قاقاقىلاپ كۈلۈش ئورۇقلاشقا پايدىلىق

كىشىلەر تاماقنى ئاز يېيىش، بەدىنىدىكى ياغنى ئوپېراتسىيە قىلىپ ئالدۇرۋېتىش،چېنىقىش ئارقىلىق ئورۇقلاش مەقسىتىگە يەتمەكچى بولىدۇ. يېقىندا ئالقملارنىڭ تەتقىقاتىدىن بايقىلىشىچە، قاقاھلاپ كۈلۈشمۇ بىرخىل ئۈنۈملۈك ئورۇقلاش ئۇسۇلى بولۇپ، كۈلگەن چاغدا سەرپ بولىدىغان ئېنېرگىيىگە سەل قاراشقا بولمايدىكەن.
ئامېرىكا ۋاندېربىلت ئۇنىۋېرسىتېتىدىكى تەتقىقاتچىلار ياۋرۇپا سېمىزلىك يىغىنىدا،10مىنۇتتىن15مىنۇتقىچە قاقاھلاپ كۈلگەن چاغدا سەرپ بولىدىغان ئېنېرگىيىنىڭ ئوتتۇراھال چوڭلۇقتىكى كۋادرات شەكىللىك شاكىلات تەركىبىدىكى ئېنېرگىيە مىقدارى بىلەن تەڭ ئىكەنلىكىنى ئوتتۇرىغا قويغان.گەرچە بۇ خىل ئورۇقلاش ئۇسۇلىنىڭ بەدەن چېنىقتۇرۇش ياكى تاماقنى ئاز يەپ ئورۇقلاشقا سېلىشتۇرغاندا كۆرۈنەرلىك بولمىسىمۇ،ئەمما قاقاھلاپ كۈلۈش ئادەملەرنىڭ جىسمانىي ۋە روھى ساغلامىلىقىغا پايدىلىق ئىكەن.

ئىز تورى www.iz.la

تەتقىقاتچى خادىملار تەجرىبە جەريانىدا دوستلىرىنى چاقىرىپ،ئۇلارنى ئاددىيغىنا بىزەلگەن ئۆيگە ئەكىرىپ،ئۇلارغا كۈلكىلىك،كومىدىيىلىك فىلىملەرنى قويۇپ بېرىپ،فىلىم تۈگىگەندىن كېيىن،ئۇلارنىڭ بەدىنىدە سەرپ بولغان ئېنېرگىينىڭ مىقدارىنى ئۆلچىگەن.تەتقىقاتچىلارنىڭ تونۇشتۇرىشىچە،كىنو كۆرگۈچىلەرنىڭ تەبىئىي ھالدا ئۆز ئىختىيارلىقى بىلەن كۈلۈش،مەجبۇرىي ياكى قەستەن قاقاھلاپ كۈلۈشنىڭ ئالدىنى ئېلىش ئۈچۈن،تەجرىبە ئېلىپ بېرىشتىن ئاۋۋال تەجرىبە مەقسىتىنى ئېيتمىغان.تەبىئىي ھالدا ئۆز ئىختىيارلىقى بىلەن كۈلۈش ۋە مەجبۇرىي ياكى قەستەن قاقاھلاپ كۈلۈش ئادەم مېڭىسىنىڭ ئوخشىمىغان ئىككى بۆلىكى تەرىپىدىن قوزغىتىلىدىكەن.

ئىز تورى www.iz.la

    تەجرىبە جەريانىدا 14ئەر،34ئايال ۋە 21ئەر ئايالنىڭ كىنو كۆرۈش جەريانىدا،گەپ قىلماسىلىقى،قالايمىقان ماڭماسلىقى،پەقەت ئورۇندقتا ئولتۇرۇپ كومىدىيىلىك فىلىمىنى كۆرۈش تەلەپ قىلىنغان.ئالاھىدە لايىھىلەنگەن بۇ ئۆيدە،كىنو كۆرگۈچىلەرنىڭ سۈمۈرگەن ئوكسىگېننى ۋە چىقارغان كاربون(IV)ئوكسىدى مىقدارىنى ئۆلچەپ، كىنو كۆرگۈچىلەرنىڭ كىنو كۆرۈش جەريانىدا سەرپ قىلغان ئىسسىقلىق ئېنېرگىيە مىقدارىنى ئۆلچىگەن.ئۇنىڭدىن باشقا يەنە ئاۋاز كۈچەيتكۈچ قاتارلىق قوشۇمچە ئەسۋابلار ئارقىلىق كۈلكە ئاۋازىنى خاتىرلىگەن
    نەتىجىدە،قاقاھلاپ كۈلگەن ۋاقىتتىكى سەرپ بولغان ئېنېرگىيە،كۈلمىگەن ۋاقىتتىكىگە سېلىشتۇرغاندا%20ئارتۇق بولغان.تەتقىقاتچىلارنىڭ ھېسابلىشىچە،ئەگەر سېمىز كىشىلەر ھەركۈنى تەبىئىي ھالدا10مىنۇتتىن15مىنۇتقىچە قاقاھلاپ كۈلسە،بىر يىل ئىچىدە ئىككى كىلوگرام ئورۇقلىيالايدىكەن. ئىز تورىدا ئىزلىرىمىز قالسۇن!
      باشقا فىزىئولوگىيە مۇتەخەسىسلىرى بۇ تەجرىبە نەتىجىسىگە قارىتا،نۆۋەتتە بۇنى گەرچە بىر خىل ھەقىقىي ئۈنۈملۈك ئورۇقلاش ئۇسۇلى دەپ ئېيتىشقا بولمىسىمۇ،ئەمما قاقاھلاپ كۈلۈش ئارقىلىق ئورۇقلاشنىڭ ئۆزىلا كىشىلەرنى ئىختىيارسىز كۈلدۈرىدۇ دېگەن. بۇ مەزمۇن ئىز تورىدىن كۆچۈرۈلگەن

خەتكۈچلەر:

ئىز تورى-爱智网

قاقاقىلاپ كۈلۈش ئورۇقلاشقا پايدىلىق