ئامور سەيخان
(موڭغۇلىيە) copyright by www.iz.la
رادىيودا خەۋەر ئاڭلىتىلىۋاتاتتى، خەۋەردە بىرازىلىيەلىك ئىككى ئوغرىنىڭ بانكىنىڭ ئاستىدىن لەخمە كولاپ 68 مىليون رىيالنى ئوغرىلاپ كەتكەنلىكى ئېيتىلغان. بالادان بىلەن داندېل بۇنى ئاڭلاپ ئولتۇرالماي قالدى.
− بىز قول سالغان بولساق، بۇنىڭدىنمۇ ئارتۇق پۇلغا ئېرىشەتتۇق، − دېدى بالادان. ئۇنىڭ گېپىنى ئاڭلىغان داندېل دەرھال بازاردىكى بانكىغا ماڭدى.
− ئەخمەق! بۇ بانكىدا قانچىلىك پۇل بار دەيسەن؟ ئەگەر بېرىشقا توغرا كەلسە، پايتەختكە بارايلى، ئۇ يەردە بانكا كۆپ، − دېدى بالادان.
بىر نەچچە كۈندىن كېيىن، تولۇق قوراللانغان ئىككەيلەن ئۇلانباتورنىڭ مەركىزى كوچىسىدا پەيدا بولدى. ئۇلار ئۇلانباتورنىڭ كۆككە تاقاشقان ئېگىز بىنالىرىغا ئۈمىد بىلەن تىكىلدى.
بۇ مەزمۇن ئىز تورىدىن كۆچۈرۈلگەن
− بىنالارغا تولا قاراۋەرمە، باشقىلار گۇمانلىنىپ قالمىسۇن، − دېدى بىرى.
− بۇنداق ۋالاقلىساڭ باشقىلار بىزدىن تېخىمۇ گۇمانلانمامدۇ؟ − دېدى يەنە بىرى.
ئۇلار پىلان بويىچە بانكا ئەتراپىدىن ئۆي ئىجارە ئالدى.
− يەنىلا مەن ئىشىككە قاراي، سەن گۈرجەكنى ئېلىپ لەخمە كولىغىن، − دېدى داندېر.
شۇنداق قىلىپ ئۇلارنىڭ «ئۇلۇغ قۇرۇلۇشى» باشلاندى، پىلان ئوڭۇشلۇق يۈرۈشىۋاتاتتى، 20 كۈنگە قالماي لەخمە كولىنىپ بولدى. ئۇلار خەيرلىك بىر كەچنى تاللاپ لەخمە ئارقىلىق بانكىغا كىرىپ 68 مىليون تۈگرىكنى تاغارغا قاچىلىدى.
− ھېلىقى بىرازىلىيەلىكلەردىن كۆپرەك ئېلىشىمىز كېرەك، − ئۇلار شۇنداق دېيىشىپ، تاغارغا يەنە 1 مىليون تۈگرىك قاچىلىدى.
ئىز تورىدا ئىزلىرىمىز قالسۇن!
بىر نەچچە كۈندىن كېيىن ئۇلار يۇرتىغا قايتىپ كەلدى.
− مېنىڭچە، بۇ پۇللارنى كالا ئېغىلىغا كۆمۈۋېتەيلى، − دېدى بىرى تەكلىپ بېرىپ.
− بولىدۇ، − دېدى يەنە بىرى.
شۇنىڭدىن كېيىنكى بىر نەچچە كۈندە ئۇلار رادىيونىڭ يېنىدىن كەتمەي، ئۆزلىرىنىڭ «شەرەپلىك ئىشى» توغرىلىق خەۋەر ئاڭلىماقچى بولۇشتى.
بىر نەچچە ئاي ئۆتۈپ كەتتى، ئۇلار تەقەززا بولغان خەۋەرنى ئاڭلىيالمىدى. ئۇلار بىر كۈنى توساتتىن «موڭغۇلىيە ۋاقىت گېزىتى»دە مەلۇم پارتىيەنىڭ مۇئاۋىن شۇجىسى باتۇرنىڭ بانكىدىن پۇل بۇلاپ سايلامغا قاتناشقانلىقى توغرىسىدىكى خەۋەرنى كۆرۈپ قالدى. خەۋەر يەنە تېلېۋىزوردىمۇ بېرىلدى.
بۇ مەزمۇن ئىز تورىدىن كۆچۈرۈلگەن
بىر نەچچە كۈندىن كېيىن، ساقچى ئىدارىسىدا تاغار كۆتۈرگەن ئىككى كىشى پەيدا بولدى. ئۇلار لەخمە كولاپ ئوغرىلىق قىلغان بالادان بىلەن داندېر ئىدى. ئۇلار جىنايىتىنى يىپىدىن - يىڭنىسىغىچە تاپشۇردى. ساقچى ئىدارىسىنىڭ باشلىقى ئۇلارنىڭ چۈشەندۈرۈشلىرىنى ئاڭلىغاندىن كېيىن، قاقاھلاپ كۈلگىنىچە:
− سىلەرنىڭ ئىزچىل باتۇر باشچىلىقىدىكى پارتىيەنى قوللايدىغانلىقىڭلارنى بىلىمەن، لېكىن ئۇ نەچچە كۈننىڭ ئالدىدا بانكا بۇلىغانلىق جىنايىتى بىلەن تۈرمىگە كىردى، ئۇنىڭ جىنايىتىنى ئۈستۈڭلارغا ئېلىشىڭلار ھاجەتسىز! − دېدى.
ئىككەيلەن روھسىز ھالدا ساقچى ئىدارىسىدىن قايتىپ چىقتى. ئىز تورى www.iz.la
خەتكۈچلەر:
