1-ئاينىڭ 2-كۈنى، چىلىنىڭ ئوتتۇرا قىسىمىدا 7.1 بال قاتتىق يەر تەۋرىگەن، دېڭىز تاشقىنى يۈز بېرىشىدىن ئەنسىرىگەن نەچچە مىڭ ئامما ئالاقىزادە بولۇپ ئۆيلىرىدىن چىقىپ كەتكەن. ھۆكۈمەت ئەمەلدارىنىڭ دېيىشىچە، ئادەم ئۆلىش-يارىلىنىش ۋە مال-مۈلۈك زىيانغا ئۇچرىغانلىقى توغرىسىدا خەۋەر يوق ئىكەن.
بۇ قېتىمقى يەر تەۋرەش چىلىنىڭ ئوتتۇرا قىسىمىدىكى تېمۇكو (Temuco) شەھىرىنىڭ غەربىي شىمالىغا 70 كىلومېتىر كېلىدىغان Tirua رايونىدا شۇ جاي ۋاقتى چۈشتىن كېيىن سائەت 5:21 ئۆتكەندە يۈز بەرگەن. تەۋرەش مەركىزى چىلى پايتەختى سانتىياگو بىلەن 595 كىلومېتىر كېلىدىكەن.
ئامېرىكا گىئولوگىيە تورىنىڭ خەۋىرىگە ئاساسلانغاندا، تەۋرەش چوڭقۇرلىقى 17 كىلومېتىر بولغان، ئاز دېگەندە بىر قېتىم 5 بال قالدۇق يەر تەۋرىگەن.
تىنچ ئوكيان قىرغىقى رايونىدا دېڭىز تاشقىنى يۈز بېرىش ئېھتىماللىقى يوق ئىكەن، يەرلىك ھۆكۈمەت ئېگىز جايلارغا چىقىۋالغان ئاممىنىڭ دېڭىز ياقىسىدىكى ئۆيلىرىگە قايتىشقا دەۋەت قىلغان.
