋەن، قانداق ئوقۇۋاتىسەنكىن؟ پۇلغا سېتىۋالغان تەكرارلاش سۇئاللىرىنى ئىشلىمەيسەن، كۈندە كومپيۇتېر ئويناشنىلا بىلىسەن...››. ئىز تورىدا ئىزلىرىمىز قالسۇن!
بۇ گەپلەرنى ئاڭلاپ ئاپامغا چۈشەندۈرۈشكە باشلىدىم: ‹‹كۈندە ئويناپ يۈرمۈدۈم، كىتاب ئېلىپ بارمىسام ئۆگىنىش قىلمىغان، كىتاب ئېلىپ بارسام ئۆگىنىش قىلغان بولامدىم؟ مېنىڭ ياخشى ئوقۇش ئويۇمنىڭ يوقلۇقىنى سىز قانداق بىلىسىز؟ ئازراق ئارام ئېلىش ۋاقتىم يوقمۇ مېنىڭ؟ مېنى كۈندە كىتابلار ئارىسىغا كۆمۈلۈپلا ياتسۇن دەمسىز؟›› ئىز تورى www.iz.la
مېنىڭ ئوقۇغۇم يوق ئەمەس، ئۆزۈمنى ئاقلاش ئۈچۈن شۇنداق دىگەنىدىم. ئاپامنىڭ مېنى بۇنداق دېيىشى كۆڭلۈمگە كەلگەنىدى، مەن تېخى ئاپام ئويلىغان دەرىجىدە ئەمەس ئىدىم. تەنەپپۇس بولسا دەرسخانىدا جىم ئولتۇرۇپ تاپشۇرۇق ئىشلەيمەن، باشقا ساۋاقداشلىرىم بىر – بىرىدىن قىلچە ھىيىقماي تاپشۇرۇقلارنى كۆچۈرۈشىدۇ، توغرىلىشىدۇ، لېكىن ئۇلار يەنىلا خۇشال ياشايدۇ. ئاپامنىڭ ماڭا نېمە ئۈچۈن مۇشۇنداق مۇئامىلە قىلىدىغانلىقىنى بىلمىدىم. ئۆزۈمنى باشقىلار بىلەن سېلىشتۇرغۇنۇم ئەمەس، مەن ھەقىقەتەن ئاپام ئويلىغاندەك ئۇنچىلىك ناچار ھالەتتە ئەمەس ئىدىم. ياخشى نەتىجىگە ئېرىشىش ئۈچۈن قانچىلىق تىرىشقانلىقىمنى ئاپام بىلمەمدىغاندۇ؟ رىقابەتچىلەر سىنىپىغا كىرەلمىگىنىم، مەۋسۇملۇق ئىمتىھاننى ياخشى بېرەلمىگىنىمگە قانچىلىك كۆز يېشى قىلغىنىمنى ئۇ قانداقمۇ بىلسۇن. بىز ھەممىمىز ئىز تورىنى ياخشى كۆرىمىز!
ئاپامغا شۇ گەپلەرنى قىلىۋاتقاندا، ئۇ غەزەپ بىلەن ياتاق ئۆيدىن ئېتىلىپ چىقتى – دە، كۆرۇۋاتقان كىتابىمنى قولۇمدىن يۇلۇپ ئېلىپ، مېنى ئۇرۇپ كەتتى. كۆز يېشىمنى توختىتىشقا تىرىشىپ باقتىم، لېكىن قەلبىمدىكى يارا كۆز ياشلىرىمنى ئېتىلىپ چىقىشقا مەجبۇرلايتتى. ئاپام مۇشۇنداق ئەسكى بولۇپ كەتكەنمىدۇ؟ ياق، ئۇ يەنىلا مېھرىبان، كۆيۈمچان ئانا. لېكىن ئۇنىڭ ماڭا خاپا بولغان چاغدىكى قىياپىتىگە قاراشتىن قورقىمەن، شۇ چاغدىكى قىياپىتىگە قارىسام ئۇنىڭ مېنى ياخشى كۆرىدىغانلىقىغا ئىشەنمەي قالىدىكەنمەن. ئىز تورىدا ئىزلىرىمىز قالسۇن!
ئاپا، نېمىشقا يۈرەك سۆزۈمنى ئېغىر – بېسىقلىق بىلەن ئاڭلاپ باقمايدىغانسىز؟
ئىز تورى www.iz.la
تاڭنۇر ئابدۇرۇپ تەرجىمىسى www.iz.la
‹‹جۇڭگو مائارىپ گېزىتى››دىن
ئىز تورىدا ئىزلىرىمىز قالسۇن!
